Juan 7:27 - Kashibo-Kakataibo Biblia

²⁷ Cristo aia ca unin ꞌunántima ꞌicën, uinuax cara aia quixun. Usa ꞌaínbi cananuna nun uinuax cara Jesús ënëx uaxa quixun ꞌunanin.

Nukën 'Ibu Diosan ain unikama 'inan ain bana

²⁷ Cristo aia ca unin 'unántima 'icën, uinuax cara aia quixun. Usa 'aínbi cananuna nun uinuax cara Jesús ënëx uaxa quixun 'unanin.

Juan 7:27 Iomraidhean Croise

Isaías 11:1

Ësai ka Dios kiakëxa, Jesénën rëbúnki achúshinuax ka i mo kótëkëni kanikë usaribi ꞌitánun achúshi uni mërati ꞌikën, usa ꞌi ka aín tapunuaxi kookësa ꞌi mërati ka ax ꞌapu ꞌiti ꞌikën.

Isaías 53:8

Usa ꞌain ka ñu ꞌatima ꞌakëmabi uankankëbë anun rabanan nëëti ax banati uibi ꞌaíma ꞌiti ꞌikën; usai ꞌikëbë ka axa ñukama ꞌinúkëbë uisa ñu kara inutia kiax ax ami sinánti uni ꞌaíma ꞌiti ꞌikën. ꞌImainun ka ënë menua chikinti ꞌikën, ꞌanan ꞌën aintsikama ꞌucha kupín bamatanun ꞌakánti ꞌikën.

Jeremías 23:5

Ësai ka Nukën ꞌIbu asérabi kiakëxa: “Ka is achúshi nëtë ka uti ikë, anúan Davidtan rëbúnki ꞌibuira, ax ꞌapu achúshi ñu ꞌunairakë ꞌixun unikama ꞌakinkin, Judá menu ꞌikë unikama ainra upíokin ñu ꞌaia bukunun ꞌakinti ꞌikën, usokëx ka ñu ꞌatima ꞌaíma upiti tsóti ꞌikën.

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Marcos 6:3

Carpinteroishi ca ënëx ꞌicën, Marían tuá. Ax ca Jacobo ꞌimainun José ꞌimainun Judas ꞌimainun Simón aín xucën ꞌicën. Aín chirabacëcamaribi ca ënu nubë ꞌicën, ¿usa cat? —quiax canancëxa. Usai canani ca aín bana cuaisama tani ami nishacëxa.

Lucas 4:22

Cacëxuan cuati ca anu ꞌicë unicamax cuëëni —aín bana ca asábi ꞌicë —quianan —axa quicë banax ca upíira ꞌaish uni itsin banasama ꞌicë —quiax quiacëxa. Usai qui ca —¿Josénën bëchicë ꞌaíshbi cara usai banain? —quiax canancëxa.

Juan 6:42

quicancëxa: —¿Josénën bëchicë, Jesús, ama cara ënëx ꞌic? Nun cananuna aín tita ꞌimainun aín papa ꞌunan. ¿Uisacatsi cara —ꞌëx cana naínuax uan —quiax quin?

Juan 7:15

Ñuixunia cuati ca judíosnën ꞌapucamax ratuti quiacëxa: —¿Uisa ꞌixun cara ënë unin nun cushicaman ꞌacësaribi oquin quirica ꞌacë ꞌixúnmabi uisai cara cuënëo banacama quia quixun ꞌunanx?

Juan 9:29

Nun cananuna ꞌunan, Moisésbë ca Nucën Papa Dios banacëxa. Usa ꞌixunbi cananuna uinuax cara a uni uaxa quixun ꞌunaniman.

Hechos 8:33

Ax upí sinánñu ꞌicëbia tëmëramicancëbëbi ca uinu ꞌicë uníxbi anun rabanan nëëti banacëma ꞌicën. Axa ënë menu utancëx bama ꞌain ca a unin ñuiti aín rëbúnqui ꞌaíma ꞌicën.