Juan 7:10 - Kashibo-Kakataibo Biblia

¹⁰ Usaquin cacëxa aín xucë́antu cuanbi ca Jesús atu caxu cuancëxa, unían —ax ca Jesús ꞌicë —quixun ꞌunánunmaishi.

Nukën 'Ibu Diosan ain unikama 'inan ain bana

¹⁰ Usaquin cacëxa aín xucë́antu cuanbi ca Jesús atu caxu cuancëxa, unían —ax ca Jesús 'icë —quixun 'unánunmaishi.

Juan 7:10 Iomraidhean Croise

Salmos 40:8

ꞌËn ꞌIbu Dios ꞌëx kana mix kikësabiokin ꞌai ꞌitsaira kuëënin; ¡usa ꞌain kana min ꞌunánmikë banakama manukinma ꞌën nuitunënbi sinanin!

Amós 5:13

Usa ꞌain ka uix kara sinánñuira ꞌikë ax banaima nëtë́kë ꞌiti ꞌikën, ënë nëtë ka ꞌaisama ꞌikë usa ꞌain.

Mateo 10:16

ꞌËn cana carnero ꞌinúan nëëcë nëbë́tsinu ꞌicësaribi ꞌinun mitsu xutin. Nëëquin ca ꞌinúanën carnero binuxun bëarati ꞌicën. Usaribi oquin ca axa mitsumi nishcë unin mitsu ꞌatimocatsi quixun sinánti ꞌicën. Usaquian sináncëbë camina bërúancati ꞌain, runu ꞌicësaribiti. Bërúancanan camina axa mitsumi nishcë uni ami nishi abë ꞌatimonantima ꞌain, numacuru ꞌicësaribiti.

Mateo 12:46

Jesusan anu ꞌicë unicama bana ñuixunmainun uxun ca ëmánxun aín tita ꞌimainun aín xucë́antun —Jesúsbë cananuna banacatsi —quixun anu ꞌicë uni cacëxa.

Mateo 3:15

Cacëxunbi ca Jesusan cacëxa: —Uisai cara Nucën Papa Dios quia, usai cananuna ꞌiti ꞌain. Usa ꞌain camina min ꞌë bërí nashimiti ꞌain. Cacëxun ca Juanën —cana mi ꞌati ꞌain —quixun caxun Jesús nashimiacëxa.

Marcos 3:21

Usai ꞌia cuabiani ca aín aintsi ꞌibu ax —sapi ca ñunshíanxa —quiquiani Jesús bitsi cuancëxa.

Juan 11:54

Usa ꞌain ca Jesús judíos unicaman istin rabanan Judeanuax anua uni ꞌicëma menu ꞌurama ꞌicë ëma Efraín cacë, anu cuancëxa. Anua ꞌain ca abë aín ꞌunánmicë unicama ꞌiacëxa.

Juan 7:3

aín xucë́antun Jesús cacëxa: —Ënuax ca Judea nëtënu cuantan, anuxunmi ñu ꞌaia an min bana cuacë unicaman isnun.

Juan 7:5

Aín xucën ꞌibu ꞌixunbi aín bana cuaisama tanquin ca usaquin cacëxa.

Juan 7:9

Quixun aín xucë́antu catancëx ca Jesús Galileanu tiquiacëxa.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.