Juan 7:1 - Kashibo-Kakataibo Biblia

¹ Usaquin bana ñuixuntancëx ca judíos unicamaxa a ꞌacatsi quiax ꞌësë́nania ꞌunanx, Judea nëtënu ꞌicë ëmacamanu cuainsama tani Galilea nëtënu ꞌicë ëmacamanushi nitsi anubi Jesús ꞌiacëxa.

Nukën 'Ibu Diosan ain unikama 'inan ain bana

¹ Usaquin bana ñuixuntancëx ca judíos unicamaxa a 'acatsi quiax 'ësë́nania 'unanx, Judea nëtënu 'icë ëmacamanu cuainsama tani Galilea nëtënu 'icë ëmacamanushi nitsi anubi Jesús 'iacëxa.

Juan 7:1 Iomraidhean Croise

Mateo 10:23

Achúshi ëmanuxun bana ñuixuniabi unin mitsun bana cuaisama tanquin bëtsi bëtsi ocëx camina bëtsi ëmanu cuanti ꞌain. Anuxunribi bana ñuixunia unin mitsu bëtsi bëtsi ocëx camina anuaxribi bëtsi ëmanu cuanti ꞌain. ꞌËn cana asérabi mitsu cain, anu Israel unibu ꞌicë ëmacamanuxun mitsun unicama bana ñuixuncëma pain ꞌain cana ꞌëx uni ꞌinux Nucën Papa Diosnuax uá ꞌëx utëcënti ꞌain.

Mateo 21:38

Xucëx cuanxa bëbaia isi ca an naë bërúancë unicamax canani quiaxa: Aín papáxa bamacëbë ca aín bëchicë ënëx naë ꞌibu ꞌiti ꞌicën. Usa ꞌain cananuna nux naë ꞌibu ꞌinuxun ënë ꞌati ꞌain.

Marcos 11:18

Usaía quicëbë camabi unían aín bana cuati rabanan racuëti ca judíos sacerdotenën cushicamabë an Moisésnën cuënëo bana ꞌunáncë unicamax Jesús ꞌacatsi quiax ꞌësë́nancëxa.

Juan 1:19

Usa ꞌain ca Jerusalénu ꞌicë judíos unicaman ax caraisa ui ꞌicë quixuan Juan ñucátanun, sacerdotecamacëñun levita unicama xuacëxa.

Juan 4:3

Usaquian fariseo unicaman cuacëxun ꞌunánbiani ca Jesús Judea menuax amiribishi Galilea menu cuantëcëancëxa.

Juan 4:54

Usaquin ca Jesusan Judea nëtënuax cuantancëxun Galilea menuxun bëráma ꞌacësa oquin uni itsin ꞌacëma ñu ꞌatëcëancëxa.

Juan 6:1

Usatancëx ca Jesús parúnpapa, Galilea canan Tiberíadesribi cacë, a ꞌucë manan cuancëxa.

Juan 7:11

Cuanx bëbacë ca Jerusalénu timë́cë judíos unicaman —¿uinu cara a uni ꞌic? —cananquin Jesús bariacëxa.

Juan 7:13

Quibi ca judíos unicaman ꞌapucamami racuëti, atúan cuati rabanan unë́axëshi canancëxa.

Juan 7:19

Moisésnën ca uisai cara Nucën Papa Diosan uni ꞌiti ꞌicë quixuan unin ꞌunánun aín bana cuënëocëxa. ¿Usa cat? Usa ꞌaínbi camina achúshi unínbi a bana quicësa oquin ꞌaiman. ¿ꞌËx Nucën Papa Diosan bana quicësabi oi uá ꞌicëbëbi caramina uisa cupí ꞌë ꞌacatsi quin?

Juan 7:25

Usa ꞌain ca Jerusalénu ꞌicë uni raírinëx quiacëxa: —¿A ꞌacatsi quiáxa ami ꞌësë́nancë uni, ama cara ënëx ꞌic?

Juan 7:35

Quicëbë ca judíos ꞌapucamax ñucacanani quiacëxa: —¿Uinu cara ënë uni nun mëratimoi cuanti ꞌic? Bëtsi bëtsi ëma, anua griego banan banacë unicama ꞌicë, anua nun aintsi raíri cuancë, anu sapi ca Jesús anu ꞌicë judíosma unicama bana ꞌunánmi cuanti ꞌicën.

Juan 8:37

Abrahamnën rëbúnqui camina ꞌai quixun cana ꞌën mitsu ꞌunan. Usaquin ꞌën mitsu ꞌunáncë ꞌaíshbi camina ꞌën bana cuaisama tani ꞌë ꞌacatsi quiax ꞌëmi ꞌësë́nanin.

Juan 8:40

Abrahamnëan ꞌásabi oquin camina mitsun ꞌaiman. Nucën Papa Diosan ꞌë ꞌunánmicë ñu ꞌën mitsu ñuixuncëxbi camina ꞌë ꞌacatsi quiax ꞌësë́nanin. Usai ca Abraham an Nucën Papa Diosan unimi ꞌiáma ꞌicën.

Hechos 10:38

Camina ꞌunanin, Nucën Papa Diosan ca Jesús Nazaretnu ꞌicë a aín Bëru Ñunshin Upí abë ꞌinun ꞌinánquin aín cushiribi ꞌináncëxa. ꞌInáncëxun ca ñu upíshi ꞌanan ñunshin ꞌatimañu unicamaribi pëxcüacëxa, Nucën Papa Dios abë ꞌain.