Juan 6:70 - Kashibo-Kakataibo Biblia

⁷⁰ Cacëxun ca Jesusan cacëxa: —¿ꞌËn carana ꞌën ꞌunánmicë uni ꞌinun micama mëcën rabë́ ꞌimainun rabë́ caísama ꞌain? Usai ꞌinun caísa ꞌaíshbi camina micama achúshinëx ñunshin ꞌatimanën ꞌapun sinánmicë ꞌain.

Nukën 'Ibu Diosan ain unikama 'inan ain bana

⁷⁰ Cacëxun ca Jesusan cacëxa: —¿'Ën carana 'ën 'unánmicë uni 'inun micama mëcën rabë́ 'imainun rabë́ caísama 'ain? Usai 'inun caísa 'aíshbi camina micama achúshinëx ñunshin 'atimanën 'apun sinánmicë 'ain.

Juan 6:70 Iomraidhean Croise

Juan 13:18

Mitsux camina cuëënti ꞌai quibi cana camabi mitsu ñui quiman. Ama. ꞌËn caíscë unicama, mitsux caramina uisa uni ꞌai quixun cana ꞌunanin. ꞌËn ꞌunáncësabi oi ca Nucën Papa Diosan bana cuënëo, ësai quicësabi oi, ꞌiti ꞌicën: “An ꞌëbëtan pán picë uni ax ca ꞌëmi ꞌiaxa”.

Juan 13:2

ꞌUramacëbëtan ca ñunshin ꞌatimanën ꞌapun Judas Iscariote, Simonan bëchicë, a Jesús uni ꞌinánti sinánmiacëxa. Usoquian sinánmicë ꞌain ca a ñantan Jesusan aín ꞌunánmicë unicamabëtan piacëxa.

Juan 13:21

Usoquin catancëx masá nuituquin ca Jesusan upí oquin atun cuaisabi oquin atu cacëxa: —Asérabi cana ꞌën mitsu cain, mitsu achúshinën ca an ꞌatimonun uni ꞌë ꞌinánti ꞌicën.

Juan 13:27

ꞌInáncëxuan bitsiashi ca ñunshin ꞌatimanën ꞌapu, Satanásnën Judas bënë́nquinshi sinánmiacëxa. Usaquian sinánmia ca Jesusan Judas cacëxa: —Añu caramina ꞌacasi ca bënë́nquinshi ꞌat.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Juan 15:19

Mitsun atun sinánsaribi ꞌicë ca an Nucën Papa Diosmi sinánquinma ënë nëtënu ꞌicë ñuishi sináncë unicaman mitsu nuibatsianxa. ꞌAínbi camina mitsux ꞌën caíscë ꞌaish, atun sinánsama ꞌain. Usa ꞌain ca atun nuibatima mitsumi nishia.

Juan 17:12

Ënë nëtënu atubë ꞌixun cana minmi ꞌë ꞌináncë unicama min cushínbi bërúan. ꞌËn bërúancëxun ca acama achúshinënbi ꞌëmi sinánti ëncëma ꞌicën. Usa ꞌaínbi ca achúshi uni axa usai ꞌiti ꞌia, an cuni ꞌëmi sinánti ëanxa, a ñuia min bana cuënëo quicësabi oquin.

Juan 2:2

Usa ꞌain ca Jesúsribi aín ꞌunánmicë unicamabë aribia camicëx cuanx anu ꞌiacëxa.

Juan 20:24

Anua Jesús atubë ꞌimainun ca aín ꞌunánmicë uni achúshi Tomás, ꞌicëbi rabë́ bacë́an ꞌicë Gemelo caquinribi anëcë, ax atubëma ꞌiacëxa.

Juan 6:64

Usa ꞌaínbi camina micama raírinëx asérabi ꞌëmi sinani ëmi catamëcëma ꞌain. Ësaquin ca Jesusan bana ñuixunquin an cuacë unicama cacëxa, uicamax cara ami catamëtima quixun ꞌunánan uin cara a uni ꞌinánti ꞌicë quixun bëráma ꞌunáncë ꞌixun.

Juan 6:67

Usa ꞌain ca atúxa cuan Jesusan mëcën rabë́ ꞌimainun rabë́ aín ꞌunánmicë unicama a cacëxa: —¿Mitsúxribi caramina cuainsa tanin?

Juan 6:71

Usai ca Simonan bëchicë, Judas Iscariote, an aín ꞌunánmicë unicama achúshi ꞌixunbi a uni ꞌinánti, a ñui Jesús quiacëxa.

Juan 8:44

Mitsun papax ca ñunshin ꞌatimanën ꞌapu ꞌicën. Ainan ꞌixun camina axa cuëëncësa oquinshi ꞌaisa tanin. An ca nëtë ióñubi uni ꞌati sináncëxa. Ax ca cëmë ꞌaish axa ꞌiásabi cëmëia. Cëmëi ca an sináncësa oquinshi sinani banaia. Ainra ca cëmë́ntapun ꞌixun unían uni itsi cëmëquin paránun ꞌimia.

Hechos 1:17

Judas ax ca nucamacëñunbia Jesusan aín bana ñuixunun caístancëxun ꞌunánmicë ꞌiaxa.

Hechos 13:10

Ñachaquin ca cacëxa: —Cëmë camina mix ꞌain. ꞌIanan camina ꞌatima uni ꞌaish ñunshin ꞌatimanën sinánmicë ꞌain. Usa ꞌixun camina min ñu upí cuëëniman. Nucën ꞌIbu Diosan banaxa cuaisa ꞌaish upí ꞌaínbi ¿caramina min uisa cupí a cuaxunma ꞌanun quixun uni paranin?

1 Timoteo 3:11

An axa Jesucristomi catamëcë unicama ꞌaquincë unin xanux ca —upí xanu ca —quixuan camabi unin ꞌunáncë ꞌiti ꞌicën, ca cëmëi bëtsimi manáncëma ꞌiti ꞌicën, paë́ncëma ꞌianan ca aín ñu ꞌati upí oquin ꞌacë ꞌiti ꞌicën.

Tito 2:3

Xanu apáncama camina usaribi oquin cati ꞌain, ami sinani ca Nucën Papa Dios cuëëncësabi oi upí nuituñu ꞌiti ꞌicë quixun. Bëbu ꞌimainun xanunbi ca cëmë bana ñuitima ꞌicën. Ca paë́ntima ꞌicën. Atúan aín sinan upí ꞌixun ñu upí ꞌaia isquin ca atun xanu tuácama ꞌimainun atun ñe xutacamanribi usaribi oquin ꞌati ꞌicën.

1 Juan 3:8

Usa ꞌaínbi ca an ñu ꞌatima ꞌacë unicama ax ñunshin ꞌatimanën ꞌapun uni ꞌicën, ñunshin ꞌatimanën ꞌapu ax ca nëtë ióñubi ꞌucha ꞌaish usabii bërí nëtë́nbi ꞌuchaia, usa ꞌain. Usa ꞌaínbi ca ñunshin ꞌatimanën ꞌapúan ñu ꞌatima ꞌacëcama cëñui Nucën Papa Diosan Bëchicë uacëxa.