Juan 6:68 - Kashibo-Kakataibo Biblia

⁶⁸ Quixuan cacëxun ca Pedronën cacëxa: —¿Ui uninu caranuna aín bana cuanux cuanti ꞌain? Minshi camina anun nu Nucën Papa Diosbë nëtë́timoi ꞌiti bana nu ñuixunin.

Nukën 'Ibu Diosan ain unikama 'inan ain bana

⁶⁸ Quixuan cacëxun ca Pedronën cacëxa: —¿Ui uninu caranuna aín bana cuanux cuanti 'ain? Minshi camina anun nu Nucën Papa Diosbë nëtë́timoi 'iti bana nu ñuixunin.

Juan 6:68 Iomraidhean Croise

Salmos 73:25

¿Uix kara naínu an ꞌë ꞌakinkë a ꞌik? ¡Mixëshi kamina a ꞌain! ꞌËx mibë ꞌixun kana añu ñubi ënë menu ꞌixun kuëëniman.

Mateo 16:16

Quia ca Simón Pedronën cacëxa: —Mix camina axa bamatimoi tsócë Nucën Papa Dios aín Bëchicë, Cristo, axa utinu nun caíncë, a ꞌain.

Marcos 8:29

Cacëxun ca Jesusan aín ꞌunánmicë unicama cacëxa: —¿Atúxa usai quimainun caramina mitsux ꞌëx caraisana ui ꞌai quiax quin? Quia ca Pedronën cacëxa: —Mix camina Cristo, axa utinu nun caíncë, a ꞌain.

Lucas 9:20

Cacëxun ca Jesusan aín ꞌunánmicë unicama cacëxa: —¿Atúxa usai quimainun caramina mitsux ꞌëx caraisna ui ꞌai quin? Quia ca Pedronën cacëxa: —Mix camina Cristo, Nucën Papa Diosan ënu unun xuti, axa uti nun caíncë, a ꞌain.

Juan 12:49

ꞌËx cana ꞌënbi sinánx banaiman. ꞌËn Papa, an ꞌë xuá, an ca uisai carana banati ꞌain, uisoquin carana uni ꞌunánmiti ꞌai quixun ꞌë caxa.

Juan 12:50

ꞌËn cana ꞌunanin, an ꞌë cacë bana ax ca anúan uni ainan ꞌaish Nucën Papa Diosbë nëtë́timoi ꞌiti a ꞌicën. Usaquin ꞌunánxun cana ꞌën Papan ꞌë cacësabi oquin bana ñuin.

Juan 5:24

Asérabi cana ꞌën mitsu cain, axa ꞌën bana cuati an ꞌë xuá ami sináncë uni, ax ca ainan ꞌaish nëtë́timoi Nucën Papa Diosnan ꞌia. A cupía Nucën Papa Diosnan ꞌitima ꞌicëbi aín ꞌuchacama tërë́ncë cupí ꞌuchañuma ꞌaish ca bamatancëxbi nëtë́timoi Nucën Papa Diosbë ꞌiti ꞌicën.

Juan 6:40

An ꞌë xuá ax ca cuëënia, aín Bëchicë, ꞌëmi catamëcë unicamax nëtë́timoi abë ꞌiti. A unicama cana ꞌën ënë nëtë cëñúcëbëtan abë ꞌinun baísquimiti ꞌain.

Juan 6:63

ꞌËx ënë menu ꞌaish uni ꞌicë cupíshima ꞌëx bamatancëx baísquiti cupí camina ainan ꞌaish xënibua ꞌaínbi Nucën Papa Diosbë ꞌiti ꞌain. ꞌËn a ñuiquin mitsu cacë ñucama ax ca anúnmi ꞌëmi catamëti ꞌën sinánsaribi ꞌaish xënibua ꞌaínbi Nucën Papa Diosbë ꞌiti, a ꞌicën.

Hechos 13:26

ꞌËn xucë́antu, mitsúxmi Abrahamnën rëbúnqui ꞌaish raírinëx an Nucën Papa Diosan bana sináncë ꞌicë cana mitsu cain, Jesucristomi catamëti ca uni aín ꞌucha tërë́ncë ꞌaish Nucën Papa Diosnan ꞌiti ꞌicë quiáxa quicë bana, ënëx ca mitsúnribimi cuati ꞌicën.

Hechos 4:12

Nucën Papa Diosan ca nuxnu nun ꞌuchacama tërë́ncë ꞌaish abë ꞌinúan an nu ië́minun Jesúsëshi ꞌimiaxa. Usa ꞌain ca an Nucën Papa Diosnan ꞌinun nu ië́miti bëtsi uni ꞌaíma ꞌicën.

Hechos 5:20

—Anuxun Nucën Papa Dios rabiti xubunu cuanxun camina Jesúsmi catamëcë ꞌaish ca uni Nucën Papa Diosnan ꞌiti ꞌicë quicë bana unicama ñuixunti ꞌain.

Hechos 7:38

Moisés ax ca axa anu uni ꞌicëma menuax Israel unicama nëbë́tsi ꞌianan, aín bashi Sinaí cacë a tanáinuax abë banacë ángelbë ꞌianan nucën raracamabëribi ꞌiá ꞌiacëxa. ꞌIanan ca a aín unicamax usai ꞌiti bana Nucën Papa Diosan ꞌináncë, a ꞌiacëxa. A bana, Israel unicama nun ꞌunánuan cuënëonun ca Nucën Papa Diosan Moisés usaquin cacëxa.

Hechos 8:37

Cacëxun ca Felipenën cacëxa: —Asérabi Jesucristo min nuitunënbi sinanimi ami catamëtia cana mi ꞌati ꞌain. Quixuan cacëxun ca a unin Felipe cacëxa: —Jesucristo ax ca asérabi Nucën Papa Diosan Bëchicë ꞌicë quixun cana ꞌunanin.