Juan 6:6 - Kashibo-Kakataibo Biblia

⁶ An uisoquin cara ꞌati ꞌicë quixun ꞌunánquinbi ca Jesusan uisai cara quia cuacatsi quixun usaquin Felipe cacëxa.

Nukën 'Ibu Diosan ain unikama 'inan ain bana

⁶ An uisoquin cara 'ati 'icë quixun 'unánquinbi ca Jesusan uisai cara quia cuacatsi quixun usaquin Felipe cacëxa.

Juan 6:6 Iomraidhean Croise

Génesis 22:1

Usa ꞌain ka Nukën ꞌIbu Diosan ꞌitsa baritia ami panatankëxun, Abraham karaisa ënima ami manutima asérabi sinania kixun tankin. Aín anën kuëankëxa, usakin kuënkëxun ka Abrahamnën kakëxa: —Ënu kana ꞌain ꞌën ꞌIbu.

2 Corintios 13:5

Mitsúnbi camina sinánti ꞌain, caramina asérabi Cristomi catamëti ax cuëëncësabi oi ꞌi quixun. Upí oquin ca sinan. ¿Caramina ꞌunaniman. Jesucristo ax ca asérabi mitsubë ꞌicë quixun? Asérabi Cristonanma ꞌain ca ax mitsubëma ꞌicën.

Deuteronomio 13:3

kixuan kakëxunbi kamina mitsun aín bana kuatima ꞌain. Nukën ꞌIbu Diosan ka asérabi karamina mitsun a nuibati ax kikësabiokin ꞌai ami sinani isnuxun mitsu tankin usakin ꞌati ꞌikën.

Deuteronomio 33:8

Usa ꞌain ka Moisés Leví ñui ësai kiakëxa: Minan ka Tumim ꞌimainun Urim ax ꞌikën ꞌën ꞌIbu; min kamina levitakamanribi min kikësa okin ꞌaia ꞌinan, atu kamina Masá kakë me anuxun tankën, tankin kamina anuxunmi min unikama ꞌumpax ꞌinan Meribá kakë anuxun ñukákën,

Deuteronomio 8:16

ꞌimianan ka anu uni ꞌikëma menuxun maná kakë piti nun chaitiokë kaman ꞌunánma piti a nu pimiakëxa, usakin ꞌakëx karanuna ami sinani ꞌisnuxun, ka nu tankin usakin ꞌakëxa.

Deuteronomio 8:2

Usa ꞌain kamina sinánkanti ꞌain, Diosan ka anu uni ꞌikëma menu cuarenta baritia ꞌimi tëmërai ninun nu ꞌimiakëxa akamina manukinma sinánkanti ꞌain, usakin ka mitsu tankin ꞌanan ami karamina asérabi sinanatëkëni isti ꞌanan ax kikësabiokin aín bana ꞌai ꞌisnuxun mitsu ꞌakëxa.

Apocalipsis 2:2

Mitsúnmi ñu ꞌacëcama cana ꞌunanin, chiquíshquinma camina ñu upí ꞌain. Uisa ñu cara ꞌicëbëtanbi camina ꞌëmi sinánti ëncëma ꞌain. An ñu ꞌaisama ꞌacë unicama timaquin camina an ꞌacësaribi oquin ꞌaiman. Usai ꞌiquin camina uni raíri axa —ꞌë ca Nucën Papa Diosan aín bana unicama ñuixunun ꞌimia —quicë, ax cara asérabia Nucën Papa Diosan usoquin ꞌimicë ꞌicë quixun ꞌunánuxun isquinbi camina atúxbia cëmëi quia isan.