Juan 6:45 - Kashibo-Kakataibo Biblia

⁴⁵ An Nucën Papa Dios quicë bana uni ñuixuncë unicama achúshinën ca ësaquin cuënëocëxa: “Nucën Papa Diosan ca camabi uni ꞌunánmiti ꞌicën”. A unían cuënëosabi oi ca ui unicaman cara Nucën Papa Diosan sinánmicëxun ꞌunania, acamax ca ꞌëmi catamëtia.

Nukën 'Ibu Diosan ain unikama 'inan ain bana

⁴⁵ An Nucën Papa Dios quicë bana uni ñuixuncë unicama achúshinën ca ësaquin cuënëocëxa: “Nucën Papa Diosan ca camabi uni 'unánmiti 'icën”. A unían cuënëosabi oi ca ui unicaman cara Nucën Papa Diosan sinánmicëxun 'unania, acamax ca 'ëmi catamëtia.

Juan 6:45 Iomraidhean Croise

Isaías 2:3

usa ꞌain ka bëtsi bëtsi menu ꞌikë ꞌitsaira uni anu bëbai, bëtsibë bëtsibë kánani kikanti ꞌikën: “Diosan bashi anuxun a rabiti xubu ꞌakë anu kananuna kuaruti ꞌain, anu ka Jacobnën rëbúnki Israel unikama Dios anuxun rabiti xubu ax ꞌikën, anuxun ka uisai karanuna tsóti ꞌai kixun an nu ꞌunánmiti ꞌikën, ꞌunánmikëx kananuna ax kuëënkësabi oi tsóti ꞌain.” Usa ꞌain ka Jerusalénnuxun Diosanbi ꞌain bana nukama ꞌunánmiti ꞌikën.

Isaías 54:13

ꞌËn kana min bakë bëchikëkama ñu ꞌunánmiti ꞌain, usokëx ka akamax upiti tsóti bukuti ꞌikën.

Miqueas 4:2

ai ka ꞌaisamaira uni ëmakamanuaxa ukë ax bëbai ësai kikanti ꞌikën: Anua Nukën ꞌIbun bashi ꞌikë anu kuaruti kamina ukanti ꞌain, anu ka anuxun Dios rabiti xubu anuxuan Israel unikaman rabikë a ꞌikën, an ka anuxun uisai karanuna ꞌiti ꞌai a nu ꞌunánmiti ꞌikën, usakin ꞌakëx kananuna upiti niti ꞌain. Usa ꞌain ka Siónnuxun Nukën ꞌIbu kikë bana a unin ꞌunánmiti ꞌikën, ꞌimainun ka Jerusalénnuxun aín bana ꞌain unikaman ñuiti ꞌikën.

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Marcos 1:2

An Nucën Papa Dios quicë bana unicama ñuixuncë uni, Isaías cacë, an ca Jesucristo ënë menu uti sinánquin Nucën Papa Diosan sinánmicëxun ësaquin cuënëocëxa: A caxu mi cuanun cana uni xutin. Ax pain cuanquin ca anun cuanti bai mëníoquin racanacësaribi oquin, camabi unían min bana cuanun atun nuitua upí ꞌinun sinanamiti ꞌicën.

Lucas 1:70

Nucën Papa Diosan ca bëráma an ax quicë bana uni ñuixuncë uni upícaman —usai ca ꞌiti ꞌicë —quixun canun camiacëxa, ësaquin,

Lucas 18:31

Bain cuanquin ca ꞌitsa uni anu ꞌaínbi Jesusan aín ꞌunánmicë unicama abëa ninun quixun cuënbianquin cacëxa: —Bërí cananuna Jerusalénu cuanin. Cuanx bëbaxnu anu ꞌain ca an Nucën Papa Dios quicë bana uni ñuixuncë unían ꞌë ñui quiásabi oi ꞌiti ꞌicën.

Juan 10:27

Carneronëan an bërúancë unin bana cuacësaribi oquin ca axa ꞌëmi catamëcë unin ꞌën bana cuatia. Cuatia cana acama ꞌën ꞌunanin. Usa ꞌixun ca ꞌën bana cuaquin a bana quicësabi oquin ꞌaia.

Juan 6:37

ꞌËx cuëëncësabi oquin ꞌai cana uáma ꞌain. An ꞌë xucë, axa cuëëncësabi oquinshi ꞌai cana uacën. Usa ꞌain ca ui unicama cara Nucën Papa Diosan ꞌënan ꞌinun sinánmia acamax ca ꞌëmi catamëti ꞌicën. Axa ꞌëmi catamëcë uni, a cana —camina ꞌënan ꞌitima ꞌai —quixun catima ꞌain.

Juan 6:65

Catancënxun ca ësaquinribi Jesusan cacëxa: —Usa ꞌain cana mitsu can, Nucën Papa Diosan sinánmicëxma ca uinu ꞌicë uníxbi ꞌëmi sinani ꞌëmi catamëtima ꞌicën.

Hechos 13:40

Camina bërúancacanti ꞌain, an Nucën Papa Dios quicë bana uni ñuixuncë unicaman cuënëo bana quicësabi oi mina ꞌin, a banax ca ësai quia:

Hechos 7:42

Usoia ca Nucën Papa Diosan atúnbia naínu ꞌicë ñu, ꞌispa, ꞌuxë, bari acama rabinun quixun ëancëxa, an Nucën Papa Dios quicë bana uni ñuixuncë unicaman ësaquin cuënëosabi oquian ꞌanun: Israel unicama, anu uni ꞌicëma me anu cuarenta baritia ꞌiquin ꞌaracacë ñuina ꞌaquinbi camina ꞌë rabicanma ꞌain.

Efesios 1:17

Nucën ꞌIbu Jesucristonën Dios ꞌianan ꞌApuira, Nucën Papa Dios, a cana an ꞌunánmicëxunmi upí oquin sinánquin a ꞌunáncanun quixun mitsu ñucáxunin.

Filipenses 3:15

Usaquin cananuna nun Nucën Papa Diosan bana asérabi ꞌati ꞌunáncë ꞌixun sinánti ꞌain. Usaquinmi mitsun sinaniama ca Nucën Papa Diosan mitsuribi usaquin sinánun ꞌunánmiti ꞌicën.

1 Tesalonicenses 4:9

Nucën Papa Diosan ꞌunánmicëxunmi upí oquin ꞌunáncë cupí cana, axa Jesucristomi catamëcë unicamax ca bëtsibë bëtsibë nuibananti ꞌicë quixun mitsu cuënëoxuniman.

Hebreos 10:16

Ësoquin cana ꞌëx mitsun ꞌIbu Dios ꞌixun mitsu cain, usai ca judíos unicama ꞌiti ꞌicë quixun caquin ꞌë a pain ꞌinan bana sënë́ncëbëtan cana bëtsi atu ꞌinánti ꞌain. Ësai ca a bana quiti ꞌicën: ꞌËn cana ꞌën cacë bana ꞌën unicaman aín nuitu mëu upí oquin ꞌunánan manuquinma sinánun ꞌunánmiti ꞌain.

1 Juan 2:27

Atúxa usa ꞌaínbi ca Jesucristonën aín Bëru Ñunshin Upí mitsubëa ꞌinun ꞌináncë, ax mitsubë ꞌixun uni itsían ꞌunánmiamabi an mitsu ꞌunánmia. An mitsu ꞌunánmicë ñux ca asérabi ꞌaish cëmëma ꞌicën. Usa ꞌain camina aín Bëru Ñunshin Upitan ꞌunánmiquin sinánmicësabi oi camabi nëtën Cristobë ꞌiti ꞌain.