Juan 6:32 - Kashibo-Kakataibo Biblia

³² Cacëxun ca Jesusan cacëxa: —ꞌËn cana asérabi mitsu cain, an naínua ꞌibúmiquin unicama pán ꞌinan ax ca Moisésma Nucën Papa Dios ꞌiacëxa. An a pán ꞌinan ꞌaínbi ca Ñucën Papa Diosan bërí ꞌináncë ax ca anúan uni asérabi upiti tsóti a ꞌicën.

Nukën 'Ibu Diosan ain unikama 'inan ain bana

³² Cacëxun ca Jesusan cacëxa: —'Ën cana asérabi mitsu cain, an naínua 'ibúmiquin unicama pán 'inan ax ca Moisésma Nucën Papa Dios 'iacëxa. An a pán 'inan 'aínbi ca Ñucën Papa Diosan bërí 'ináncë ax ca anúan uni asérabi upiti tsóti a 'icën.

Juan 6:32 Iomraidhean Croise

Éxodo 16:4

Ësai kia kuankin ka Nukën ꞌIbun Moisés kakëxa: —ꞌËn kana atúan pinun naínu ꞌikë piti ꞌaisamaira ꞌinánti ꞌain. Usa ꞌain ka unin kamabi nëtën ain piti biti ꞌikën, aín xubunuax chikixun ka achúshi nëtën pitibëtan sënënbi biti ꞌikën. Uin kara ꞌëx kikësabiokin ꞌaia isanan kana uin kara ꞌaima isti ꞌain.

Éxodo 16:8

Katankëxun ka Moisésnën ësakinribi katëkëankëxa: —Ënë xupibukëbëtan kamina ami piti nami Nukën ꞌIbun mitsu ꞌinánmainun biti ꞌain, bionxun kamina pëkarakëma ꞌaínshi pánribi biti ꞌain, an ka mitsúxmi ami ꞌatimati banakëxun kuaxa. Uisa kupín, ¿Ui karanuna nux ꞌain? Mikamax kamina numi ꞌatimai banakëma ꞌain. Nukën ꞌIbumi kamina ꞌatimai banan.

Juan 1:9

An aín sinan upíira ꞌixun uni upí ꞌimiti axa uti ñuiquin ca Juanën unicama ñuixuancëxa.

Juan 15:1

Usaquin catancëxun ca ësaquinribi Jesusan aín ꞌunánmicë unicama cacëxa: —Ësa ca. ꞌËx cana uvas ꞌapácë aín i rarasaribi ꞌain. ꞌImainun ca ꞌën Papax an ñu ꞌapácë bërúancë unisa ꞌicën.

Juan 6:31

Nucën raracaman ca anu uni ꞌicëma menuxun pánsa piti, maná cacë, piacëxa, cuënëo bana ësai quicësa oquin: “Nucën Papa Diosan ca naínua ꞌibúmiquin unicaman pinun, pán ꞌináncëxa”.

Juan 6:33

Nucën Papa Diosan uni ꞌinan piti ax ca axa naínuax uá ꞌë ꞌicën. Usa ꞌaish cana ꞌëx an ainan ꞌaísha Nucën Papa Diosbë ꞌinun ënë nëtënu ꞌicë unicama ꞌimiti a ꞌain.

Juan 6:35

Cacëxun ca Jesusan atu cacëxa: —ꞌËx cana anúan uni asérabi upiti tsóti a ꞌain. Panánxun piisa tanan shimaxun ꞌunpax ꞌaisa tania uni bënë́cë, usaribitia ax Nucën Papa Diosbë upí ꞌiisa tani bënë́cë uni, ax ca ꞌëmi catamëti amiribishi bënë́tëcëntima ꞌicën.

Juan 6:41

—ꞌËx cana Nucën Papa Diosan naínua ꞌibúmiquin uni ꞌinan piti, a ꞌai —quiáxa Jesús quicëbë ca judíos unicamax ami nishi Jesús ñui

Juan 6:50

Usa ꞌaínbi cana ꞌëxribi naínuax ucë pán unin piá usaribi ꞌain. Aín nami cushi ꞌaish upí ꞌinuxun ca unin ñu piia, usaribiti ca uni upí ꞌaish xënibua ꞌaínbi Nucën Papa Diosbë ꞌinux ꞌëmi catamëti ꞌicën.

Juan 6:55

Usa unicama cana ꞌën ënë nëtë cëñúcëbëtan baísquimiti ꞌain. Axa asérabi ꞌëmi catamëcë uni ax ca ꞌën nami picësa ꞌianan ꞌën imi xëacësa ꞌicën. ꞌËn imi ꞌapati ꞌëx bamacë cupí ca usai ꞌiti ꞌicën.

Juan 6:58

ꞌËx cana naínuaxa uá pitisa ꞌai quiax cana ꞌëx quin. ꞌËx cana mitsun raracaman piá manásama ꞌain. Mitsun raracamax ca maná cacë ñu pibi bamatimoi tsoóma ꞌicën. Usa ꞌaínbi ca an ꞌëmi catamëquin ꞌë picësa uni ax ainan ꞌaish xënibua ꞌaínbi Nucën Papa Diosbë ꞌiti ꞌicën.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.