Juan 6:26 - Kashibo-Kakataibo Biblia

²⁶ Cacëxun ca Jesusan cacëxa: —Asérabi cana ꞌën mitsu cain, ꞌën pán pimicëx puchonx camina a sinánbëtsini ꞌë bari uan. Ui carana ꞌëx ꞌai quixunmi mitsun ꞌunánun, uni itsían ꞌacëma ñu ꞌën ꞌacë a isunbi camina ui carana ꞌëx ꞌai quixun sinaniman.

Nukën 'Ibu Diosan ain unikama 'inan ain bana

²⁶ Cacëxun ca Jesusan cacëxa: —Asérabi cana 'ën mitsu cain, 'ën pán pimicëx puchonx camina a sinánbëtsini 'ë bari uan. Ui carana 'ëx 'ai quixunmi mitsun 'unánun, uni itsían 'acëma ñu 'ën 'acë a isunbi camina ui carana 'ëx 'ai quixun sinaniman.

Juan 6:26 Iomraidhean Croise

Ezequiel 33:31

Usakin min kakëx ka ꞌën unikama utankëx atux ꞌikësabi min bana kuati mi bëtánain tsóbukanti ꞌikën. ꞌAínbi ka atun mix kikë bana tankin usakinbi ꞌatima ꞌikën. Usa ꞌixun ka mix kikë banakama a tania, ꞌaínbi ka a banakama uníxa xanu ñui katakësokinshi ꞌaia, usai ꞌianan ka atun ꞌitsaira kuríkishi kuëënia.

Juan 3:3

Cacëxun ca Jesusan cacëxa: —Asérabi cana ꞌën mi cain, axa aín cushin bacë́ntëcëncëma uni ax ca Nucën Papa Diosnan ꞌitima ꞌicën.

Juan 3:5

Nicodemonën cacëxun ca Jesusan cacëxa: —Usama ca. Asérabi cana ꞌën mi cain, ꞌunpax ꞌimainun Nucën Papa Diosan Bëru Ñunshin Upitan bacë́ntëcëncëma uni ax ca Nucën Papa Diosnan ꞌitima ꞌicën.

Juan 6:14

Usaquian Jesusan ꞌaia isi ca anu ꞌicë unicamax quiacëxa: —Asérabi ca ënë uni axa Nucën Papa Dios quicë bana uni ñuixuni utinu nun caíncë, a ꞌicën.

Juan 6:15

Usai quiquian atun a ꞌapu ꞌiminuxun biisa tancëxun ꞌunani ca Jesús axëshi unicama ëbiani matánu cuantëcëancëxa.

Juan 6:2

Cuancëbë ca an uni itsían ꞌacëma ñu ꞌanan uni ꞌinsíncë pëxcuia iscë unicama Jesús nuibiani cuancëxa.

Juan 6:24

Usa ꞌain ca axa anu bërúcë unicama an bariquinbi Jesúscëñun aín ꞌunánmicë unicamaribi ꞌaímocëxa. ꞌAímobiani ca axa Tiberiasnuax ucë manë nunticamanu cëñúruquiani Capernaúm ëmanuribi Jesús bari cuancëxa.

Juan 6:30

Cacëxun ca cacëxa: —¿Nuxnu mimi sinánun caramina añu nun isnun ꞌati ꞌain? ¿Añu caramina ꞌati ꞌain?

Juan 6:36

Axa ꞌëmi catamëcë uníxa usa ꞌaínbi cana ꞌën mitsu cacë usaribi oquin mitsu catëcënin, mitsun ꞌën ñu ꞌaia isquinbi camina ui carana ꞌëx ꞌai quixun sinaniman.

Juan 6:47

Asérabi cana ꞌën mitsu cain, axa ꞌëmi sinani ꞌëmi catamëcë unicamax ca ainan ꞌaish xënibua ꞌaínbi Nucën Papa Diosbë ꞌia.

Juan 6:53

Usai canania ꞌunánquin ca Jesusan cacëxa: —Asérabi cana ꞌën mitsu cain, uni ꞌinux anuax uá ꞌain, ꞌëmi catamëquinma ꞌën nami picëmasa ꞌianan ꞌën imiribi xëacëmasa ꞌaish camina asérabi xënibua ꞌaínbi Nucën Papa Diosnan ꞌitima ꞌain.

Juan 6:64

Usa ꞌaínbi camina micama raírinëx asérabi ꞌëmi sinani ëmi catamëcëma ꞌain. Ësaquin ca Jesusan bana ñuixunquin an cuacë unicama cacëxa, uicamax cara ami catamëtima quixun ꞌunánan uin cara a uni ꞌinánti ꞌicë quixun bëráma ꞌunáncë ꞌixun.

Romanos 16:18

Usa unin ca Nucën ꞌIbu Jesucristo cuëëncësabi oquin ꞌaquinma aín cuëëncësa oquinshi ꞌaia. Atux ca an Nucën Papa Diosan bana upí oquin ꞌunáncëma unicamabë upiti banaibi cëmëia. Usaquin paránquin ca aín bana cuanun uni sinánmia.

Filipenses 2:21

Ënu ꞌicë uni raírinën ca aín cuëëncë ñu ꞌatishi sinánquin a ꞌanúan Cristo Jesús cuëëncë ñu ꞌati sinanima.

Filipenses 3:19

Atúan ñunshínquin aín cuëëncësabi oquinshi ñu ꞌaia isquian unin —ñu ꞌaisama ca ꞌaia —quixun ñuicëxbi rabínquinma an ꞌacësabi oquin ꞌai ca rabitia. Jesucristomi sinánquinma ca ënë menu ꞌicë ñuishi sinania. Usaía ꞌicë cupí ca ainanma ꞌaish xënibua ꞌaínbi Nucën Papa Diosbë ꞌitima ꞌicën.

1 Timoteo 6:5

Usa ꞌaish ca a unicamax usaíshi ꞌiquin uisa ñu ꞌati cara upí ꞌicë, uisa ñu ꞌati cara upíma ꞌicë quixun ꞌunanima nëtëtima nishánani cuamianania. Usai ꞌicë unicaman ca Nucën Papa Diosan bana ꞌaquin isa unin curíqui biti ꞌicë quixun sinania. A unicamabë camina nitima ꞌain.