Juan 6:2 - Kashibo-Kakataibo Biblia

² Cuancëbë ca an uni itsían ꞌacëma ñu ꞌanan uni ꞌinsíncë pëxcuia iscë unicama Jesús nuibiani cuancëxa.

Nukën 'Ibu Diosan ain unikama 'inan ain bana

² Cuancëbë ca an uni itsían 'acëma ñu 'anan uni 'insíncë pëxcuia iscë unicama Jesús nuibiani cuancëxa.

Juan 6:2 Iomraidhean Croise

Mateo 12:15

Usax ca fariseo unibu ꞌësënania ꞌunánbiani Jesús anuax cuancëxa. Cuancëbë ca ꞌitsa uni abë cuancëxa. Cuania ca Jesusan uni ñucëcama pëxcuquin,

Mateo 13:2

Tsóbucëbë ca ꞌaisamaira uni a nëbë́tsiorati timë́acëxa. Timë́cëbë manë nuntinu ꞌirutancëxa Jesús tsómainun ca unicamax masinu bucubuacëxa.

Mateo 14:14

Usaía ꞌitsa unia riquiancëbë manë nuntinuax ꞌibúquianquin ca unicama timë́cë isquin Jesusan atu nuibacëxa. Nuibaquin ca ꞌinsíncë unicama pëxcüacëxa.

Mateo 8:1

Bana ñuixunquin sënë́ontancëx matánuax cuantëcënia ca ꞌitsa unin Jesús nuibiancëxa.

Marcos 1:45

Jesusan —ꞌën mi pëxcucë ënë ñuiquin uni caxunma ca ꞌatan —cacëx cuanquinbia aín nami pëxcúcë ñuiquin chaniocëbë ca Jesús, anu uni riquianti rabanan, uinu ꞌicë ëmanubi cuánma ꞌicën. Cuaníma anu uni ꞌicëma menu cuni ꞌicëbëbi ca camabi menuax cuanx uinu cara cuania anubi timë́cancëxa.

Marcos 6:33

Cuania isquin —ax ca Jesús ꞌicë —quixun ꞌunánbiani atux pain men abáquiani bëtsi bëtsi ëmanuax cuanx ca anua cuantinuxun Jesús caini uni timëcamëꞌëocëxa.

Juan 11:47

Ñuixuncëx abë timë́xun ca sacerdotenën cushicama ꞌimainun fariseo unicaman judíos cushibunën ꞌapucama cacëxa: —Ënë unin ca uni itsían ꞌacëma ñu ꞌitsaira ꞌaia. ¿Usa ꞌain caranuna uisa oti ꞌain?

Juan 12:18

Ñuia cuabiani ca anu ꞌicë unicama —usoquin ca Jesusan uni itsin ꞌacëma ñu ꞌaxa —quixun sinani a isti sinánbiani Jesús mërananquini riquiancëxa.

Juan 12:37

ꞌItsa oquin Jesusan uni itsin ꞌacëma ñu ꞌaia isquinbi ca judíos unicaman ax ca asérabi Cristo ꞌicë quixun sinánma ꞌicën.

Juan 2:11

Usoquin ca Jesusan Galilea menu ꞌicë ëma, Caná, anuxun aín sinanëinshi ꞌatabaquin uni itsin ꞌacëma ñu ꞌacëxa, uni itsin cushisamaira ca aín cushi ꞌicë quixuan unicaman ꞌunánun. Usaquian ñu ꞌaia isi ca aín ꞌunánmicë unicama ami catamëacëxa.

Juan 2:23

Pascua anun carnero ꞌati nëtën Jerusalénu ꞌixuan Jesusan uni itsin ꞌacëma ñu ꞌaia isi ca ꞌaisamaira uni —an ca asérabi Nucën Papa Diosan cushin ñu ꞌaia —quixun sináncëxa.

Juan 20:30

Usa ꞌain ca unin ꞌacëma ñu ꞌitsaira Jesusan aín ꞌunánmicë unicaman isnun ꞌacëxa, ënë quiricanu ca Jesusan ꞌá ñucama camaira cuënëocëma ꞌicën.

Juan 3:2

Usa ꞌixun ca anu ñantan cuanxun Jesús cacëxa: —Unían mix camina cushiira ꞌai quixun ꞌunánun camina uinu ꞌicë unínbia ꞌacëma ñu ꞌain. Nucën Papa Diosa abëma ꞌain ca uinu ꞌicë unínbi minmi ꞌacësoquin ñu ꞌatima ꞌicën. Usa ꞌain cananuna ꞌunan, Nucën Papa Diosan ca minmi nu ꞌunánminun ënë menu mi xuacëxa quixun.

Juan 6:14

Usaquian Jesusan ꞌaia isi ca anu ꞌicë unicamax quiacëxa: —Asérabi ca ënë uni axa Nucën Papa Dios quicë bana uni ñuixuni utinu nun caíncë, a ꞌicën.

Juan 6:22

Jesusan ꞌunánmicë unicama parúnpapa ꞌucë manan cuan ca an pán picë unicama anubi ꞌiacëxa. Usa ꞌixun ca pëcaratancëxun sináncëxa: Achúshi nuntishi ca ënu ꞌiónxa, ꞌimainun ca aín ꞌunánmicë unicamaxa a nuntinu ꞌirucëbëbi Jesús nuntinu ꞌiruima ꞌiónxa.

Juan 6:26

Cacëxun ca Jesusan cacëxa: —Asérabi cana ꞌën mitsu cain, ꞌën pán pimicëx puchonx camina a sinánbëtsini ꞌë bari uan. Ui carana ꞌëx ꞌai quixunmi mitsun ꞌunánun, uni itsían ꞌacëma ñu ꞌën ꞌacë a isunbi camina ui carana ꞌëx ꞌai quixun sinaniman.

Juan 6:30

Cacëxun ca cacëxa: —¿Nuxnu mimi sinánun caramina añu nun isnun ꞌati ꞌain? ¿Añu caramina ꞌati ꞌain?