Juan 5:44 - Kashibo-Kakataibo Biblia

⁴⁴ Nucën Papa Dios axëshi Dios ꞌixun mitsu upíoti cuëënima camina mitsúxbi upíonani rabiananti cuëënin. ¿Nucën Papa Diosan mitsu upí oti cuëëncëma ꞌaish caramina uisax ꞌëmi catamëti ꞌain? Camina ꞌitima ꞌain.

Nukën 'Ibu Diosan ain unikama 'inan ain bana

⁴⁴ Nucën Papa Dios axëshi Dios 'ixun mitsu upíoti cuëënima camina mitsúxbi upíonani rabiananti cuëënin. ¿Nucën Papa Diosan mitsu upí oti cuëëncëma 'aish caramina uisax 'ëmi catamëti 'ain? Camina 'itima 'ain.

Juan 5:44 Iomraidhean Croise

Mateo 23:5

Añu ñu cara ꞌaia a ꞌaquin ca unicaman axira isa upí ꞌicë quixun sinánquinsa unin a rabinun quixun ꞌaia. ꞌAnan ca bëtsi unisama isa ax ꞌicë quixuan camabi unin isnun quixun chupa aín cuëbí chooquin cuëcápuncë pañuia. Pañuanan ca cuënëo bana aín bëmánanu ꞌanan aín pëñan mëmiu tëcërëcaia, a unicamax ca a bana cuacë ꞌicë quixuan unin sinánun quixun.

Lucas 19:17

Cacëxun ca ꞌapun caxa: Upí oquin camina ꞌën curíquinën ñu ꞌan. ꞌItsairamashi ꞌaínbimi a curíquinën upí oquin ꞌacë cupí camina mëcën rabë́ ëmanu ꞌicë unicaman cushi ꞌiti ꞌain.

Juan 12:43

Nucën Papa Dios cuëënun ꞌicësamairai ca a unicama fariseo unicamami racuëti atux cuëëncësa oíshi ꞌiacëxa.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 3:20

An ñu ꞌatima ꞌacë unicaman ca an ꞌaia unin isti rabanan xabánuxun ꞌati cuëënquinma bëánquibucënuxun ñu ꞌaia.

Juan 5:41

Unían ꞌë rabiti cana sinaniman.

Juan 8:43

¿Uisa cupí caina mitsun ꞌën cacëxun cuatiman? Mitsúnbi cuaisama tanquin camina ꞌën, bana ñuixuncëxunbi cuatiman.

Romanos 2:10

Usa ꞌaínbi ca Nucën Papa Diosan an ainan ꞌixun ax cuëëncësabi oquin ꞌacë unicama a uisa ñu cara ꞌicëbëbi bënëtima chuámarua ꞌinun ꞌimianan, abë aín nëtënu ꞌinun ꞌimiti ꞌicën. Judíos unibu ꞌimainun judíosma uniburibi ca an usaquin ꞌimiti ꞌicën.

Romanos 2:29

Axa aín nuitu mëu upiti Nucën Papa Diosmi sináncë uni ax ca asérabi judío uni ꞌicën. ꞌUnántioracacë uni ax ca Moisésnën cuënëosabi oquin aín namishi usoquin ꞌacë cupíma aín nuitu mëu Nucën Papa Diosmi sináncë cupí asérabi judío uni ꞌicën. Usa uni ca unían upí isiamabi Nucën Papa Diosan upí isia.

Romanos 2:7

Axa —Nucën Papa Diosan ca ꞌë upí isquin abë nëtë́timoi tsónun ꞌimiti ꞌicë —qui cuëëncë uni, an ca ënquinma Nucën Papa Dios cuëëncësabi oquin ñu ꞌaia. Usoquin an ꞌacë uni a ca Nucën Papa Diosan xënibua ꞌaínbi abë ꞌinun ꞌimia.

1 Corintios 4:5

Usa ꞌain camina Jesucristo utëcëncëma pain ꞌain, uisa uni cara uni itsi ꞌicë quixun sinántima ꞌain. Utëcënxun ca Nucën ꞌIbu Jesucristonën, camabi uni an unë́xun ñu ꞌacëcama ꞌimainun aín nuitu mëúa sináncë ñucamaribi, an upí oquin ꞌunánun ꞌunánmiti ꞌicën. ꞌUnánmicëbëtan ca Nucën Papa Diosan ui unicaman cara aín ꞌucha tërë́ncë ꞌixun ñu upí ꞌaxa, a usaribi oquin —upí oquin camina ꞌa —quixun caquin cuëënmiti ꞌicën.

2 Corintios 10:18

Axa rabiacacë uníxma, axa Nucën ꞌIbu Jesucristonën iscëx upí ꞌicë uni, ax cuni ca asérabi upí ꞌicën.

Filipenses 2:3

Bëtsi uni ꞌaquinti sinánquinma camina minánshi ꞌiti ñu ꞌatima ꞌain. ꞌËx cana bëtsi unisama ꞌai quixun sinani rabíquinma camina —uni raírinëx ca ꞌëx ꞌicësamairai upí ꞌicë —quixun sinánti ꞌain.

1 Tesalonicenses 2:6

Uisa nëtë́nbi cananuna, raíri unicamanribia ꞌamainun camina mitsúnribi nu rabiti ꞌai quixun sináncëma ꞌain. Unin ca nun nu asérabi Cristonën xucë ꞌixun aín bana ñuixuncëxun upí oquin a bana cuaquin nun cacësabi oquinshi ꞌati ꞌicë quixun ꞌunánxunbi cananuna unían nu rabiti sináncëma ꞌain.

1 Timoteo 1:17

Usa ꞌain cananuna Nucën Papa Dios, axa usabi ꞌApuira ꞌiá ꞌaish cëñútimoi usabi ꞌiti, a unin aín bërúnbi iscëma, ꞌianan an camabi ñu ꞌunáncë, axëshia Dios, a xënibua ꞌaínbi rabiti ꞌain. Usai ca ꞌiti ꞌicën.

Hebreos 3:12

ꞌËn xucë́antu, mitsúxribimi usai ꞌitima cupí camina bërúancati ꞌain, ꞌatimaquin sinánquin Nucën Papa Dios, axa bamatimoi tsócë, a ami catamëquinma ëntin rabanan.

Santiago 2:1

ꞌËn xucë́antu, mitsux Nucën ꞌIbu Jesucristo, ax Diossaribi upí, ami catamëcë ꞌixun camina raíri unibëishi nuibananquin raíri uni timatima ꞌain.

1 Pedro 1:7

Ënëx ca ësa ꞌicën. Asérabi cara curishi ꞌicë isnuxun ca unin curi tsi rëquirucënu xaroquin tania. Usaribiti camina mitsux caramina ami catamëcë ꞌai quixun isnuxun Nucën Papa Diosan tancë ꞌiti ꞌain. Curi ꞌaíshbi ca cëñúti ꞌicën. Usa ꞌaínbi camina tëmëraquinbi Nucën Papa Diosmi catamëquin ëncëma ꞌaish curisamaira ꞌiti ꞌain. Usaquin tancëxbimi asérabi ami catamëti ꞌain ca utëcënquin Jesucristonën —asérabi ꞌënan ꞌaish camina ꞌëbë ꞌaish cuëënti ꞌai —quixun mitsu cati ꞌicën.

Judas 1:25

Axëshi Nucën Papa Dios ꞌixun Nucën ꞌIbu Jesucristo cupí nu ainan ꞌinun ië́micë, ax ca cushiira ꞌianan upíira ꞌaish ꞌApuira ꞌicën. Ax uisa ñubi uniocëma pan ꞌaish usabi ꞌiá ꞌaish ca ax usabi ꞌia. Usabi ca ax ꞌicën. Ashi, Judas.

1 Samuel 15:30

—ꞌËx kana ꞌuchan —kiax ka Saúl amiribishi kítëkëankëxa—. Usa ꞌaínbi kana mi amiribishi katëkënin Israel kaman kushi ꞌimainun kamabi unikaman, ax ka asérabi nun ꞌapu ꞌikë kixun mi sinánun kamina ꞌëbë kuanti ꞌain. Usa ꞌain kamina ꞌëbë kuantëkëntankëxun Nukën ꞌIbu rabi kuanti ꞌain kixun ka katëkëankëxa.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.