Juan 5:40 - Kashibo-Kakataibo Biblia

⁴⁰ A banaxa usai ꞌë ñui quicë ꞌaínbi camina ainan ꞌaish Nucën Papa Diosbë ꞌinux ꞌëmi catamëisama tanin.

Nukën 'Ibu Diosan ain unikama 'inan ain bana

⁴⁰ A banaxa usai 'ë ñui quicë 'aínbi camina ainan 'aish Nucën Papa Diosbë 'inux 'ëmi catamëisama tanin.

Juan 5:40 Iomraidhean Croise

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Isaías 50:2

¿Uisa kupín karana ukin ꞌën uibi mërama ꞌain? ¿Uisa kupín kara kuënkëxunbi uínbi ꞌë káma ꞌik? ¿ꞌËx isana mitsu ꞌakinsama ꞌai kixun kaina sinánkankën? ¿ꞌËn isana mitsu chikintima ꞌai kixun kaina sinánkankën? ꞌËx usai ka ꞌiti ꞌikë kiax kikëbëshi ka parúmpapa ëskiti ꞌikën, ꞌimainun ka bakakamaxribi anu uni ꞌikëma mesa ꞌitánun aín ꞌumpax ꞌaíma ꞌiti ꞌikën; usai ꞌikëbë ka anu ꞌikë tsatsakama ꞌumpaxñuma ꞌain xanan bamai chë́kia.

Mateo 22:3

Sinánxun ca piti ꞌitsaira ꞌamimainuan camabi unin pi unun catánun quixun aín uni raíri xuaxa. Xucëx cuanxuan cacëxbi ca a cacë unicama uinu ꞌicë uníxbi uisama tanxa.

Mateo 23:37

Jerusalenu ꞌicë unicama, cana mitsu cain, mitsux camina an Nucën Papa Dios quicë bana uni ñuixuncë unicama ꞌanan a an aín bana ñuixunun xucë unicamaribi maxaxan ꞌá, mitsun raracama axa ꞌiásaribi ꞌain. ¿Uitishi oquin carana mitsu nuibaquin bërúanquin ꞌaquinsa tan? ꞌAtapanëan aín tuácama cuëntancëxun aín pëchin mapuxun bërúancësaribi oquin cana mitsu bërúanquin ꞌaquinsa tan. ꞌAquinsa tancëxbi camina mitsux cuëëncëma ꞌain.

Juan 1:11

Ënë nëtënu ꞌicë unicaman ca an unio ꞌixunbi, atubë ꞌinúxa ucëbi biisama tancëxa.

Juan 10:10

Axa mëcamacë unicama, ax ca mëcamanan ꞌaracacë ñuina rëquin ꞌatimoi aia. Usa ꞌaínbi cana ꞌëx a unicaman ꞌacësa oquin ꞌaquinma ꞌëmi catamëtia upitax bucunun unicama ꞌimi uacën, bamatancëxribia xënibua ꞌaínbi Nucën Papa Diosbë ꞌinun.

Juan 3:19

Axa ami sináncëma unicamax ca aín ꞌucha cupí Nucën Papa Diosan castícantishi ꞌicën, atúan an aín sinan upíira ꞌixun uni upí ꞌimiti ax uánbi ami catamëisama tanquin ꞌatima ñu ꞌatishi cuëëncë cupí.

Juan 5:39

Uisari caramina ainan ꞌaish xënibua ꞌaínbi abë ꞌiti ꞌai quixun ꞌunánuxun camina Nucën Papa Diosan bana cuënëo upí oquin isin. Usa ꞌaínbi ca a bana ꞌë ñuia quicë ꞌicën.

Juan 5:41

Unían ꞌë rabiti cana sinaniman.

Juan 5:44

Nucën Papa Dios axëshi Dios ꞌixun mitsu upíoti cuëënima camina mitsúxbi upíonani rabiananti cuëënin. ¿Nucën Papa Diosan mitsu upí oti cuëëncëma ꞌaish caramina uisax ꞌëmi catamëti ꞌain? Camina ꞌitima ꞌain.

Juan 6:27

Axa chëquiti piti binuxuinshi camina ñu ꞌatima ꞌain. Usa ꞌain camina ainan ꞌaish Nucën Papa Diosbë nëtë́timoi ꞌinuxun ꞌëmi catamëquin axa cuëëncësabi oquin ꞌati ꞌain. Usaími ꞌinun mitsu ꞌiminun ca ꞌëx uni ꞌinux anuax uá, Nucën Papa Dios, an ꞌë ꞌimiacëxa.

Juan 6:37

ꞌËx cuëëncësabi oquin ꞌai cana uáma ꞌain. An ꞌë xucë, axa cuëëncësabi oquinshi ꞌai cana uacën. Usa ꞌain ca ui unicama cara Nucën Papa Diosan ꞌënan ꞌinun sinánmia acamax ca ꞌëmi catamëti ꞌicën. Axa ꞌëmi catamëcë uni, a cana —camina ꞌënan ꞌitima ꞌai —quixun catima ꞌain.

Juan 6:40

An ꞌë xuá ax ca cuëënia, aín Bëchicë, ꞌëmi catamëcë unicamax nëtë́timoi abë ꞌiti. A unicama cana ꞌën ënë nëtë cëñúcëbëtan abë ꞌinun baísquimiti ꞌain.

Romanos 6:23

Aín ꞌucha cupí ca uni ië́timoi bamati ꞌicën. Usa ꞌaínbi ca axa aín ꞌucha tërë́nun Nucën ꞌIbu Jesucristomi catamëcë unicama a abë xenibua ꞌaínbi ꞌinun Nucën Papa Diosan ië́mia.

Apocalipsis 22:17

Usoquin caia ca Carnero ꞌicësaribitia unin ꞌucha cupí bama, Cristo, amia ax catamëcë unicamabëtan Nucën Papa Diosan Bëru Ñunshin Upitan —bënëtishi ca ut —quixun a caia. An atun bana cuacë unicamanribi ca —bënëtishi ca utëcën —quixun a cati ꞌicën. Shimaia uni ꞌunpax ꞌacatsi bënë́cësa usaribitia ax Jesuscristonan ꞌicatsi bënë́cë uni, an ca ami catamëquin Jesucristo —ëx cana minan ꞌiisa tani —quixun cati ꞌicën. Usaía ꞌia ca Cristonën ainan ꞌimianan xënibua ꞌaínbi abë ꞌinun ꞌimiti ꞌicën, cupímashi.