Juan 5:39 - Kashibo-Kakataibo Biblia

³⁹ Uisari caramina ainan ꞌaish xënibua ꞌaínbi abë ꞌiti ꞌai quixun ꞌunánuxun camina Nucën Papa Diosan bana cuënëo upí oquin isin. Usa ꞌaínbi ca a bana ꞌë ñuia quicë ꞌicën.

Nukën 'Ibu Diosan ain unikama 'inan ain bana

³⁹ Uisari caramina ainan 'aish xënibua 'aínbi abë 'iti 'ai quixun 'unánuxun camina Nucën Papa Diosan bana cuënëo upí oquin isin. Usa 'aínbi ca a bana 'ë ñuia quicë 'icën.

Juan 5:39 Iomraidhean Croise

Salmos 1:2

usai ꞌikin ka Diosan bana kikësa okinshi ꞌakin, a manukinma nëtën ꞌananbi imë́ribi a bana ënkinma ꞌati sinania.

Salmos 16:11

Usa ꞌixun kamina uisai karana tsóti ꞌai kixun ꞌë ꞌunánmiti ꞌain. Anu mix ꞌikë anu ka anuax ꞌitsaira kuëëntisabi ꞌikën; anuax ka min unikama ꞌitsaira kuëënti ꞌikën.

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Mateo 22:29

Cacëxun ca Jesusan cacëxa: —Usama ca. Mitsun Nucën Papa Diosan bana cara uisaira quia quixun cuanan aín cushiribi ꞌunánquinma camina usaquin ꞌë ñucatin.

Marcos 10:3

Cacëxun ca Jesusan cacëxa: —¿Uisaími mitsux ꞌinun cara Moisés quiacëx?

Marcos 12:10

¿Nucën Papa Diosan bana cuënëo ësai quicë, a caramina mitsun iscëma ꞌain?, An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti.

Lucas 16:29

Cacëxun ca Abrahamnën cacëxa: Atux ca Moisés ꞌimainun an Nucën Papa Dios quicë bana uni ñuixuncë unicaman cuënëo bana anu ꞌicë quiricañu ꞌicën. A isquin ca ꞌunánti ꞌicën.

Lucas 16:31

Quiabi ca Abrahamnën cacëxa: Moisés ꞌimainun an Nucën Papa Dios quicë bana uni ñuixuncë unicaman cuënëo bana isquinbi cuaisama tancë ꞌixun ca anu uni bamacë ꞌicënuax cuancë unin banaribi cuaisama tanti ꞌicën.

Lucas 24:25

Usaquian cacëxun ca Jesusan cacëxa: —Upí oquin camina sinaniman. An Nucën Papa Dios quicë bana uni ñuixuncë unin cuënëo banax ca asérabi ꞌicë quixun camina sináncëma ꞌain.

Lucas 24:27

Caxun ca Moisésnëan cuënëo bana ꞌimainun an Nucën Papa Dios quicë bana uni ñuixuncë unicamanribia cuënëo bana, uisa banacama cara a ñui quicë ꞌicë, a banaxa quicësabi oi ca ꞌiaxa quixun a uni rabë́ ñuixuancëxa.

Lucas 24:44

Pitancëx sënë́nxun ca Jesusan atu cacëxa: —ꞌËx bamacëma pain ꞌixun ꞌën mitsu cacësabi oi ca ꞌiaxa. ꞌË ñuiquin cuënëo banacama Moisésnën ꞌa, ꞌimainun an Nucën Papa Dios quicë bana uni ñuixuncë unicaman cuënëo banacama, ꞌimainun Salmosribi, acamaxa ꞌë ñui quicë bana axa quicësabi oi ca ꞌiti ꞌicë quixun ꞌën mitsu cacësabi oi cana ꞌian.

Juan 1:45

Usaquian Jesusan cacëx cuanxun ca Felipenën Natanael cacë uni bariquin mëraquin cacëxa: —A ñuiquian Moisés ꞌimainun an Nucën Papa Diosan sinánmicëxun uni bana ñuixuncë unicaman cuënëo, a uni cananuna mëran. Ax ca Jesús, Nazaretnu ꞌicë uni, Josénën bëchicë, a ꞌicën.

Juan 5:32

Usa ꞌaínbi ca axa ꞌë ñui quicë ax Nucën Papa Dios ꞌicën. ꞌË ñuia quicë bana ax ca asérabi ꞌicë quixun cana ꞌunanin.

Juan 5:36

Juanëan ꞌë ñuiquin mitsu cacë ꞌixun camina an cacësabi oquin ꞌën ꞌaia isquin upí oquin ꞌunánti ꞌain, Nucën Papa Diosan ca ꞌë xuacëxa quixun.

Juan 5:40

A banaxa usai ꞌë ñui quicë ꞌaínbi camina ainan ꞌaish Nucën Papa Diosbë ꞌinux ꞌëmi catamëisama tanin.

Juan 5:46

Moisésnëan ꞌë ñuiquin cuënëo ꞌain camina an cuënëo bana ca aserabi ꞌicë quixun sináncë ꞌaish ꞌëmiribi sinántsian.

Juan 7:52

Cacëxun ca sacerdotenën cushicamabëtan fariseo unicaman Nicodemo cacëxa: —¿Mixribi caramina Galilea menu ꞌicë uni ꞌain? Nucën Papa Diosan bana cuënëo upí oquin isquin camina isti ꞌain, uisa ꞌaíshbi ca an Nucën Papa Dios quicë bana unicama ñuixuncë uni Galilea menu ꞌicë uni ꞌicëma ꞌicën.

Hechos 13:27

Ësaquinribi ca Pablonën Pisidia menu ꞌicë ëma, Antioquíanu ꞌicë anua judíos unicama timë́ti xubunuxun cacëxa: —Jerusalénu ꞌicë unicamabëtan ca aín cushicamanribi Jesús, ax ca Cristo, axa uti atun caíncë, a ꞌicë quixun ꞌunánma ꞌicën. Anun ñu mëëtima nëtën ꞌicëbë timë́xun an Nucën Papa Dios quicë bana uni ñuixuncë unicaman cuënëo bana iscë ꞌixunbi ca uisai quicë cara quixun ꞌunanimabi —ax ca bamati ꞌicë —quiacëxa, a bana quicësabi oi.

Hechos 17:11

Atsínxuan bana ñuixuncëbëtan ca anua ꞌicë judíos unicaman, Tesalónica ëmanua ꞌicëcamasamaira ꞌixun, cuëënquin Pablonëan Jesús ñuiquin Nucën Papa Diosan bana ñuixunia cuacëxa. Cuaquin ca asérabi cara Pablonëan ñuixuncë bana ax ꞌicë quixun ꞌunáncasquin camabi nëtën Nucën Papa Diosan bana cuënëo isacëxa.

Hechos 26:27

Usaquin Festo catancëxun ca Pablonën Agripa cacëxa: —¿An Nucën Papa Dios quicë bana uni ñuixuncë unicaman cuënëo banax cara asérabi ꞌicë quixun caina sinanin? ꞌËn cana ꞌunanin, asérabi ca a bana ꞌicë quixun camina sinanin.

Romanos 1:2

Nucën Papa Diosan ca ainan ꞌinux ië́ti bana an sinánmicëxun aín bana uni ñuixuncë unicama bëráma cuënëomiacëxa.

Romanos 3:2

Ca asérabi usama ꞌicën. Judíos unibu pain ca Nucën Papa Diosan aín bana ꞌináncëxa. ꞌInánquin ca camabi unin ꞌunánun a bana judíos uni raíri cuënëomiacëxa.

Deuteronomio 18:15

Usa ꞌaínbi ka Nukën ꞌIbu Diosan mitsunuaxa achúshi uni an Dios kikë bana ñuikë ꞌën mitsu ñuixunkësaribi okían ñuixunun ꞌimiti ꞌikën, aka mitsun rëbúnki kaman aín bana tanti ꞌikën.

Deuteronomio 18:18

ꞌËn kana atunuaxa achúshi uni an ꞌën bana ñuiti uni ꞌimiti ꞌain, min ꞌakësarabi okin an bana ñuixunun ꞌimiti ꞌain, an ka mitsun aintsibi ꞌixun ꞌën kakë banakama mitsu ñuixunti ꞌikën, ꞌimainun ka ꞌën kakë banakama abi mitsu ñuixuntëkënti ꞌikën.

Deuteronomio 32:47

ꞌAínbi ka ënëx bëtsi ñu ꞌakësokin mitsun bënë́kinshi ꞌaisama upíokin sinánxun ꞌati ꞌikën; usa ꞌain kamina a tanti bana ënëx kikësabi oi ꞌi tsóti ꞌitsa baritia ꞌimi Jordán kakë baka a sikarakëtankëxun a me bitankëx anu tsókanti ꞌain.

Colosenses 3:16

Bëtsi bana ꞌacësamaira oquin Cristonëxa a ñui quicë bana sinani camina axa quicësa oíshi ꞌicanti ꞌain. ꞌIanan camina a bana upí oquin ꞌunani ꞌunánmianani ꞌësëánani ꞌicanti ꞌain. ꞌIanan camina a rabi Nucën Papa Diosan banan cantanan mitsúnmi ꞌacë bananribi a rabi cantati ꞌain. Camina Nucën Papa Dios min nuitu mëu sinánquin —asábi ca —cai cantati ꞌain.

Hebreos 11:16

Cuantëcënti ꞌaíshbi ca anu cuantëcëinsama tancëxa. A menu ꞌicësamaira oi bëtsi nëtë, upíira a Nucën Papa Diosan atu mëníoxuncë, anu ꞌiti ca cuëëancëxa. Usa ꞌain ca Nucën Papa Dios —ꞌëx cana atun Dios ꞌai —quixun sinani cuëënia. Usai cuëënquin ca anua atux abë ꞌiti nëtë mëníocëxa.

Hebreos 11:35

Bëtsi bëtsi xanun ca aín tuá bamacë ꞌicëbi Nucën Papa Diosan sinanën baísquiia biacëxa. Raíri unin ca unin Nucën Papa Diosan bana ënun quixun bëtsi bëtsi oquin paë tanmicëxunbi, ami sinánquin ëníma —ꞌëx masócë ꞌaish bamaibi cana Jesucristobë ꞌiti ꞌai —quixun sinánquin ami catamëti ënquinma tanshiacëxa.

Josué 1:8

ꞌImainun kamina uinsaranbi ënkinma a tanti bana ꞌën ꞌamikëxun Moisésnën kuënëo bana nëtën isanan imë́ribi isti ꞌain, usakin ꞌakin kamina ënkinma ënë bana kikësabiokin ꞌati ꞌain. Usakin mi ꞌakëbë ka kamabi ñu mitsun ꞌakë ñukamax upí ꞌiti ꞌikën.

Apocalipsis 19:10

Quicëbë cana a rabinux a ángel tanáin rantin purúan. Usai ꞌiabi ca ꞌë caxa: —Usai ꞌiáxma ca ꞌit. Uicaman cara Nucën Papa Dios quicë bana unicama ñuixunia an ca Jesús ñuiquin an ꞌunánmicë banacama uni ñuixunia. Mibëtan ax Jesús quicë banacama quicësabi oi ꞌicë unicaman ꞌacësaribi oquin cana ꞌënribi ax quicësaribi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.