Juan 5:28 - Kashibo-Kakataibo Biblia

²⁸ Usa ꞌain ca ꞌën mi ñuixuncëxun cuati ratúaxma ꞌit. Anúan ꞌëx ucëbëtan ꞌën bana cuati, bama unicama baísquiti nëtë ca uti ꞌicën.

Nukën 'Ibu Diosan ain unikama 'inan ain bana

²⁸ Usa 'ain ca 'ën mi ñuixuncëxun cuati ratúaxma 'it. Anúan 'ëx ucëbëtan 'ën bana cuati, bama unicama baísquiti nëtë ca uti 'icën.

Juan 5:28 Iomraidhean Croise

Oseas 13:14

¿Usa ꞌaish kaina anu uni ñukë maínti kini anuax ië́kanti ꞌain? ¿Bamati anuax kaina ië́kë ꞌiti ꞌain? Bamati, ¡min kushibëbi uxun kamina ënë ëma këñuti ꞌain!”

Juan 3:7

Nucën Papa Diosan cushin camina bacë́ntëcëncë ꞌiti ꞌai quixun ꞌën mi cacëx ratúaxma ca ꞌit.

Juan 4:21

Cacëxun ca Jesusan cacëxa: —Asérabi cana mi cain, anúnmi ënë tucunuxunmabi, Jerusalénuxunmabi anumi mitsux ꞌicënuxunbi, Nucën Papa Dios rabiti nëtë ca aia.

Juan 4:23

Anúan an Nucën Papa Dios rabicë unix asérabi ami sinani ax cuëëncësabi oi ꞌiti cuëënquin a rabiti nëtë ca aia, bërí ca a nëtë ꞌicën. Usaquian unin a rabiti ca Nucën Papa Dios cuëënia.

Juan 5:20

ꞌËn Papan ca ꞌëxira aín Bëchicë ꞌicë nuibaquin an ꞌacë ñucama ꞌë ismia. An ca mitsúnmi iscësamaira ñu, a isími mitsux ratúti, a ꞌë isminuxun ꞌaia.

Juan 5:25

Usa ꞌain cana asérabi mitsu cain, ca uti ꞌicën, anúan aín ꞌucha cupí bamacësa ꞌixunbi unicaman ꞌën bana cuati nëtë. ꞌËn bana unin cuati nëtë, a nëtë ca ënëx ꞌicën. Usa ꞌain ca an —asérabi ca aín bana ꞌicë —quixun ꞌë ꞌunánquin ꞌëx quicësabi oquin ñu ꞌacë unicama ax, aín ꞌucha tërë́ncë cupí Nucën Papa Diosnan ꞌaish, nëtë́timoi abë ꞌiti ꞌicën.

Hechos 24:15

Atúan sináncësaribi oquin cana, bama ꞌaish ca uni upícama ꞌimainun uni ꞌatimacamaxribi baísquiti ꞌicë quixun sinanin.

Hechos 3:12

Usaria isquin ca Pedronën anu timë́cëcama cacëxa: —Israel unicama, ¿uisacatsi caramina ënë isi ratutin? ¿Uisacasquin caramina nu ñachaira ñachain? Nun cushínbi isanuna ꞌa quixun sapi camina sináncanin. Nux upí ꞌixun isanuna ënë uni nimia quixun sapi camina sináncanin.

1 Corintios 15:22

Adanën ñu ꞌatima ꞌa cupí ca aín rëbúnquicama ñu ꞌatima ꞌai bamaia. Usa ꞌaínbi ca Cristonan ꞌaish uni bama ꞌaíshbi baísquitancëx tsóti ꞌicën.

Filipenses 3:21

Nux bamai chëquiti ꞌicëbi ca ax uquin nu axa bamax baísquiasaribi oquin, asaribi ꞌinun, nu bëtsi oti ꞌicën. Usonan ca aín cushi anun ax camabi ñun ꞌibu ꞌiti anúnribi nu bëtsi oti ꞌicën.

Apocalipsis 20:12

Usaquinribi isanan cana axa bama unicama, uni cushibu ꞌimainun uni cushimabu, acamaxa baísquitancëx anua Nucën Papa Dios ꞌicë aín bëmánon sëtë́cë isan. A unicamaxa sëtë́mainun ca quirica achúshi, anu ui unicamax cara Nucën Papa Diosbë ꞌiti ꞌicë quixun aín anë cuënëocë, ax bacacë ꞌiaxa. A isanan cana bëtsi quiricacamaribi isan. A quiricacamanu ca añu ñucama cara unicaman ꞌaxa quixun cuënëocë ꞌiaxa. A quiricacama isquin ca Nucën Papa Diosan unin cara upí ñu ꞌaxa, cara upíma ñu ꞌaxa quixun isaxa. Isun ca aín ñu ꞌacësabi oquin mëníonan an ñu upí ꞌacë uni upí ꞌimainuan an ñu upíma ꞌacë unicama tëmëranun ꞌimiaxa.