Juan 5:21 - Kashibo-Kakataibo Biblia

²¹ ꞌËn Papan ca uni bama abi baísquimitancëxun axa tsónun ꞌimiti ꞌicën. Usaribiquin cana ꞌëx aín Bëchicë ꞌixun ꞌimitisa tanquin ꞌënribi tsónun uni ꞌimiti ꞌain.

Nukën 'Ibu Diosan ain unikama 'inan ain bana

²¹ 'Ën Papan ca uni bama abi baísquimitancëxun axa tsónun 'imiti 'icën. Usaribiquin cana 'ëx aín Bëchicë 'ixun 'imitisa tanquin 'ënribi tsónun uni 'imiti 'ain.

Juan 5:21 Iomraidhean Croise

1 Reyes 17:21

Usokin katankëxun ka rabë́ ꞌimainun achúshi okin buinakin tuá ñukë manan uankë a chupa bëpantankëxun, abë banakin munuma Dios kakëxa: “ꞌËn ꞌIbu Dios, ¡ꞌËn kana mibë banakin ësokin mi kain, ënë tuá ñukë kamina amiribishi baískitëkëntakëxa tsónun ꞌimiti ꞌain!”

2 Reyes 5:7

Ësokin ꞌaxuan ꞌinánkëx Samarianu bëbax ka anua ꞌapu ꞌikë aín xubunu kuanxun ꞌIsraelnën ꞌapu kirika kuënëokë buánkë a ꞌinánkëxa, ꞌinánkëxun istánkëx ka Israel unikaman ꞌapu aín chupa tukai nishi kiakëxa: —¿ꞌËx karana an uni tsónun ꞌimianan bamanun ꞌimikë a ꞌain, ꞌapu ꞌitsían uni achúshi an nami chëkimikë ꞌinsin ꞌën pëxkunun ꞌënu xunun karana ꞌëx Dios ꞌain? ¡ꞌËn sinánkëxun sapi ka nubë ꞌakánanti barikin ësokin ꞌaia usa ꞌain kananuna upiti bërúankati ꞌain!

Juan 11:25

Cacëxun ca Jesusan cacëxa: —ꞌËx cana an uni baísquimiti a ꞌain, ꞌianan cana anúan uni ainan ꞌaish Nucën Papa Diosbë ꞌiti a ꞌain. Axa ꞌëmi catamëcë uni, ax ca bama ꞌaíshbi tsónux baísquiti ꞌicën.

Juan 17:2

Min camina ui unicama caramina min Bëchicë ꞌëmi sinánmi, acamaxa xënibua ꞌaínbi minan ꞌaish mibë ꞌinun ꞌiminun ꞌë can.

Juan 6:63

ꞌËx ënë menu ꞌaish uni ꞌicë cupíshima ꞌëx bamatancëx baísquiti cupí camina ainan ꞌaish xënibua ꞌaínbi Nucën Papa Diosbë ꞌiti ꞌain. ꞌËn a ñuiquin mitsu cacë ñucama ax ca anúnmi ꞌëmi catamëti ꞌën sinánsaribi ꞌaish xënibua ꞌaínbi Nucën Papa Diosbë ꞌiti, a ꞌicën.

Hechos 26:8

Mitsúnribi camina, Nucën Papa Diosan ca uni bamacama baísquimiti ꞌicë quixun sinanin. ¿Usa cat?

Romanos 8:11

Nucën Papa Dios, an Jesús bamacëbi baísquimia, aín Bëru Ñunshin Upí mitsubë ꞌixun ca an Cristo Jesús bamacëbi baísquimia anbi mitsuribi bamacëbi Cristo utëcëncëbëtan baísquimiti ꞌicën, aín Bëru Ñunshin Upí mitsubë ꞌain.

1 Corintios 15:45

Acama ñui ca Nucën Papa Diosan bana cuënëo ësai quia: “Nucën Papa Diosan a pain unio uni, Adán, ax ca sinánñu ꞌianan banañu ꞌianan an ñu ꞌati ꞌiacëxa”. Usa ꞌaínbi ca Cristo, Adánsaribi uni ꞌixunbi an Nucën Papa Diosnan ꞌinun uni ië́miquin abë chëquítimoi nëtë́timoia tsónun ꞌimiti, a ꞌicën.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.