Juan 5:20 - Kashibo-Kakataibo Biblia

²⁰ ꞌËn Papan ca ꞌëxira aín Bëchicë ꞌicë nuibaquin an ꞌacë ñucama ꞌë ismia. An ca mitsúnmi iscësamaira ñu, a isími mitsux ratúti, a ꞌë isminuxun ꞌaia.

Nukën 'Ibu Diosan ain unikama 'inan ain bana

²⁰ 'Ën Papan ca 'ëxira aín Bëchicë 'icë nuibaquin an 'acë ñucama 'ë ismia. An ca mitsúnmi iscësamaira ñu, a isími mitsux ratúti, a 'ë isminuxun 'aia.

Juan 5:20 Iomraidhean Croise

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Mateo 4:8

Usotancëxun ca ñunshin ꞌatimanën ꞌapun amiribishi tantëcëncatsi quixun aín bashi chairucë manan Jesús buáncëxa. Buántancëxun ca anuxun camabi me ꞌimainun a menu ꞌicë ëmacamaxa cha ꞌaish upí ꞌicë ismiacëxa.

Lucas 10:22

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Juan 1:18

Uinu ꞌicë unínbi ca Nucën Papa Dios isáma ꞌicën. Aín Bëchicë Achúshi, axa aín Papabë ꞌicë, an cuni ca uisa cara Nucën Papa Dios ꞌicë quixun nu ꞌunánmiacëxa.

Juan 10:32

Bitsia ca Jesusan cacëxa: —ꞌËn Papan ꞌë ꞌamicëxun cana mitsúnmi isnun ꞌitsa ñu ꞌan. ¿ꞌËn usoquin ꞌacë uinu ꞌicë ñu cupí caramina ꞌë maxaxan ꞌacatsi quin?

Juan 14:12

Asérabi cana ꞌën mitsu cain, ꞌëx Nucën Papa Diosnu cuancë cupí ca axa ꞌëmi catamëcë uni, an ꞌën ꞌacë ñuribi ꞌati ꞌicën, ꞌanan ca ꞌën ꞌacësamaira oquin ñu ꞌati ꞌicën.

Juan 15:15

Usa ꞌain cana ꞌën ñu mëëmicë uni camina ꞌai quixun mitsu caiman. An ñu mëëxuncë unin ca uisoquin ñu ꞌati cara an ñu mëëmicë unin sinania quixun ꞌunanima. ꞌËbë nuibanancë unicama camina ꞌai quixun cana mitsu cain. Usa ꞌicë cana ꞌën Papan ꞌë cacë ñucama mitsu ꞌunánmian.

Juan 17:26

ꞌËx atubë ꞌimainun min ꞌë nuibacësaribitia atúxribi bëtsibë bëtsibë nuibananun cana uisaira caramina mix ꞌain quixun atu ꞌunánmian. Usa ꞌixun cana usabi oquin ꞌunánmiti ꞌain.

Juan 3:35

Nucën Papa Diosan ca aín Bëchicë nuibaquin axa aín ꞌibu ꞌinun camabi ñu a ꞌináncëxa.

Juan 5:21

ꞌËn Papan ca uni bama abi baísquimitancëxun axa tsónun ꞌimiti ꞌicën. Usaribiquin cana ꞌëx aín Bëchicë ꞌixun ꞌimitisa tanquin ꞌënribi tsónun uni ꞌimiti ꞌain.

Juan 5:25

Usa ꞌain cana asérabi mitsu cain, ca uti ꞌicën, anúan aín ꞌucha cupí bamacësa ꞌixunbi unicaman ꞌën bana cuati nëtë. ꞌËn bana unin cuati nëtë, a nëtë ca ënëx ꞌicën. Usa ꞌain ca an —asérabi ca aín bana ꞌicë —quixun ꞌë ꞌunánquin ꞌëx quicësabi oquin ñu ꞌacë unicama ax, aín ꞌucha tërë́ncë cupí Nucën Papa Diosnan ꞌaish, nëtë́timoi abë ꞌiti ꞌicën.

Juan 5:29

Baísqui ca anu maían anuax chiquíti ꞌicën. An upí ñu ꞌá unicamaxa Nucën Papa Diosbë nëtë́timoi ꞌinux baísquimainun ca an ñu ꞌatima ꞌá unicamax aín ꞌucha cupí ꞌuchocë ꞌinux baísquiti ꞌicën.

2 Pedro 1:17

Usaquin iscë ꞌixun cananuna camabi unin ꞌunánuan, a ñui, Nucën Papa Dios ësai quia cuacën: “Ënëx ca ꞌën nuibairacë ꞌën Bacë Bëchicë ꞌicën, a cupí cana chuáma tani cuëënin” —quiax.