Juan 5:2 - Kashibo-Kakataibo Biblia

² Jerusalénu cënëa aín xëcuë achúshi, Oveja cacë, a bëtánain ca unin ꞌacë ꞌian ꞌiacëxa. Ax ca hebreo banan Betesda caquin anëcë ꞌiacëxa. A ꞌian rapasu, anua uni niti, anu ca mëcën achúshi itá nitsíncë ꞌaish manan tapuñu ꞌiacëxa.

Nukën 'Ibu Diosan ain unikama 'inan ain bana

² Jerusalénu cënëa aín xëcuë achúshi, Oveja cacë, a bëtánain ca unin 'acë 'ian 'iacëxa. Ax ca hebreo banan Betesda caquin anëcë 'iacëxa. A 'ian rapasu, anua uni niti, anu ca mëcën achúshi itá nitsíncë 'aish manan tapuñu 'iacëxa.

Juan 5:2 Iomraidhean Croise

Juan 19:13

Usaquian judíos unicaman cacëxun Jesús ëman chiquímitancëx ca Pilato anuxuan ami uni manáncëxun cuacë anu tsóbuacëxa. Anu tsóti ax ca me mëníoquian anu maxax nancë ꞌaish hebreo banan Gabata cacë, ꞌiacëxa.

Juan 19:17

Buáncëxun ca Jesusan abi anua matáscanti i curúsocë ꞌiábianquin Calvario cacë matá, hebreo banan Gólgota cacë, anu buáncëxa.

Juan 19:20

Usa ꞌain ca Gólgota matá anuxuan Jesús i curúsocënu matáscancë, axa Jerusalén ꞌurama ꞌain, raírinëxa umainun raírinëxribi cuanquin judíos unicaman a bana cuënëocë isacëxa. A banax ca hebreo banan ꞌanan, latín banan ꞌanan, griego banánribi cuënëocë ꞌiacëxa.

Juan 20:16

Cacëxun ca Jesusan cacëxa: —María —ësaquinshi. Cacëx cuainacëquin ca Maríanën ratúquin, hebreo banan —Raboni —cacëxa. A banax ca an uni ñu ꞌunánmicë qui quicë ꞌicën.

Juan 5:3

Ax ca a tëmú bucuxuan uni ꞌinsíncëcama, bëxuñu ꞌimainun aín niti bëtsicë ꞌimainun racábucë, acaman ángelnëan ꞌunpax cubínmia caíncë ꞌiacëxa.

Juan 7:21

Cacëxun ca Jesusan cacëxa: —Anun ñu mëëtima nëtën ꞌën uni pëxcucë a camina sinanin.

Hechos 21:40

Cacëxun ca comandantenën —camina cati ꞌai —quixun cacëxa. Cacëx tapitinu nixun mëcënan sanáncëxa nëtëtia ca Pablonën hebreo banan banaquin ësaquin unicama cacëxa:

Apocalipsis 16:16

Ñunshin ꞌatimacama tuan tita iscësa, an sinánmicëx ca camabi menu ꞌicë ꞌapucama ꞌimainun aín suntárucamax Armagedón cacë me anu timë́axa. A mex ca hebreo banan Armagedón cacë ꞌicën.

Apocalipsis 9:11

A chanpucaman ꞌapu ax ca quini chaira ꞌaish nëmíinra anu ꞌicë ñunshíncaman cushi ꞌiaxa. A ñunshinan anëx ca hebreo banan cacë Abadón ꞌicën, griego banan cacë ca Apolión ꞌicën.