Juan 5:19 - Kashibo-Kakataibo Biblia

¹⁹ Usa ꞌain ca Jesusan atu cacëxa: —Asérabi cana mitsu cain, ꞌëx Nucën Papa Diosan Bëchicë ꞌixunbi cana ꞌënbi ñu ꞌaiman. ꞌËn Papan ñu ꞌaia isquin cuni cana ꞌënribi ꞌain. ꞌËn Papan bëtsi bëtsi ñu ꞌacëbëtan cana ꞌëx aín Bëchicë ꞌixun ꞌënribi an ꞌacësaribi oquin ꞌain.

Nukën 'Ibu Diosan ain unikama 'inan ain bana

¹⁹ Usa 'ain ca Jesusan atu cacëxa: —Asérabi cana mitsu cain, 'ëx Nucën Papa Diosan Bëchicë 'ixunbi cana 'ënbi ñu 'aiman. 'Ën Papan ñu 'aia isquin cuni cana 'ënribi 'ain. 'Ën Papan bëtsi bëtsi ñu 'acëbëtan cana 'ëx aín Bëchicë 'ixun 'ënribi an 'acësaribi oquin 'ain.

Juan 5:19 Iomraidhean Croise

Génesis 1:1

Uniotabakin ka Nukën ꞌIbu Diosan uniokëxa, naíkamë ꞌëo ꞌimainun me.

Génesis 1:26

Usa ꞌain ka kamabi ñu ꞌatankëx Nukën ꞌIbu Dios ësai kiakëxa: Bërí kananuna nu iskësabi ꞌitánun uni unioti ꞌain. Ax ka bakanu ꞌikë ñuinakama ꞌimainun pëchiñu ñuina ꞌimainun a piti pitima ñuinakama ꞌianan, ñuina raëkëma ꞌimainun men niríkë ñuinakamax ka an bërúankë ꞌiti ꞌikën.

Salmos 27:14

¡Nukën ꞌIbumishi ka uni katamëti ꞌikën! ¡Katamëkin kamina kushikin ꞌatimakin sinántima ꞌain! ¡ꞌImainun kamina Nukën ꞌIbumishi katamëkanti ꞌain!

Éxodo 4:11

ꞌAínbi ka Nukën ꞌIbun Moisés kakëxa: —¿Uin kara uni anúan banati bana ꞌinánkëx? ¿Uinma ꞌën kana an banañuma ꞌianan pabë, bëxuñu ꞌimianan an unikama an upíokin isnun ismikë a ꞌain?

Isaías 44:24

Ësai ka Nukën ꞌIbu an mi bitëkënkë ax kiaxa, an ka mitsu ënë menu min titan bakëntisa ꞌikëmabi ꞌakëxa: “ꞌËx kana an kamabi ñu unio Nukën ꞌIbu a ꞌain, ꞌanan kana ꞌën naíkamë ꞌëo chaiira ꞌinun pënimëtanun ꞌimiakën ꞌimianan kana meribi anubia rakati anu nankën usakin ꞌaia ka uínbi ꞌë ꞌakianma ꞌikën.

Isaías 45:24

kiti ꞌikën: Nukën ꞌIbun ka ax kushiira ꞌixun kamabi axa ami nishkë unikama ꞌati ꞌikën. Usa ꞌain ka uikamax kara ꞌëmi nishi ꞌë istisama tania akamami uni kuaiti ꞌikën.

Mateo 26:39

Cabiani ꞌurira cuani memi bëúmpucuti racábuquin ca aín Papa Dios cacëxa: —Papan, mix cuëëncëbëtan cana ꞌën bërí paë tantima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

Juan 10:18

ꞌËx cuëëniama ca unin ꞌë bamamitima ꞌicën. Bamatsianxmabi cana ꞌëxbi cuëëncë cupí bamati ꞌain. ꞌËx cuëëncë cupí cana bamati ꞌain, bamatancëx cana baísquitëcënti ꞌain. Usai ꞌinun ca ꞌën Papan ꞌë caxa.

Juan 12:49

ꞌËx cana ꞌënbi sinánx banaiman. ꞌËn Papa, an ꞌë xuá, an ca uisai carana banati ꞌain, uisoquin carana uni ꞌunánmiti ꞌai quixun ꞌë caxa.

Juan 12:50

ꞌËn cana ꞌunanin, an ꞌë cacë bana ax ca anúan uni ainan ꞌaish Nucën Papa Diosbë nëtë́timoi ꞌiti a ꞌicën. Usaquin ꞌunánxun cana ꞌën Papan ꞌë cacësabi oquin bana ñuin.

Juan 14:10

¿ꞌËx cana Nucën Papa Diosbë ꞌain, Nucën Papa Dios ax ca ꞌëbë ꞌicë quixun caramina sinaniman? ꞌËn mi cacë bana ënëx ca ꞌënbi sinani quicë banama ꞌicën. Ax ꞌëbë ꞌixun ca Nucën Papa Diosan ax cuëëncë ñu ꞌanun ꞌë ꞌamia.

Juan 2:19

Cacëxun ca Jesusan cacëxa: —Mitsúnmi tëncapatiabi cana ënë xubu ꞌën rabë́ ꞌimainun achúshi nëtë́inshi ꞌatëcënti ꞌain.

Juan 3:3

Cacëxun ca Jesusan cacëxa: —Asérabi cana ꞌën mi cain, axa aín cushin bacë́ntëcëncëma uni ax ca Nucën Papa Diosnan ꞌitima ꞌicën.

Juan 5:21

ꞌËn Papan ca uni bama abi baísquimitancëxun axa tsónun ꞌimiti ꞌicën. Usaribiquin cana ꞌëx aín Bëchicë ꞌixun ꞌimitisa tanquin ꞌënribi tsónun uni ꞌimiti ꞌain.

Juan 8:28

Cuatiama ca Jesusan cacëxa: —Uni ꞌinux Nucën Papa Diosnuax uá ꞌicë ꞌë inu matástancëxun camina ui carana ꞌëx ꞌai quixun ꞌunánti ꞌain. ꞌUnánan camina, ꞌënbi sinánquin ꞌaquinma cana ꞌën Papan cacësabi oquin ñu ꞌai quixun ꞌunánti ꞌain. ꞌËn Papan ꞌë cacësabi oquin cana unicama cain.

Juan 9:4

Bëánquicëbëtan ca unin ñu mëëtima ꞌicën. Usa ꞌain ca nëtën ñu mëëia. Usaribi oquin cana bamacëma pain ꞌixun ꞌën an ꞌë xuá axa quicësabi oquin ñu ꞌati ꞌain.

Hechos 2:24

Usoquian unin ꞌacëbi ca Jesús a Nucën Papa Diosan baísquimiaxa, uisatimoia tsónun. Ax asaribi cushiira ꞌicëa uinu ꞌicë unínbi ashiquin bamamisama ꞌicë ca Nucën Papa Diosan aín Bëchicë baísquimiaxa.

Romanos 6:4

Nux nashimicë ꞌaish cananuna Jesucristo, nun ꞌucha cupí bama ꞌain ꞌuchatëcëntimoi abë bamacësa ꞌian. Usa ꞌaish cananuna bamacëbia Nucën Papa Diosan Jesucristo, aín cushínbi baísquimia cupí, usaribi ꞌaish bëtsi sinánñu ꞌianan bëráma ꞌicësai ꞌitëcëntima oquin Nucën Papa Diosan ꞌimicë ꞌain.

Romanos 8:11

Nucën Papa Dios, an Jesús bamacëbi baísquimia, aín Bëru Ñunshin Upí mitsubë ꞌixun ca an Cristo Jesús bamacëbi baísquimia anbi mitsuribi bamacëbi Cristo utëcëncëbëtan baísquimiti ꞌicën, aín Bëru Ñunshin Upí mitsubë ꞌain.

1 Corintios 15:12

¿Nun mitsu —Cristo ca bamaxbi baísquiacëxa —quixun ñuixuncëxbi caramina uisa ꞌaish mitsu raírinëx uni isa bama ꞌaish baísquitima ꞌicë quin?

2 Corintios 5:10

Utëcëntancëxun ca Cristonën unicama achúshi achúshi uisaquin cara ënë nëtënuxun ñu ꞌaxa quixun isti ꞌicën. Usoquin ca, atun ñu ꞌacë cara upí ꞌicë, cara upíma ꞌicë quixun isti ꞌicën. Atun ñu ꞌacësabi oquin istancëxun ca raíri ax cuëëncësabi oquin ꞌacë, axa cuëënun ꞌimianan raíri an aín bana quicësabi oquin ꞌacëma uni a uisoquin cara ꞌati ꞌicë usoquin ꞌati ꞌicën.

Efesios 2:5

nux nun ꞌucha cupínu ainanma ꞌaish bamacësa ꞌiá ꞌicëbi ainan ꞌaish upiti tsónun nu ꞌimiaxa, nuxribi bama ꞌaíshbi Cristobë baísquicësa ꞌinun.

Efesios 3:16

Ax upíira ꞌaish cushiira ꞌixúan aín Bëru Ñunshin Upitan mitsun nuitu mëu sinánmiquin, ax cuëëncësabi oquinmi ꞌanun mitsu cushionun, cana a mitsu ñucáxunin.

Filipenses 3:21

Nux bamai chëquiti ꞌicëbi ca ax uquin nu axa bamax baísquiasaribi oquin, asaribi ꞌinun, nu bëtsi oti ꞌicën. Usonan ca aín cushi anun ax camabi ñun ꞌibu ꞌiti anúnribi nu bëtsi oti ꞌicën.

Filipenses 4:13

Usa ꞌixun cana uisa ñu cara ꞌicëbëtanbi tënëquin Cristo cuëëncësabi oquin ꞌati ꞌain, usai ꞌinun an cushiocë ꞌixun.

Colosenses 1:11

ꞌAnan cananuna ax cushiira ꞌixúan, uisa ñu cara ꞌicëbëbi bënëtima cuëënquin tanshinuan mitsu ꞌaquinun quixun a mitsu ñucáxunin.

Colosenses 1:16

Nucën Papa Diosan uniomicëxun ca aín Bëchicënën naínu ꞌicë ñucama ꞌimainun menu ꞌicë ñucamaribi ꞌanan bëtsi bëtsi ñu unin aín bërúnbi iscë ꞌimainun unin iscëma ñucamaribi uniocëxa. Usonan ca ángelcama ꞌimainun uisa cushi cara, acamaribi uniocëxa, ainan ꞌaish ax cuëëncësabi oi ꞌinun.

1 Tesalonicenses 4:14

Jesús ax ca bamatancëx baísquiacëxa quixun ꞌunáncë ꞌixun cananuna, a ꞌimiasaribi oquin ca axa ami catamëcë ꞌaish bama unicama Jesucristo utëcëncëbëtan Nucën Papa Diosan baísquimiti ꞌicë quixun ꞌunanin.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.