Juan 5:18 - Kashibo-Kakataibo Biblia

¹⁸ Usaía Jesús quia cuati ami nishquin ca judíos unicaman ësaquin sináncëxa, —Usai qui ca Nucën Papa Dios ax isa aín papa ꞌicë quianan ax isa Nucën Papa Diossaribi ꞌicë quia. Usaquin sinani ca anun ñu mëëtima nëtën uni pëxcucë cupí ami nishanan, usaía quicë cupíribi ami nishquin, a ꞌacatsi quiax ꞌësë́nancëxa.

Nukën 'Ibu Diosan ain unikama 'inan ain bana

¹⁸ Usaía Jesús quia cuati ami nishquin ca judíos unicaman ësaquin sináncëxa, —Usai qui ca Nucën Papa Dios ax isa aín papa 'icë quianan ax isa Nucën Papa Diossaribi 'icë quia. Usaquin sinani ca anun ñu mëëtima nëtën uni pëxcucë cupí ami nishanan, usaía quicë cupíribi ami nishquin, a 'acatsi quiax 'ësë́nancëxa.

Juan 5:18 Iomraidhean Croise

Mateo 12:5

¿Mitsun caramina judíos sacerdotecama ñui quiá cuënëo bana a iscëma ꞌain? Bëtsi nëtën ꞌacësaribi oquin ca anun ñu mëëtima nëtë́nribi anuxun Nucën Papa Dios rabiti xubunuxun an ꞌati ñucama ꞌacëxa. Usoquin ꞌaíbi ca ꞌuchama ꞌicën.

Juan 1:19

Usa ꞌain ca Jerusalénu ꞌicë judíos unicaman ax caraisa ui ꞌicë quixuan Juan ñucátanun, sacerdotecamacëñun levita unicama xuacëxa.

Juan 10:30

ꞌËx ꞌën Papabë rabë́ ꞌaíshbi cananuna achúshishi ꞌain.

Juan 10:33

Ësoquian cacëxun ca judíos unicaman cacëxa: —Minmi upí ñu ꞌacë cupí cananuna mi maxaxan ꞌaiman. Mixmi Nucën Papa Dios ñui ꞌatimati banacë cupí cananuna mi ꞌain. Mix camina unishi ꞌaíshbi mix isamina Dios ꞌai quiax quin. A cupí cananuna mi ꞌain.

Juan 14:23

Cacëxun ca Jesusan cacëxa: —Uix cara ꞌëmi sinania, ax ca ꞌëx quicësabi oi ꞌiti ꞌicën. Usai ꞌia ca ꞌën Papan nuibati ꞌicën. An nuibacëbë cana ꞌën Papabë ꞌëxribi a unibë ꞌiti ꞌain.

Juan 14:9

Cacëxunbi ca Jesusan cacëxa: —¿Camabi nëtën mitsubë ꞌiabi caramina uisa uni carana ꞌai quixun ꞌë ꞌunaniman? An ꞌë iscë uni, an ca Nucën Papa Diosribi isia. ¿Usa ꞌaínbi caramina uisa cupí, nu ca Nucën Papa Dios ismit quin?

Juan 19:7

Ësaquian cacëxun ca judíos unibunën Piláto cacëxa: —Ënë unix ca ꞌëx cana Nucën Papa Diosan Bëchicë ꞌai quia. Usa ꞌain ca axa ësai banacë unix ca ꞌacë ꞌiti ꞌicë quiax Moisésnën cuënëo bana quicësabi oi bamati ꞌicën.

Juan 5:15

Usaquian Jesusan cacëxun, ax ca Jesús ꞌicë quixun sinánbiani cuanxun ca a unin judíos unicama, —Jesusan ca ꞌë pëxcüaxa —quixun cacëxa.

Juan 5:16

Usa ꞌain ca anun ñu mëëtima nëtëan uni pëxcucë cupí, judíos unicamax Jesús ꞌacatsi quiax ꞌësë́nancëxa.

Juan 5:17

ꞌËsënaniabi ca Jesusan atu cacëxa: —ꞌËn Papan ꞌacësaribi oquin cana ꞌën ꞌain.

Juan 5:23

a rabicësaribi oquían camabi unin ꞌëribi rabinun. An aín Bëchicë ꞌicë ꞌë rabicëma, an ca ꞌën Papa an ꞌë xuá, aribi rabima.

Juan 7:1

Usaquin bana ñuixuntancëx ca judíos unicamaxa a ꞌacatsi quiax ꞌësë́nania ꞌunanx, Judea nëtënu ꞌicë ëmacamanu cuainsama tani Galilea nëtënu ꞌicë ëmacamanushi nitsi anubi Jesús ꞌiacëxa.

Juan 7:19

Moisésnën ca uisai cara Nucën Papa Diosan uni ꞌiti ꞌicë quixuan unin ꞌunánun aín bana cuënëocëxa. ¿Usa cat? Usa ꞌaínbi camina achúshi unínbi a bana quicësa oquin ꞌaiman. ¿ꞌËx Nucën Papa Diosan bana quicësabi oi uá ꞌicëbëbi caramina uisa cupí ꞌë ꞌacatsi quin?

Juan 8:54

Quia ca Jesusan cacëxa: —ꞌËx rabiacacëbëtanbi ca, aín banax sapi ca asérabima ꞌicë quixun unin sinánti ꞌicën. Usa ꞌaínbi ca an ꞌë rabicë, ax ꞌën Papa ꞌicën, ami mitsun —ax ca Nucën Papa Dios ꞌicë —quixun ñuicë a.

Juan 8:58

Quia ca Jesusan cacëxa: —ꞌËn cana asérabi mitsu cain, Abraham ꞌicëma pain ꞌain cana ꞌëx ꞌiacën.

Filipenses 2:6

Aribi ꞌaish Nucën Papa Diosbë ꞌixunbi ca —anu ꞌëx asaribi ꞌaish ꞌën Papa Diosbë ꞌicë ënë nëtë cana ëbiántima ꞌai —quixun sinánma ꞌicën.

Apocalipsis 22:1

Usaquin ꞌë ismitancëxun ca angelnën anua Nucën Papa Dios ꞌimainun Carnero ꞌicësaribitia unin ꞌucha cupí bama, ax ꞌicë, anuaxa baca aín ꞌunpax bëxnan bëxnánquicë chiquitia ꞌë ismiaxa.

Apocalipsis 22:3

Usa ꞌain ca Nucën Papa Diosan uisoquin cara ꞌati ꞌicë usoquin ꞌati ñu anu ꞌaíma ꞌiti ꞌicën. Anu ca Nucën Papa Dios ꞌimainun Carnero ꞌicësaribitia unin ꞌucha cupí bama, ax ꞌApu ꞌiti ꞌicën. Usa ꞌicë ca anuxun aín unicaman a rabiti ꞌicën.