Juan 5:17 - Kashibo-Kakataibo Biblia

¹⁷ ꞌËsënaniabi ca Jesusan atu cacëxa: —ꞌËn Papan ꞌacësaribi oquin cana ꞌën ꞌain.

Nukën 'Ibu Diosan ain unikama 'inan ain bana

¹⁷ 'Ësënaniabi ca Jesusan atu cacëxa: —'Ën Papan 'acësaribi oquin cana 'ën 'ain.

Juan 5:17 Iomraidhean Croise

Salmos 65:6

min kamina mix kushiira ꞌixun, anubia ꞌitinu bashikama uniokën.

Isaías 40:26

Manámi bësukin kamina naími okin iskanti ꞌain: ¿Uin kara kamabi ñu uniokëx? An ka kamabi uniotankëxun ꞌispakama aín anën anëkin nankëxa, usa ꞌixun ka achúshi achúshi usai kamina ꞌiti ꞌai kixun kakëxa. Aín kushi chaiira ꞌain ka uinu ꞌikë ꞌispaxbi nëtë́tima ꞌikën.

Mateo 10:29

ꞌIsáratsu ca cupíma ꞌicë unin curíqui ꞌitsamaratsu anun maruquin rabë́ biti ꞌicën. Chamaratsu ꞌaísha aín cupí ꞌitsamashi ꞌicëbi ca Nucën Papa Diosan camabi ꞌisá achúshi achúshi isia. Usaquian bërúancë ꞌaish ca Nucën Papa Dios cuëëncëbëma bamaima.

Juan 10:36

¿Nucën Papa Diosan ënë menu uni ꞌinun ꞌë xuá ꞌaínbi caramina mitsun uisa ꞌixun, aín Bëchicë cana ꞌai qui cana Nucën Papa Dios ñui ꞌatimati banai quixun ꞌë cain?

Juan 14:10

¿ꞌËx cana Nucën Papa Diosbë ꞌain, Nucën Papa Dios ax ca ꞌëbë ꞌicë quixun caramina sinaniman? ꞌËn mi cacë bana ënëx ca ꞌënbi sinani quicë banama ꞌicën. Ax ꞌëbë ꞌixun ca Nucën Papa Diosan ax cuëëncë ñu ꞌanun ꞌë ꞌamia.

Juan 5:16

Usa ꞌain ca anun ñu mëëtima nëtëan uni pëxcucë cupí, judíos unicamax Jesús ꞌacatsi quiax ꞌësë́nancëxa.

Juan 5:18

Usaía Jesús quia cuati ami nishquin ca judíos unicaman ësaquin sináncëxa, —Usai qui ca Nucën Papa Dios ax isa aín papa ꞌicë quianan ax isa Nucën Papa Diossaribi ꞌicë quia. Usaquin sinani ca anun ñu mëëtima nëtën uni pëxcucë cupí ami nishanan, usaía quicë cupíribi ami nishquin, a ꞌacatsi quiax ꞌësë́nancëxa.

Juan 9:4

Bëánquicëbëtan ca unin ñu mëëtima ꞌicën. Usa ꞌain ca nëtën ñu mëëia. Usaribi oquin cana bamacëma pain ꞌixun ꞌën an ꞌë xuá axa quicësabi oquin ñu ꞌati ꞌain.

Hechos 14:17

Usaquin ënquinbi ca, ax ca asérabi Dios ꞌicë quixun ꞌunánun, an ꞌacësabi oquin upí oquinshi camabi menu ꞌicë unicama ꞌaquinquin, ꞌuí ꞌibúmiquin ñu ꞌapácëcamaribi canimiquin bimimia. Usoquin an ꞌimicë cupí cananuna ñu pi nux chuámarua bucuin.

Hechos 17:28

Nucën Papa Dios cupí cananuna tsotin, a cupí cananuna nitsin, a cupí cananuna ënë menu ꞌain. Mistun aintsi raírinëx ca ësai quiacëxa: “Nux cananuna diosan rëbúnqui ꞌain”.

1 Corintios 12:6

Usa ꞌain ca atúan ñu ꞌanun aín unicama bëtsi bëtsi sinan ꞌinanibi Nucën Papa Dios ax achúshi ꞌicën.

Colosenses 1:16

Nucën Papa Diosan uniomicëxun ca aín Bëchicënën naínu ꞌicë ñucama ꞌimainun menu ꞌicë ñucamaribi ꞌanan bëtsi bëtsi ñu unin aín bërúnbi iscë ꞌimainun unin iscëma ñucamaribi uniocëxa. Usonan ca ángelcama ꞌimainun uisa cushi cara, acamaribi uniocëxa, ainan ꞌaish ax cuëëncësabi oi ꞌinun.

1 Tesalonicenses 2:13

Nun Nucën Papa Dios cuëëncësabi oquin aín bana ñuixuncëxun cuaquin camina —a banax ca unínbi sináncëma ꞌicën, asérabi Nucën Papa Diosan sinánmicëxun ca nu ñuixuncania —quixun sinan. A banax asérabi ainan ꞌain camina mitsux a cuati Nucën Papa Diosnan ꞌain. Mitsux usai ꞌia ꞌunánquin cananuna nëtë́quinma a —asábi ca —quixun caquin rabin. Mitsúnmi —a banax ca asérabi ꞌicë —quixun cuatia ca Nucën Papa Diosan ainan ꞌinun mitsu ꞌimiaxa.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.