Juan 5:10 - Kashibo-Kakataibo Biblia

¹⁰ cuania isquin ca judíos unicaman ꞌinsíncë ꞌaíshbia pëxcúcë uni cacëxa: —Ënë nëtëx ca anun ñu mëëtima nëtë ꞌicën. Ënë nëtën camina anumi racácë ñu ꞌiábiantima ꞌain.

Nukën 'Ibu Diosan ain unikama 'inan ain bana

¹⁰ cuania isquin ca judíos unicaman 'insíncë 'aíshbia pëxcúcë uni cacëxa: —Ënë nëtëx ca anun ñu mëëtima nëtë 'icën. Ënë nëtën camina anumi racácë ñu 'iábiantima 'ain.

Juan 5:10 Iomraidhean Croise

Isaías 58:13

Anun ñu mëëtima nëtë ꞌikëbëtan kamina; mitsun maruti ñu marutima ꞌain: ax ka ꞌën nëtë upíira ꞌikën. Usa ꞌain ka a nëtë anun kuëënti nëtë, kakin anëkë ꞌain Nukën ꞌIbun anun rabiti nëtë ꞌain añu ñubi uinu ꞌikë unínbi ꞌatima ꞌikën; usa ꞌain kamina a nëtën mintsun sinánkësa ꞌoíshi bananan, mitsunan ꞌiti ñuishi ꞌanan mitsun ñu marutishi ꞌakantima ꞌain.

Mateo 12:10

Anu ca uni achúshi aín mëcën amo ꞌicë bamacë ꞌiacëxa. A uni isquin ca fariseo unicaman —Jesús, an ca nux quicësama oquin ꞌaia —quiax ami manáncatsi quixun sinánquin —¿anun ñu mëëtima nëtën uni ñucë pëxcuti cara asábi ꞌic? —quixun ñucácëxa.

Marcos 2:24

Bitsia isquin ca fariseo unicaman Jesús cacëxa: —Ca is, ¿uisacasquin cara min ꞌunánmicë unicaman anun ñu mëëtima nëtën usaquin ꞌatima ñu ꞌain?

Marcos 3:4

Cacëxa ucëbëtan ca Jesusan fariseo unicama cacëxa: —¿Anun ñu mëëtima nëtën cara unin ñu upí ꞌati ꞌic? ¿Cara ñu upíma ꞌati ꞌic? ¿Anun ñu mëëtima nëtën cara unin uni itsi ꞌinsíncë ꞌaquinti ꞌic? ¿Cara bamatanun isëshiti ꞌic? Quixuan cacëxbi ca quiáma ꞌicën.

Lucas 13:14

Usa ꞌaínbi ca Jesusan anu ñu mëëti nëtën xanu pëxcüan, axa anu judíos unicama timë́ti xubunu ꞌicë ꞌapu nishacëxa. Nishquin ca anu ꞌicë unicama cacëxa: —Anun ñu mëëti nëtëx ca mëcën achúshi ꞌimainun achúshi ꞌicën. Anun ñu mëëtima nëtën camina utima ꞌain, anun ñu mëëti nëtë́inshi camina pëxcucë ꞌinux uti ꞌain.

Lucas 23:56

Isbiani atun xubunu cuanxun ca anun Jesús sanu oti ro buánuxun mëníocëxa. Mëníotancëx ca Moisésnën cuënëo bana quicësabi oi, anun ñu mëëtima nëtë ꞌain, tantiacëxa.

Lucas 6:2

Usoia isquin ca fariseo raírinën atu cacëxa: —¿Uisacasquin caramina anun ñu mëëtima nëtën usaquin ꞌatima ñu ꞌain?

Juan 1:19

Usa ꞌain ca Jerusalénu ꞌicë judíos unicaman ax caraisa ui ꞌicë quixuan Juan ñucátanun, sacerdotecamacëñun levita unicama xuacëxa.

Juan 5:11

Cacëxun ca cacëxa: —An ꞌë pëxcucë uni an ca, anumi racácë min bacë́ti bibiani ca cuantan, quixun ꞌë caxa.

Juan 5:15

Usaquian Jesusan cacëxun, ax ca Jesús ꞌicë quixun sinánbiani cuanxun ca a unin judíos unicama, —Jesusan ca ꞌë pëxcüaxa —quixun cacëxa.

Juan 5:16

Usa ꞌain ca anun ñu mëëtima nëtëan uni pëxcucë cupí, judíos unicamax Jesús ꞌacatsi quiax ꞌësë́nancëxa.

Juan 7:23

¿Mitsun bëtsi nëtën ꞌacësaribi oquin anun ñu mëëtima nëtë́nribi Moisés quicësabi oquin ꞌati cupí, tuá judío ꞌicë ꞌunánti ocë ꞌaíshbi caramina uisa cupí anun ñu mëëtima nëtën ꞌën uni pëxcucëbë ꞌëmi nishin?

Juan 9:16

Quixuan cacëx ca fariseo uni raírinëx quiacëxa: —A unin ca anun ñu mëëtima nëtën ñu ꞌaia. Usa ꞌaish ca Nucën Papa Diosnuaxa ucë uni ꞌitima ꞌicën. Quiáxa quicëbë ca raíri quiacëxa: —¿An ñu ꞌatima ꞌacë unin cara ësaquin uni itsían ꞌacëma ñu ꞌati ꞌic? Usari ca bëtsi bëtsi oquin sinani atúxbi quiacëxa.