Juan 4:48 - Kashibo-Kakataibo Biblia

⁴⁸ Cacëxun ca Jesusan cacëxa: —Mitsun camina ꞌën, uni itsin ꞌacëma ñu ꞌaiashi istisa tanin. ꞌËn usa ñu ꞌacëbëtanma camina, ëx cana asérabi Nucën Papa Diosnuaxa uá a ꞌai quixun sinántisama tanin.

Nukën 'Ibu Diosan ain unikama 'inan ain bana

⁴⁸ Cacëxun ca Jesusan cacëxa: —Mitsun camina 'ën, uni itsin 'acëma ñu 'aiashi istisa tanin. 'Ën usa ñu 'acëbëtanma camina, ëx cana asérabi Nucën Papa Diosnuaxa uá a 'ai quixun sinántisama tanin.

Juan 4:48 Iomraidhean Croise

Daniel 4:2

ꞌËn kana mitsunmi Dios kamabi kushiñu an ꞌë ꞌaxunkë ñukama mitsun ꞌunánti kuëënin.

Daniel 6:27

Ax ka an uni ië́mianan upiti tsónun ꞌakinkë a ꞌikën; an ka unin iskëma ñu chaiirabu naínu ꞌanan menuribi ꞌaia. An ka Daniel paru ꞌinúankaman aín ꞌuntsisan ꞌati ꞌikëbi ië́miaxa.

Números 14:11

Usai ꞌikëbëtan ka Nukën ꞌIbun Moisés kakëxa: —¿Uínsaran ira kara ënë unikaman ꞌën ꞌakinkëxunbia ꞌën kana ꞌakinima kixun sinánkë a ënti ꞌik? ¿Uínsaran ira kara ënë unikamax ꞌën kushínbi atun ismainun bëtsi ñukama ꞌa a sinani ꞌëmi katamëti ꞌik?

Mateo 16:1

Fariseo unicama ꞌimainun saduceo unicaman ca anu cuanxun Nucën Papa Diosan cushin caraisa ñu ꞌaia iscatsi quixun, Jesús aín sinanënbi isa unían iscëma ñu naínua ꞌanun quixun cacëxa.

Mateo 24:24

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Cana ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan ainan ꞌinun caíscë unicamaribi paránti sinánuxun ꞌaia.

Mateo 27:42

—An uni raíri ië́micësaribi oi ië́tibi ca ië́tima. Ax ca Israel unicaman ꞌapu ꞌicë quixúnu nun ꞌunánun bërí i curúsocënuax ꞌibutibi ca ꞌibutíma.

Marcos 13:22

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Canan ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan unicamaribi paránti sinánuxun ꞌaia.

Lucas 10:18

Cacëxun ca Jesusan cacëxa: —Usa ca. Caná naínuax menu bënëtishi ꞌibúcësaria ñunshin ꞌatimanën ꞌapu Satanás naínuax nipacëtia cana isacën.

Lucas 16:31

Quiabi ca Abrahamnën cacëxa: Moisés ꞌimainun an Nucën Papa Dios quicë bana uni ñuixuncë unicaman cuënëo bana isquinbi cuaisama tancë ꞌixun ca anu uni bamacë ꞌicënuax cuancë unin banaribi cuaisama tanti ꞌicën.

Juan 12:37

ꞌItsa oquin Jesusan uni itsin ꞌacëma ñu ꞌaia isquinbi ca judíos unicaman ax ca asérabi Cristo ꞌicë quixun sinánma ꞌicën.

Juan 15:24

Atúan isnun ꞌën uni itsin ꞌacëma ñu ꞌacëma ꞌain ca atux usabi ꞌitsíanxa. Usa ꞌaínbi ca ꞌën ꞌacë ñucama isaxa. A cupí ca ꞌëmi nishanan ꞌën Papamiribi nishaxa.

Juan 2:18

Usaquin ꞌaia isquin ca judíos unicaman Jesús cacëxa: —¿Minmi ësoquin ꞌacë ax ca asábi ꞌicë quixúnu nun ꞌunánun caramina añu ñu nun isnun ꞌati ꞌain?

Juan 20:29

Cacëxun ca Jesusan cacëxa: —Tomás, bërí camina ꞌë baísquicë isquin, asérabi cana ꞌën Papa Diosnuax uá ꞌai quixun ꞌunanin. An ꞌë isquinmabi, asérabi cana ꞌëx a ꞌai quixun sináncë uni, a ca Nucën Papa Diosan chuámashirua tani cuëënun ꞌimia.

Juan 4:49

Cacëxun ca ꞌapun unin cacëxa: —ꞌËn bëchicë ca nëtë́tisaira ꞌicën. Nëtë́cëmaishi camina a isi cuanti ꞌain.

Hechos 14:3

Usaía ꞌicancëbë ca Pablobë Bernabé anu pain atubë ꞌiacëxa. ꞌIxun ca Nucën ꞌIbu Jesúsmi catamëti racuë́quinma a ñuiquin upí oquin bana ñuixuancëxa. Ñuixuanan ca —nu nuibaquin ca Nucën Papa Diosan ainan ꞌinun nu ië́minun aín Bëchicë xuacëxa —quixun cacëxa. Usoquin an atu ñuixuncë banax ca asérabi ꞌicë quixuan camabi unin ꞌunánun ca Nucën ꞌIbu Jesusan ꞌamicëxun uni itsin ꞌacëma ñu a rabëtan ꞌacëxa.

Hechos 15:12

Pedronën cacëx ca anu ꞌicë uni camáxbi banaima nëtë́ishiacëxa. Nëtë́ishitancëxun ca Pablonëan Bernabébëtan uisaira oquin cara judíosma unicaman aín bana cuaxa quixun ñuixuanan uisaira oquin cara Nucën Papa Diosan, aín cushínbi, atu uni itsin ꞌacëma ñu ꞌamiaxa, quixun ñuixuncëxun cuacëxa.

Hechos 2:19

ꞌËn ꞌimicëx mecama cëñúti nëtë ꞌicëma pan ꞌain cana a isia ratúti ñu naínua unicama ismiti ꞌain. Usonan cana menuaribi unin sináncëma ñu, imi ꞌimainun tsi ꞌimainun tsin cuin, acamaribi isminuxun ꞌain. ꞌImainun ca bari bëánquinuxun ꞌaia. Bari bëánquimainun ca ꞌuxë imisa ꞌinuxun ꞌaia.

Hechos 2:22

Usaquin canan ca Pedronën ësaquinribi cacëxa: —Israel unicama, ꞌën mitsu camainun ca cuat: Jesús Nazaretnu ꞌicë, an ca Nucën Papa Diosan ꞌamicëxun mitsúnmi ismainunbi, ax ca Nucën Papa Diosnuax uá ꞌicë quixuan unicaman ꞌunánun, uni itsían ꞌacëma ñuira ꞌaxa. An ꞌacë ñucama camina mitsun ꞌunan.

Hechos 2:43

Usa ꞌain ca atun ꞌaia isía, a ëmanu ꞌicë unicamax ratúmainun aín bana ñuixunuan Jesucristonën caíscë unicaman uni itsin ꞌacëma ñu ꞌacëxa.

Hechos 4:30

ꞌAquianan camina min Bëchicë upíira sinánñu, Jesús, aín cushin, uni ꞌinsíncë pëxcüanan uni itsin ꞌacëma ñu ꞌanun nu ꞌamiti ꞌain.

Hechos 5:12

Usa ꞌain ca Jerusalénu ꞌicë unicaman, ax ca atubë ꞌicë quixun ꞌunánun Nucën Papa Diosan ꞌamicëxun, Jesusan caíscë unicaman uni itsin ꞌacëma ñu ꞌacëxa. Usocëbë ca axa Jesúsmi catamëcë unicamax Salomón cacë anun uni nicë, anubi ꞌi anuxun Nucën Papa Dios rabiti xubunu camabi nëtën timë́acëxa.

Hechos 6:8

Esteban axa upí sinan ꞌianan Nucën Papa Diosmi cushicë uni an ca, an ꞌamicëxun uni itsin ꞌacëma ñu ꞌacëxa.

Hechos 7:36

Xucëxun ca Egiptonu cuanxun Moisésnën Israel unicama anua buáncëxa. Buánquin ca Egiptonuxun ꞌanan, parúnpapa Xonsa anuxun ꞌanun, cuarenta baritian anu uni ꞌicëma menuxunribi Nucën Papa Diosan ꞌamicëxun uni itsin ꞌacëma ñu ꞌacëxa.

Romanos 15:19

Aín Bëru Ñunshin Upía ꞌëbë ꞌain usaquin ꞌanan cana Jerusalénuxun ꞌatancëxun anuaxbi cuanquin bëtsi bëtsi me ꞌabiani cuantancëx cuainacëtancëx Ilírico cacë me, anu bëbaquin, camabi menu ꞌicë unicama Cristo ñuiquin bana ñuixunquin sënë́on.

1 Corintios 1:22

Judíos unicaman ca, nun cananuna asérabi Nucën Papa Diosan cushínbi ñu ꞌai quixun ꞌunántisa tanquin unin ꞌacëma ñunu ꞌaia istisa tania. Usai atux ꞌimainun ca griego banan banacë unicaman unían ꞌunáncë ñu camabi ꞌunántisa tania.

2 Corintios 12:12

Mitsubë ꞌixun cana tëmëraquinbi tanshiquin, Cristo ñuiquin bana ñuixuanan, uni itsin ꞌacëma ñu ꞌacën. ꞌËn ꞌaia isquin camina, ꞌëx cana asérabi Nucën Papa Diosan aín bana ñuixunun caíscë ꞌai quixun ꞌunancën.

2 Tesalonicenses 2:9

Cëmëi paránanti ꞌunáinra uni ax ca ñunshin ꞌatimanën ꞌapu, Satanás, an ꞌimicëx aín cushibë uti ꞌicën. Uquin ca cushiira ꞌixun unían ꞌacëma ñu ꞌitsaira aín cushínbi ꞌaquin uni paránti ꞌicën.

Hebreos 2:4

A unicama ca Nucën Papa Diosan uni itsin ꞌacëma ñu ꞌanun ꞌamiacëxa, an aín bana ñuixunia cuacë unicaman, asérabi ca aín bana ꞌicë quixun ꞌunánun. ꞌImianan ca atu bëtsi bëtsi ñua ꞌanun aín Bëru Ñunshin Upí ꞌináncëxa, ax cuëëncësabi oquin.