Juan 4:41 - Kashibo-Kakataibo Biblia

⁴¹ ꞌIxúan, bana ñuia cuati ca samaritano ꞌitsáxira —asérabi ca ax Nucën Papa Diosnuax ucë ꞌicë —quixun ꞌunani ami sináncëxa.

Nukën 'Ibu Diosan ain unikama 'inan ain bana

⁴¹ 'Ixúan, bana ñuia cuati ca samaritano 'itsáxira —asérabi ca ax Nucën Papa Diosnuax ucë 'icë —quixun 'unani ami sináncëxa.

Juan 4:41 Iomraidhean Croise

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

Lucas 4:32

An xuá ꞌixun ca Jesusan Nucën Papa Diosan cushínbi bana ñuixuancëxa. Usai banaia cuati ca anu ꞌicë unicamax ratuti —usa bana cuacëma cananuna ꞌai —quiax quiacëxa.

Juan 4:40

Ami sinánquin a isi cuanxun ca Jesús cacëxa: —Nubë pain camina ꞌi cuanti ꞌain. Cacëx cuanx ca atubë rabë́ nëtën ꞌiacëxa.

Juan 4:42

Usai ꞌiquin ca a unicaman a xanu cacëxa: —Minmi nu cacëxun cuaxunbi cananuna bërí nunbi aín bana cuaquin ꞌunanin, asérabi ca ax Cristo, an camabi menu ꞌicë uni Nucën Papa Diosnan ꞌinun ië́miti, a ꞌicë quixun.

Juan 6:63

ꞌËx ënë menu ꞌaish uni ꞌicë cupíshima ꞌëx bamatancëx baísquiti cupí camina ainan ꞌaish xënibua ꞌaínbi Nucën Papa Diosbë ꞌiti ꞌain. ꞌËn a ñuiquin mitsu cacë ñucama ax ca anúnmi ꞌëmi catamëti ꞌën sinánsaribi ꞌaish xënibua ꞌaínbi Nucën Papa Diosbë ꞌiti, a ꞌicën.

Juan 7:46

Quixuan cacëxun ca suntárucaman cacëxa: —Axa ënë uni banacësari banacë uni ca ꞌaíma ꞌicën.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 15:3

Xuquian Antioquíanu ꞌicë unicaman —bërúanx ca cuantan —quixun cacëx cuani Fenicia me ꞌabiani cuanan Samaria me ꞌabiani cuanquin ca —judíosma unicamaxribi ca sinanati Jesucristomi catamëaxa —quixun ñuixuancëxa. Usaquian ñuia cuati ca Fenicia ꞌimainun Samarianu ꞌicë axa Jesucristomi catamëcë unicamax cuëë́inra cuëë́ancëxa.

Hechos 8:12

Usa ꞌaínbi ca Felipenën —Jesucristomi catamëti ca uni Nucën Papa Diosnan ꞌiti ꞌicë —quixun ñuixuncëxun cuati —a banax ca asérabi ꞌicë —quixun sinani ꞌitsa uni ꞌimainun ꞌitsa xanuribi nashimicë ꞌiacëxa.

Hechos 8:25

Usa ꞌain ca Pedrobëtan Juanën usai ca Jesús ꞌiaxa quixun caquin an cacë banacama ꞌitsa uni ñuixuancëxa. Usotancëxun, Samaria menu ꞌicë ëmacamanuxun —Jesucristomi catamëti ca uni Nucën ꞌIbu Diosnan ꞌiti ꞌicë —quixun ñuixuntancëx ca Jerusalénu cuantëcëancëxa.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.