Juan 4:34 - Kashibo-Kakataibo Biblia

³⁴ Canania isquin ca Jesusan cacëxa: —An ënë menu ꞌë xuá axa cuëëncësabi oquin ꞌanan an a ꞌanun ꞌë ca, a sënë́onuxun ꞌai cana ꞌëx picësa ꞌain. Usaquin ꞌën ꞌacëx ca ax ꞌën piti ñusa ꞌicën.

Nukën 'Ibu Diosan ain unikama 'inan ain bana

³⁴ Canania isquin ca Jesusan cacëxa: —An ënë menu 'ë xuá axa cuëëncësabi oquin 'anan an a 'anun 'ë ca, a sënë́onuxun 'ai cana 'ëx picësa 'ain. Usaquin 'ën 'acëx ca ax 'ën piti ñusa 'icën.

Juan 4:34 Iomraidhean Croise

Salmos 40:8

ꞌËn ꞌIbu Dios ꞌëx kana mix kikësabiokin ꞌai ꞌitsaira kuëënin; ¡usa ꞌain kana min ꞌunánmikë banakama manukinma ꞌën nuitunënbi sinanin!

Mateo 26:39

Cabiani ꞌurira cuani memi bëúmpucuti racábuquin ca aín Papa Dios cacëxa: —Papan, mix cuëëncëbëtan cana ꞌën bërí paë tantima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

Mateo 3:15

Cacëxunbi ca Jesusan cacëxa: —Uisai cara Nucën Papa Dios quia, usai cananuna ꞌiti ꞌain. Usa ꞌain camina min ꞌë bërí nashimiti ꞌain. Cacëxun ca Juanën —cana mi ꞌati ꞌain —quixun caxun Jesús nashimiacëxa.

Mateo 9:19

Cacëx niruia abë cuancëbë ca aín ꞌunánmicë unicamaxribi Jesúsbë cuancëxa.

Lucas 15:10

ꞌËn cana mitsu cain, usaribiti ca achúshi uníxa ꞌaisama ꞌaíshbi sinanati Nucën Papa Diosmi sináncëbë aín ángelcamax cuëënia.

Lucas 19:10

ꞌUchañu unicama ainanma ꞌicëbi aín ꞌucha tërë́ncë ꞌianan ainan ꞌinun ië́minux, cana Nucën Papa Diosnuax uni ꞌinux uacën.

Lucas 2:49

Cacëxunbi ca Jesusan cacëxa: —¿Uisa cupí caina ꞌë barian? ¿ꞌËn Papa quicësabi oquin ꞌën ñu ꞌati caramina ꞌunaniman?

Juan 17:4

Mi ñuiquin unicama ñuixuanan cana minmi a ꞌanun quixun ënë menu ꞌë xuá ñucamaribi ꞌaquin sënë́on, minmi ꞌë cacësabi oquin.

Juan 19:28

Usa ꞌain ca Jesus, ꞌën ꞌati ñucama cana cëñua quixun ꞌunani Nucën Papa Diosan bana cuënëo quicësabi oi, —cana shimain —quiacëxa.

Juan 19:30

ꞌAmicëx ca Jesús vino cachacë ꞌatancëx, —ꞌën ꞌati ñu cana cëñuan —qui tëtúbutishi bamacëxa.

Juan 4:32

Cacëxunbi ca Jesusan cacëxa: —Mitsun ꞌunáncëma pitiñu cana ꞌëx ꞌain.

Juan 5:30

Ësaquinribi ca Jesusan cacëxa: —ꞌËn cana ꞌënbi sinánquin ñu ꞌaiman. ꞌËn Papan ꞌë cacësabi oquin cana ꞌën, cara castícancë ꞌiti ꞌicën, cara castícancë ꞌitima ꞌicë quixun uni cain. ꞌËx cuëëncësoquin ꞌaquinma cana an ꞌë xuá, axa cuëëncësabi oquin ñu ꞌain. Usa ꞌain ca ꞌën uni cacë banax asábi ꞌicën.

Juan 5:36

Juanëan ꞌë ñuiquin mitsu cacë ꞌixun camina an cacësabi oquin ꞌën ꞌaia isquin upí oquin ꞌunánti ꞌain, Nucën Papa Diosan ca ꞌë xuacëxa quixun.

Juan 6:33

Nucën Papa Diosan uni ꞌinan piti ax ca axa naínuax uá ꞌë ꞌicën. Usa ꞌaish cana ꞌëx an ainan ꞌaísha Nucën Papa Diosbë ꞌinun ënë nëtënu ꞌicë unicama ꞌimiti a ꞌain.

Juan 8:29

An ꞌë xuá ax ca ꞌëbë ꞌicën. ꞌËn axa cuëëncësabi oquin ꞌacë ꞌicë ca an ꞌëxbi ꞌinun ꞌë ëncëma ꞌicën.

Hechos 20:35

Usaquin ñu mëëcë ꞌixun cana mitsu ꞌunánmia, mitsúnribimi usoquin ꞌanun, ñuñuma uni ñu ꞌinánuxun. Usaquin ꞌati sinani ca Nucën ꞌIbu Jesús ësai quiacëxa: “A unin ñu ꞌináncë uni ax cuëëncësamaira oi ca an uni ñu ꞌináncë uni ax cuëënia”. A bana camina manuquinma sinánti ꞌain.

Hebreos 12:2

Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.