Juan 4:10 - Kashibo-Kakataibo Biblia

¹⁰ Cacëxun ca Jesusan cacëxa: —Ën mi ꞌunpax ñucácë ꞌaínbi camina ui carana ꞌai quixun ꞌë ꞌunaniman. ꞌË ꞌunánan añu cara Nucën Papa Diosan mi ꞌinánti ꞌicë quixun ꞌunáncë ꞌixun camina ꞌë ñucátsian. Ñucácëxun cana anúnmi nëtë́timoi Nucën Papa Diosnan ꞌiti ꞌunpax mi ꞌinántsian.

Nukën 'Ibu Diosan ain unikama 'inan ain bana

¹⁰ Cacëxun ca Jesusan cacëxa: —Ën mi 'unpax ñucácë 'aínbi camina ui carana 'ai quixun 'ë 'unaniman. 'Ë 'unánan añu cara Nucën Papa Diosan mi 'inánti 'icë quixun 'unáncë 'ixun camina 'ë ñucátsian. Ñucácëxun cana anúnmi nëtë́timoi Nucën Papa Diosnan 'iti 'unpax mi 'inántsian.

Juan 4:10 Iomraidhean Croise

Salmos 46:4

Achúshi baka xobutia aín panakakama ꞌikësa usaribiti ka anua ꞌikë Diosan ëma Jerusalén kakë ax ëmakamasama upíira ꞌikën.

Éxodo 17:6

ꞌËn kana Horeb kakë bashi anuxun mi kaini kuanti ꞌain, usa ꞌain kamina anu bëbakin min tsatin mapara taxkai kuanti ꞌain. Taxkakëbëshi ka anuax ꞌumpax chikiti shakibutia ka unikaman xëati ꞌikën. Usakian kakëx kuanxun ka Moisésnën abëa kuankë Israel ain kushikaman ismainunbi aín tsatin mapara taxkakëxa,

Isaías 35:6

ꞌimainun ka uni ꞌain niti bëtsikë akamax chaxu abati ꞌikësai churunti ꞌikën, ꞌimainun ka banakëma unixi munuma banati ꞌikën. ꞌIanan ka anu uni ꞌikëma me ëskikë anuax kushiira ꞌinun ꞌumpax ꞌitsaira ax bënëtishi shióbuti chikiti ꞌikën.

Isaías 42:6

“ꞌËx min ꞌIbu ꞌixun kana ꞌën unimi ꞌinun mi kuëankën, ꞌimainun kana ꞌën mëkënan tuinkësa ꞌixun mi ꞌakinkëxmi, a banamiti ñusa ꞌixunmi, min uni ië́minun mi ꞌimiti ꞌain; ꞌën kana mi uniokën, usa ꞌixun kamina min, ꞌën ꞌa ñukama ñuikin ꞌën unikama kati ꞌain, an ka min tirítan pëkakësa ꞌixun bëtsi menu tsókë unikama asérabi ënkinma upíokin ñu ꞌanun ꞌunánmiti ꞌikën.

Isaías 43:20

Usakin ꞌaia ka ñuina raëkëma, an ñuina bamakë ꞌain nami pikë ñuina chabu a ꞌimainun, ñuina pëchiñu avestrus kakë akamanribi ꞌë rabiti ꞌikën, usa ꞌain kana ꞌën anu uni ꞌikëma menu ꞌumpax kushiira chikiti manámi ki ꞌinun ꞌimin, ꞌimianan kana me anu ñu ꞌirukëmanu bakakama ꞌimin, ꞌimia ka ꞌën kaískë unikaman a ꞌumpax xëati ꞌikën,

Isaías 44:3

ꞌën kana anu uni ꞌikëma menua ꞌumpax ꞌinun ꞌimiti ꞌain, ꞌimianan kana me ëskikë anuribia xëxákama rakanu ꞌimiti ꞌain. ꞌËn kana min rëbúnkikama amiribishi upiti tsókanun ꞌimianan, upíokin sinánxunkin ꞌakinti ꞌain.

Isaías 49:10

Usakin ꞌai kamina mitsun piti ñu ꞌitsaira ꞌianan a shimakin xëati ꞌumpax upíñu ꞌiti ꞌain, ꞌianan kamina barin xarokëxun tani masátima ꞌain, ꞌën kana nuibakin bërúain usa ꞌain, usa ꞌain kana ꞌumpax upíbu manámi ki chikíkë anu buánti ꞌain.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Jeremías 2:13

ꞌËn unikama ka ꞌiásamaira ꞌinun chaiira ꞌuchaxa: Usai ꞌikin ka ꞌën bana kikësama oi ꞌikin ꞌë manukankëxa, anua ꞌumpax ꞌikë nëminra usaribi ꞌixun na tsónun ꞌakinkëxunbi ꞌë manúakëxa, usakin ꞌë manuika anua ꞌumpax biti nëminra ꞌumpaxñuma ꞌinun ëskikë usai atux ꞌiakëxa.

Lucas 11:13

Mitsux ꞌatima uni ꞌixunbi camina mitsun bëchicë upí ñu ꞌinanin. Mitsúnmi ꞌacësamaira oquin ca Nucën Papa Dios naínu ꞌicë, an a ñucácë uni aín Bëru Ñunshin Upí abëa ꞌinun ꞌinánti ꞌicën.

Juan 16:3

Uisa nëtë́nbi Nucën Papa Dios ꞌimainun ꞌëribi ꞌunáncëma ꞌixun ca usoquin mitsu ꞌati ꞌicën.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

Juan 6:35

Cacëxun ca Jesusan atu cacëxa: —ꞌËx cana anúan uni asérabi upiti tsóti a ꞌain. Panánxun piisa tanan shimaxun ꞌunpax ꞌaisa tania uni bënë́cë, usaribitia ax Nucën Papa Diosbë upí ꞌiisa tani bënë́cë uni, ax ca ꞌëmi catamëti amiribishi bënë́tëcëntima ꞌicën.

Juan 6:51

ꞌËx cana naínuax uá ꞌaish anúan uni Nucën Papa Diosbë ꞌiti a ꞌain. Usa ꞌain ca axa ꞌëmi catamëcë uni ax ainan ꞌaish xënibua ꞌaínbi Nucën Papa Diosbë ꞌia. Uníxa ainan ꞌaish xënibua ꞌaínbi Nucën Papa Diosbë ꞌinun cana ꞌëx bamatsianxmabi bamati ꞌain.

Hechos 9:11

Cacëxun ca Nucën ꞌIbu Jesusan cacëxa: —Niruquiani camina bai, Tëntúñuma caquin anëcë, anu cuanti ꞌain. Cuanxun camina Judasnën xubunu cuanquin anu ꞌicë uni ñucáti ꞌain, Tarsonu ꞌicë uni Saulo cacë ax cara ënu ꞌicë quixun. Anuax ca Saulo Nucën Papa Diosbë banaia.

Romanos 8:32

An ca —ꞌën Bëchicë ca bamatima ꞌicë —quiquinma nun ꞌuchacama cupía bamanun ënë nëtënu aín Bëchicë xuacëxa. Usa ꞌixun ca aín Bëchicë cupínu nux upitax tsónun nu ꞌimianan anun nu upitax tsóti ñucamaribi nu ꞌinánti ꞌicën.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

1 Corintios 10:4

Xaxunuaxa chiquícë ꞌunpáxsaribi ꞌixun ca Cristonën abë cuanquin atu cushiocëxa. Usa ꞌain ca anuaxa ꞌunpax chiquícë xaxusa Cristo ꞌiacëxa.

2 Corintios 9:15

¿Nucën Papa Diosan aín Bëchicë achúshi nu ië́minuxa bamanun xuá, a sinani caranuna uisairai quiti ꞌain? A sinánquin cananuna cuëënquin —asábi ca —caquin ꞌitsaira rabin.

Efesios 2:8

Nuibaquin ca asérabi cuëënquin mitsúxmi Cristomi catamëti cupíshi mitsu ainan ꞌinun ië́miaxa. Mitsúnmi ñu upí ꞌacë cupíma ca Jesucristo bama cupíshi Nucën Papa Diosan ax cuëënquinshi mitsu ainan ꞌinun ië́miaxa.

Hebreos 6:4

Ui unicamax cara Jesucristomi catamëcë ꞌixun, ax ca abë ꞌicë quixun ꞌunáncë, ꞌianan Nucën Papa Diosan Bëru Ñunshin Upitan aín nuitu mëu sinánmicë ꞌianan,

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.

Apocalipsis 21:6

Caxun ca ꞌë caxa: —Anuishi sënë́nquin cana ꞌan. ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Shimaia uni ꞌunpax ꞌacatsi bënë́cësa, usaribitia ꞌënan ꞌiisa tani bënëtia, cana ꞌënan ꞌaísha ꞌën Bëru Ñunshin Upíñu ꞌinun, cupí ñuixunquinma, ꞌimiti ꞌain.

Apocalipsis 22:17

Usoquin caia ca Carnero ꞌicësaribitia unin ꞌucha cupí bama, Cristo, amia ax catamëcë unicamabëtan Nucën Papa Diosan Bëru Ñunshin Upitan —bënëtishi ca ut —quixun a caia. An atun bana cuacë unicamanribi ca —bënëtishi ca utëcën —quixun a cati ꞌicën. Shimaia uni ꞌunpax ꞌacatsi bënë́cësa usaribitia ax Jesuscristonan ꞌicatsi bënë́cë uni, an ca ami catamëquin Jesucristo —ëx cana minan ꞌiisa tani —quixun cati ꞌicën. Usaía ꞌia ca Cristonën ainan ꞌimianan xënibua ꞌaínbi abë ꞌinun ꞌimiti ꞌicën, cupímashi.