Juan 3:29 - Kashibo-Kakataibo Biblia

²⁹ Ësa ca. Ainan ꞌinúan unin bicëx ca xanu ainan ꞌia. Ainan ꞌiti xanu bitsia uni cuëëni banaia cuati ca axa abë nicë uníxribi cuëënia. Usaribiti cana ꞌëx —unicaman ca Jesusan bana cuatia —quixunmi mitsun ꞌë cacëxun cuati chuámarua tani cuëënin.

Nukën 'Ibu Diosan ain unikama 'inan ain bana

²⁹ Ësa ca. Ainan 'inúan unin bicëx ca xanu ainan 'ia. Ainan 'iti xanu bitsia uni cuëëni banaia cuati ca axa abë nicë uníxribi cuëënia. Usaribiti cana 'ëx —unicaman ca Jesusan bana cuatia —quixunmi mitsun 'ë cacëxun cuati chuámarua tani cuëënin.

Juan 3:29 Iomraidhean Croise

Isaías 54:5

ꞌianan ka an mi unio an aín xanusa ꞌikë mi biti ꞌikën. Aín anëx ka Nukën ꞌIbu kamabi kushiñuira ꞌikën; ax ka an mi bitëkënti Israel unikaman Dios upíira a ꞌikën, ꞌianan ka Dios kamabi me an unio a ꞌikën.

Jeremías 2:2

Anu kuanxun kamina Jerusalén ëmanua ꞌikë unikama; munuma kuëníshkin upíokian kuanun kati ꞌain: ¡Ësakin mitsu kanun ka Nukën ꞌIbu kiaxa! ꞌËn kana bëná pain ꞌixunmi ꞌën kakësabiokin ꞌá a sinanin, usa ꞌixun kamina an biti unían mëratiokëxun xanun nuikësa ꞌinun mitsun ꞌë nuibakën, ꞌimainun kamina anu uni ꞌikëma me anu ñu ꞌapátisama anuxunbi ꞌë ꞌakiankën.

Oseas 2:19

ꞌËn kana Israel unikama ꞌën xanusa xënibua ꞌaínbi ꞌinun ꞌimiti ꞌain, usokëx ka asérabi a tanti bana unin ka xanu biti ꞌikë ꞌëx kia usaibi ꞌiti ꞌikën, ꞌën kana a ꞌitsaira nuibatin.

Mateo 22:2

—Nucën Papa Diosnan ꞌiti ax ca ësa ꞌicën. Achúshi ꞌapun ca aín bëchicë xanu ꞌinánuxun an ñu mëëmicë uni piti ꞌamiquin aín aintsicamaxa pi unun quixun camiti sinánxa.

Mateo 25:1

Aín ꞌunánmicë unicama bana ñuixunquin ca Jesusan aín uti nëtë ñuiquin ësaquinribi cacëxa: —ꞌËx anun ꞌën unicaman ꞌapu ꞌinux uti nëtë ca ësa ꞌiti ꞌicën: Achúshi unían xanu biti ꞌain ca an axa bënuti xanu nuibacë mëcën rabë́ xanucamax, an xanu biti uni ax aia bitsi, lamparín bibiani cuanxa.

Mateo 9:15

Cacëxun ca Jesusan cacëxa: —¿An biti xanua unin bicëma pan ꞌain cara axa abë nuibanancë unicama ax a unibë ꞌaish masá nuituti ꞌic? Ca masá nuitutima ꞌicën. Ca ësa ꞌicën: An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pima. Usaribiquin ca ꞌën ꞌunánmicë unicama ꞌëbë ꞌixun masá nuituti samáquinma piia. Unían ꞌë bicëxun ꞌën ëbiancëxun cuni ca masá nuituquin pitima ꞌicën.

Lucas 15:6

ꞌIábëtsini xubunu bëbaquin ca an nuibacë unicama ꞌimainun axa a rapasu ꞌicë unicama timëtancëxun cati ꞌicën: ꞌËn carnero nëtë́cë cana mëran. Usa ꞌain cananuna cuëënti ꞌain.

Juan 15:11

ꞌËx ꞌicësaribitimi mitsúxribi chuámarua tani cuëëni bucucanun cana ënë banacama ñuixunquin mitsu cain.

Juan 16:24

ꞌËnan ꞌixunbi camina ꞌëx quicësabi oquin añu ñubi Nucën Papa Dios ñucácancëma pain ꞌain. Ca ñucát. Ñucácëxun ca cuëëinra cuëënun an mitsu ꞌaxunti ꞌicën.

Juan 17:13

Bërí cana anu mi ꞌicë anu cuanin. Ënë nëtënuax cuancëma pan ꞌixun cana atu ꞌëx ꞌicësaribitia chuámarua tani cuëënun atun cuamainun mi ñucáxunin.

Juan 3:30

Usa ꞌain ca Nucën Papa Diosan usai ca ꞌiti ꞌicë quixun ñuiasabi oi, axira ꞌësama cushiira ꞌain camabi unix ꞌë ëanan anuishi cuanti ꞌicën.

2 Corintios 11:2

Cristonainshi ꞌinun cana mitsu aín bana ñuixuan. Usa ꞌixun cana xanúxa bëtsi unin bana cuatima aín bënën banaishi cuati ami sináncësaribi oi, mitsux bëtsi bana quicësa oíma Cristo quicësabi oíshi ꞌiti cupí, mitsu cain, Nucën Papa Diosan ꞌë sinánmicëxun.

Filipenses 2:2

camina ꞌë cuëënminux ësai ꞌiti ꞌain, bëtsin sináncësaribi oquin sinani asérabi camáxbi bëtsibë nuibananquin amanua sinánquinma achúshi oquinshi sinani ꞌiti ꞌain.

1 Juan 1:4

Upí oquin sinanimi chuámaishirua tani cuëënun cananuna ënë banacama ësoquin mitsu cuënëoxunin.

2 Juan 1:12

ꞌËn mitsu a ñuiquin cati ñu ca ꞌitsa ꞌicën. ꞌAínbi cana tintan quiricanu cuënëoquin a ñucama mitsu ñuixuniman. Usa ꞌain cana mitsu isi cuanti sinanin. Cuanxun cuni cana mitsu ꞌën cuëbitanbi ñuixunquin cati ꞌain. Usa ꞌain cananuna camáxbi isánani, cánani chuámarua tani cuëënti ꞌain.

Apocalipsis 21:9

Usai quicëbëtan ca mëcën achúshi ꞌimainun rabë́ ángelcama anun ënë menu ꞌicë unicama ashiquin tëmëramiti ñua aín xanpanu ꞌicë, acama achúshinën ësaquin ꞌë caxa: —Ca ut. Carnero ꞌicësaribitia unin ꞌucha cupí bama, an abëa ꞌinun binuxun cacë aín unicama a cana mi ismiti ꞌain.