Juan 3:21 - Kashibo-Kakataibo Biblia

²¹ Usa ꞌaínbi ca an Nucën Papa Dios cuëëncësabi oquin ꞌacë uni, an ꞌaia isquian —an ca Nucën Papa Diosan ꞌaquincëxun ñu ꞌaia —quixun unin ꞌunánun xabánuxun ñu ꞌaia.

Nukën 'Ibu Diosan ain unikama 'inan ain bana

²¹ Usa 'aínbi ca an Nucën Papa Dios cuëëncësabi oquin 'acë uni, an 'aia isquian —an ca Nucën Papa Diosan 'aquincëxun ñu 'aia —quixun unin 'unánun xabánuxun ñu 'aia.

Juan 3:21 Iomraidhean Croise

Salmos 119:105

Min banax ka achúshi tirítan anun ꞌëx niti a pëkakë usa ꞌikën, ꞌianan ka tirítan anu nankëxun ꞌën bai pëkakë usa ꞌikën.

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Oseas 14:8

Usa ꞌain ka Israel unikama kiti ꞌikën: ¿Uisati karana a rabinuxun ꞌakë ñukama ꞌën kuëënti ꞌain? ¡ꞌËx kana an ꞌën unikama ꞌakianan bërúankë ꞌain! ꞌËx kana pino kakë ꞌi paxaira ꞌain pëchi usaribi ꞌain, usa ꞌain ka atux ꞌën ꞌakinkëx upiti tsóti ꞌikën, kiax ka Dios kiakëxa.

Juan 1:47

Cabianquin buáncëxa Natanael aia isi ca Jesús quiacëxa: —U unix ca asérabi Israel uni upí ꞌicën, uni paráncëma ca ux ꞌicën.

Juan 3:20

An ñu ꞌatima ꞌacë unicaman ca an ꞌaia unin isti rabanan xabánuxun ꞌati cuëënquinma bëánquibucënuxun ñu ꞌaia.

Juan 5:39

Uisari caramina ainan ꞌaish xënibua ꞌaínbi abë ꞌiti ꞌai quixun ꞌunánuxun camina Nucën Papa Diosan bana cuënëo upí oquin isin. Usa ꞌaínbi ca a bana ꞌë ñuia quicë ꞌicën.

Juan 7:17

Uinu ꞌicë unin cara Nucën Papa Dios cuëënun ñu ꞌaisa tania, an ca ꞌën carana Nucën Papa Diosan ꞌë sinánmicë bana ñuin, carana ꞌënbi sináncë bana ñui quixun ꞌunánti ꞌicën.

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.

Gálatas 6:8

Usaribiti ca axa aín ꞌuchacama ënima aín cuëëncësa oíshi ꞌicë uni ax ainanma ꞌaish xënibua ꞌaínbi Nucën Papa Diosbë ꞌíma. Usa ꞌaínbi ca an aín Bëru Ñunshin Upitan sinánmicëxun sinánquin ñu upí ꞌacë uni ax Nucën Papa Diosnan ꞌaish xënibua ꞌaínbi abë ꞌia.

Efesios 5:9

Nucën ꞌIbu Jesucristonan ꞌaish ca uni upí sinánñu ꞌianan asérabi banáinshi bananan ñu upíshi ꞌaia. Usaribi camina mitsux ꞌiti ꞌain.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Filipenses 2:13

Nucën Papa Diosanbi ca ñu upí ꞌaími ax cuëëncësabi oi ꞌinun mitsu sinánmia. Sinánmianan ca a ꞌatimi sináncë ñu a ꞌanun mitsu aín cushi ꞌinania.

Colosenses 1:29

Usaía aín unicama ꞌinun quixun cana Cristonën ꞌë cushiocëxun ënquinma aín bana ñuixunin.

Hebreos 13:21

anbia an iscë́xmi upí ꞌinun ꞌimianan ax cuëëncësabi oquinmi upí ñuishi ꞌanun mitsu ꞌimiti cana cuëënin. ꞌIanan cana an, Jesucristo cupí, ax cuëëncësabi oquin nu ꞌimiti cuëënin. A ca aín unicaman xënibua ꞌaínbi ënquinma rabiti ꞌicën. Usaquin ca ꞌati ꞌicën.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Juan 1:6

Ñu ꞌaisama ꞌaíbi —ainan ꞌaish cana Nucën Papa Diosbë upí ꞌai —qui cananuna cëmëin. Ainan cana ꞌai quicë ꞌixunbi ax quicësabi oquin ꞌaquinma ñu ꞌatima ꞌai cananuna cëmëin.

3 Juan 1:11

ꞌËn nuibacë xucë́n, an ñu ꞌatima ꞌacë unían ꞌacësa oquin ꞌaquinma camina an ñu upí ꞌacë unían ꞌacësa oquinshi ñu ꞌati ꞌain. An ñu upí ꞌacë uni ax ca Nucën Papa Diosnan ꞌicën. Usa ꞌaínbi ca an ñu ꞌatima ꞌacë uni an ainanma ꞌixun Nucën Papa Dios ꞌunáncëma ꞌicën.

Apocalipsis 3:15

ꞌËn cana usaími mitsux ꞌicë acama ꞌunanin. Usa ꞌixun cana ꞌën ꞌunanin, mitsúnmi upí oquin sinánxun ax cuëëncësabi oquinra Nucën Papa Dios ꞌaxuniama. Usa ꞌixun camina mitsun sinanin, mitsúxbi usai ꞌia isquin sapi isa Nucën Papa Diosan upí oquin sinania quixun. Usa ꞌaish camina mitsux an Nucën Papa Diosan bana cuacë unicama ꞌicësai ꞌiman. Usa ꞌaish camina a Nucën Papa Diosan bana cuacëma unicama ꞌicësairibi ꞌiman. Usa ꞌain cana cuëënin, mitsux an asérabiira Nucën Papa Diosan bana cuacë ꞌiti. Usai ꞌicëma ꞌixun, mitsun ꞌaisama ñu ꞌacë ꞌixun, —ꞌaisama ñu ꞌacë cupí cana ainanma ꞌai —quixun ꞌunáncë ꞌiti cana cuëënin.