Juan 3:12 - Kashibo-Kakataibo Biblia

¹² ¿Ënë menu ꞌicë ñu ꞌën ñuia cuaquinma caramina uisaxun ꞌën naínu ꞌicë ñu ñuia cuati ꞌain?

Nukën 'Ibu Diosan ain unikama 'inan ain bana

¹² ¿Ënë menu 'icë ñu 'ën ñuia cuaquinma caramina uisaxun 'ën naínu 'icë ñu ñuia cuati 'ain?

Juan 3:12 Iomraidhean Croise

Juan 3:11

Asérabi cana mi cain, nun ꞌunáncë ñu ñuianan nun iscë ñuribi ñui cananuna nux quin. Quiabi camina nun bana ca asérabi ꞌicë quixun sinaniman.

Juan 3:3

Cacëxun ca Jesusan cacëxa: —Asérabi cana ꞌën mi cain, axa aín cushin bacë́ntëcëncëma uni ax ca Nucën Papa Diosnan ꞌitima ꞌicën.

Juan 3:5

Nicodemonën cacëxun ca Jesusan cacëxa: —Usama ca. Asérabi cana ꞌën mi cain, ꞌunpax ꞌimainun Nucën Papa Diosan Bëru Ñunshin Upitan bacë́ntëcëncëma uni ax ca Nucën Papa Diosnan ꞌitima ꞌicën.

Juan 3:8

Uinuax cara suñu bëëqui banaquiania camina cuatin, ꞌixunbi camina isima, uinuax cara a suñu aia, uinu cara cuania quixun. An ñu shaícaianu suñu iscëma usaribi oquin cananuna Nucën Papa Diosan Bëru Ñunshin Upitan uni bacëntëcënmia isiman.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

Hebreos 5:11

Usa ꞌaínu mitsu ënë banacama ñuixuinsa tancëxunbi camina mitsun asérabi upí oquin a bana cuaisama tanin.

1 Juan 4:10

Ami sináncëxunmabi unicama nuibaquin ca Nucën Papa Diosan, a cupí unin ꞌuchacama tërë́ncë ꞌinuan ënë menuax bamanun aín Bëchicë xuacëxa. Usoquin xuá ꞌain cananuna ꞌunanin, usaira oquin ca Nucën Papa Diosan unicama nuibatia quixun.