Juan 21:7 - Kashibo-Kakataibo Biblia

⁷ Usocëbëtan ca aín ꞌunánmicë uni achúshi, aira nuibacë, an —ax ca Nucën ꞌIbu ꞌicë —quixun Pedro cacëxa. Cacëxuinshi pëxúan nancë aín chupa bixun pañutancëx ca Pedro nuntinuax bacanu ꞌibúquiani Jesúsnu cuancëxa.

Nukën 'Ibu Diosan ain unikama 'inan ain bana

⁷ Usocëbëtan ca aín 'unánmicë uni achúshi, aira nuibacë, an —ax ca Nucën 'Ibu 'icë —quixun Pedro cacëxa. Cacëxuinshi pëxúan nancë aín chupa bixun pañutancëx ca Pedro nuntinuax bacanu 'ibúquiani Jesúsnu cuancëxa.

Juan 21:7 Iomraidhean Croise

Salmos 118:23

Ësakin ka Nukën ꞌIbun ꞌaxa, usa ꞌain kananuna nun iskëma ñu ꞌaia isan.

Marcos 11:3

Mitsúnmi tubuia isquian bëtsi unin: ¿Uisoti caramina tubuin? —cacëxun camina cati ꞌain: Nucën ꞌIbun ca ënë a buánxunun quixun nu caxa. Bëríbi ca bëmitëcënti ꞌicën.

Lucas 12:35

Jesusan ca ësaquinribi aín ꞌunánmicë unicama cacëxa: —Ënëx ca ësa ꞌicën. Achúshi uníxa an xanu bicë unin camicëx, abëtan pi cuanx utëcënia ca an ñu mëëxuncë unicaman cainia. Caínquin ca an uni ñu mëëxuncë unicama an ñu mëëxunuxuan pañucë chupa pañuanan lamparíncama upí oquin bimitancëxun nania. Usoxun caíncëx uquian, xëcuë taxcaia ca cuëënquin bënë́nquinshi atsínmiquin xëocaia. Usaribiti camina mitsux ꞌiti ꞌain, ꞌëx aia caini.

Lucas 2:11

Ënë nëtën ca bacë́anxa anuax David bacë́an ëmanuax an camabi uni aín ꞌucha tërë́ncë ꞌaish Nucën Papa Diosnan ꞌinun ië́miti. Ax ca Nucën ꞌIbu Cristo, a ꞌicën.

Lucas 7:47

Usa ꞌain cana mi cain, an ꞌitsaira ꞌë nuibatia isquin camina ꞌunánti ꞌain, aín ꞌucha ꞌitsaira ꞌaíshbi ca tërë́ncë ꞌicë quixun. An, ꞌën ꞌucha ca ꞌitsamashi ꞌicë quixun sináncë uni, ax ca aín ꞌucha tërë́ncë ꞌaíshbi ꞌitsamashi ꞌë nuibatia.

Juan 13:23

Usa ꞌain ca aín ꞌunánmicë uni achúshi, aira Jesusan nuibacë, ax Jesús rapasu ꞌiacëxa.

Juan 19:26

Usa ꞌain ca Jesusan aín tita a ꞌuramanua isanan aín ꞌunánmicë uni achúshi aira nuibacë a, a rapasunua isquin cacëxa: —Titan, ax ca min tuá ꞌiti ꞌicën.

Juan 20:2

Usobiani bënëtishi abáquiani cuanxun ca aín ꞌunánmicë uni aira Jesusan nuibacë, acëñun Simón Pedro cacëxa: —Unin sapi ca Nucën ꞌIbu quininua bibianquin buánxa, uinu cara buánxun racánxa cananuna ꞌunaniman.

Juan 20:20

Ësoquin caquin ca aín mëcën rabë́ ismianan aín pichánpururibi ismiacëxa. Ismicëx ca aín ꞌunánmicë unicama Nucën ꞌIbu isi shimëniocati cuëëancëxa.

Juan 20:28

Cacëxun ca Tomásnën —mix camina asérabi ꞌën ꞌIbu ꞌianan ꞌën Diosribi ꞌai —quixun cacëxa.

Juan 21:20

Usoquian cacëx caxu bësui cuainacëquin ca Pedronën a nuibairacë aín ꞌunánmicë uni, Juan, an Jesús nuibiania isacëxa. Ax ca an abëtan pi a rapasu tsóxun —uin cara uni mi ꞌinánti ꞌicë —quixun Jesús ñucáëxancë, a ꞌiacëxa.

Juan 21:24

ꞌËx Jesusan ꞌunánmicë uni achúshi ꞌixun cana ënë ñu camabi ñuiquin cuënëon. ꞌËn cuënëocë banacama ënëx ca asérabi ꞌicë quixun cananuna ꞌunanin.

Juan 21:8

Cuanmainun ca raírinëinshi Jesúsnu bëbati cien metrosa ꞌixun aín rica tsatsa buáquicë munuishi buani cuancëxa.

Hechos 10:36

Nucën Papa Diosan ca Israel unicama aín bana ñuixunquian Jesucristo ax ca camabi unin ꞌibu ꞌixun an nu chuámarua ꞌimiti a ꞌicë quixun ñuixunun aín unicama xuaxa.

Hechos 2:36

Usa ꞌain camina mitsux Israel unicama ꞌixun asérabi ꞌunánti ꞌain, mitsúnmi i curúsocënu matásmicë, a Jesúsbi ca Nucën Papa Diosan nucën ꞌIbu ꞌimianan axa utinu nun caíncë, Cristo, a ꞌimiaxa.

1 Corintios 15:47

A pain unio uni ax ca me ꞌacë ꞌiacëxa. A caxua ucë ax ca me ꞌacëma, naínuaxa ucë, Nucën ꞌIbu Jesucristo, ꞌiacëxa.

2 Corintios 5:14

Cristonën ca camabi uni ꞌitsaira nuibatia quixun ꞌunánquin cananuna a sinánquin —usa ca —quixun atu cain. Cananuna ꞌunanin, ax achúshi ꞌaíshbi ca Nucën Papa Dios cuëëncësabi oi camabi unin ꞌucha cupí bamacëxa. Usaía Cristo ꞌiá ꞌain, cananuna tëmëraíbi nux cuëëncësabi oi ꞌima, ax cuëëncësabi oi ꞌiti ꞌain.

Santiago 2:1

ꞌËn xucë́antu, mitsux Nucën ꞌIbu Jesucristo, ax Diossaribi upí, ami catamëcë ꞌixun camina raíri unibëishi nuibananquin raíri uni timatima ꞌain.