Juan 21:23 - Kashibo-Kakataibo Biblia

²³ Usaquian cacëxun cuaxun ca an Jesusan bana cuacë unicaman —a uni sapi ca bamatima ꞌicë —quixun sinánxun chaniocëxa. Usa ꞌaínbi ca Jesusan —Juan ca bamatima ꞌicë —quixun Pedro cáma ꞌicën. Caquinma ca ësoquinshi cacëxa: “ꞌImitisa tanquin ën ꞌimicë́xa ꞌëx utëcëntamainun ënë unix ënë nëtënu tsócëbëbi camina uisa cupí cara usai ꞌia quixun sinani bënë́tima ꞌai” quixun.

Nukën 'Ibu Diosan ain unikama 'inan ain bana

²³ Usaquian cacëxun cuaxun ca an Jesusan bana cuacë unicaman —a uni sapi ca bamatima 'icë —quixun sinánxun chaniocëxa. Usa 'aínbi ca Jesusan —Juan ca bamatima 'icë —quixun Pedro cáma 'icën. Caquinma ca ësoquinshi cacëxa: “'Imitisa tanquin ën 'imicë́xa 'ëx utëcëntamainun ënë unix ënë nëtënu tsócëbëbi camina uisa cupí cara usai 'ia quixun sinani bënë́tima 'ai” quixun.

Juan 21:23 Iomraidhean Croise

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Hechos 1:15

Usa ꞌaish ca anu timë́ax Jesucristomi sináncë unicama ax ciento veinte xucë́nsa ꞌiacëxa. Usa ꞌain ca Pedronën atu nëbë́tsi niruxun cacëxa:

Hechos 28:14

Bëbaxun cananuna anuxun axa Jesucristomi catamëcë uni raíri mëracën. Mëracëxuan abë ꞌinun cacëx cananuna anu achúshi semana ꞌiacën. Achúshi semana ꞌitancëx cananuna Roma ëmanu bain cuancën.

Hechos 6:3

Usa ꞌain camina mitsun mëcën achúshi ꞌimainun rabë́ uni an piti mëtícanun caísti ꞌain. Aín sinan ca upí ꞌicë quixuan unin ꞌunáncë ꞌianan Nucën Papa Diosan Bëru Ñumshin Upitan upí oquin sinánmicë ꞌianan sinánñuira ca a unicama ꞌiti ꞌicën. Caístancëxun camina atúan uni piti mëtícanun cati ꞌain.

1 Corintios 11:26

Usa ꞌain ca Nucën ꞌIbu Jesucristo utëcëntamainun aín unicaman ësoquin pán ꞌimainun bimi baca ꞌati ꞌicën. Usaquian aín unicaman ꞌaia isquin ca unin ꞌunánti ꞌicën, atun ꞌucha cupía Jesucristo bama ꞌain ca a sinánquin usoquin ꞌaia quixun.

1 Corintios 4:5

Usa ꞌain camina Jesucristo utëcëncëma pain ꞌain, uisa uni cara uni itsi ꞌicë quixun sinántima ꞌain. Utëcënxun ca Nucën ꞌIbu Jesucristonën, camabi uni an unë́xun ñu ꞌacëcama ꞌimainun aín nuitu mëúa sináncë ñucamaribi, an upí oquin ꞌunánun ꞌunánmiti ꞌicën. ꞌUnánmicëbëtan ca Nucën Papa Diosan ui unicaman cara aín ꞌucha tërë́ncë ꞌixun ñu upí ꞌaxa, a usaribi oquin —upí oquin camina ꞌa —quixun caquin cuëënmiti ꞌicën.

Santiago 5:7

ꞌËn xucë́antu, Nucën ꞌIbu Jesucristo utámainun camina tëmëraibi bënë́quinma anúan uti nëtë caínti ꞌain. An ñu ꞌapácë unin ca ñu ꞌapátancëxun anun aín bimi biti nëtë sënë́ntamainun cainia. Usa ꞌixun ca mitabutancëxa sënë́ncëbëtan ñu ꞌapátancëxun bënë́quinma canitancëxuan tuaia aín bimi binuxun cainia.

Apocalipsis 2:25

ꞌËx utëcëntámainun camina usabii ꞌiti ꞌain.