Juan 21:2 - Kashibo-Kakataibo Biblia

² Anu ca Simón Pedro, Tomás ꞌicëbi rabë́ bacë́an ꞌicë Gemelo caquinribi anëcë, a ꞌimainun Natanael, Galileanu ꞌicë Caná cacë ëmanu ꞌicë, a ꞌimainun Zebedeonën bëchicë rabë́ acamabë Jesusan ꞌunánmicë uni rabë́ribishi timë́cë ꞌiacëxa.

Nukën 'Ibu Diosan ain unikama 'inan ain bana

² Anu ca Simón Pedro, Tomás 'icëbi rabë́ bacë́an 'icë Gemelo caquinribi anëcë, a 'imainun Natanael, Galileanu 'icë Caná cacë ëmanu 'icë, a 'imainun Zebedeonën bëchicë rabë́ acamabë Jesusan 'unánmicë uni rabë́ribishi timë́cë 'iacëxa.

Juan 21:2 Iomraidhean Croise

Mateo 10:3

Raírinëx ca Felipe cacë ꞌimainun Bartolomé cacë ꞌimainun Tomás ꞌimainun Mateo, an ꞌapu buánmiti curíqui bicë, acama ꞌiacëxa. ꞌImainun ca Jacobo, Alfeonën bëchicë, a ꞌimainun Lebeo ꞌicëbi Tadeoribi cacë a ꞌiacëxa.

Marcos 1:19

A uni rabë́ bibiani cuanquinbi ca Jesusan Zebedeonën bëchicë Jacobo ꞌimainun aín xucën Juan, nuntinuxuan rica mëníoia mëracëxa.

Lucas 5:10

Jacobo ꞌimainun Juan, Zebedeonën bëchicë, an Simón Pedrobëtan tsatsa bicë, axribi ca ratuti sináncasmacëxa. Sináncasmaiabi ca Jesusan Simón Pedro cacëxa: —Racuë́axma ca ꞌit. Mix an tsatsa bicë uni ꞌixunbi camina bërí ꞌën ꞌimicëxun Nucën Papa Diosan bana ñuixunquin uni ꞌëmi sinánmiti ꞌain.

Juan 1:45

Usaquian Jesusan cacëx cuanxun ca Felipenën Natanael cacë uni bariquin mëraquin cacëxa: —A ñuiquian Moisés ꞌimainun an Nucën Papa Diosan sinánmicëxun uni bana ñuixuncë unicaman cuënëo, a uni cananuna mëran. Ax ca Jesús, Nazaretnu ꞌicë uni, Josénën bëchicë, a ꞌicën.

Juan 11:16

Cacëxun ca rabë́ bacë́an ꞌicë Gemelo caquin anëcë, Tomás, an Jesusan ꞌunánmicë uni raíri cacëxa: —Nuxribi abë bamai cuanun ca cuan.

Juan 2:1

Rabë́ nëtë ꞌiónxa pëcaracëbëtan ca Galilea nëtënu ꞌicë ëma, Caná cacë, anuxun uni achúshinën aín bëchicë xanu bimiti ꞌain, aín aintsi ꞌibucama pi unun quixun aín uni camiacëxa. Anu ca Jesusan titaribi ꞌiacëxa.

Juan 2:11

Usoquin ca Jesusan Galilea menu ꞌicë ëma, Caná, anuxun aín sinanëinshi ꞌatabaquin uni itsin ꞌacëma ñu ꞌacëxa, uni itsin cushisamaira ca aín cushi ꞌicë quixuan unicaman ꞌunánun. Usaquian ñu ꞌaia isi ca aín ꞌunánmicë unicama ami catamëacëxa.

Juan 20:28

Cacëxun ca Tomásnën —mix camina asérabi ꞌën ꞌIbu ꞌianan ꞌën Diosribi ꞌai —quixun cacëxa.

Juan 4:46

Usa ꞌain ca Galilea nëtënua ꞌicë ëma Caná, anuxuan bëráma ꞌunpax vino ocë, anu Jesús bëbacëxa. Bëbamainun ca ꞌapun uni achúshi aín bëchicënëx Capernaúm ëmanu ꞌinsíncë ꞌiacëxa.