Juan 21:12 - Kashibo-Kakataibo Biblia

¹² Usoia ca Jesusan —ca pi ucan —atu cacëxa. Cacëxunbi ca aín ꞌunánmicë unicama achúshinënbi, ënëx ca Nucën ꞌIbu ꞌicë quixun camaxunbi ꞌunánquin, —¿ui caramina ꞌain? —quixun ñucáma ꞌicën.

Nukën 'Ibu Diosan ain unikama 'inan ain bana

¹² Usoia ca Jesusan —ca pi ucan —atu cacëxa. Cacëxunbi ca aín 'unánmicë unicama achúshinënbi, ënëx ca Nucën 'Ibu 'icë quixun camaxunbi 'unánquin, —¿ui caramina 'ain? —quixun ñucáma 'icën.

Juan 21:12 Iomraidhean Croise

Mateo 22:46

Usaquian fariseo unicama ñucatia ca uínbi —usa ca a bana ꞌicë —quixun Jesús ñuixuanma ꞌicën. Usa ꞌixun ca atun iscë́xa bëtsi unin sinánsama ꞌaish usai quia oxun a unicama amiribishi ñucátëcëanma ꞌicën.

Marcos 9:32

Usaía quiabi ca atun cuama ꞌicën. Cuatímabi ca upí oquian ñuixunun Jesús catimi racuë́acëxa.

Lucas 9:45

Usaía quiabi ca atun cuama ꞌicën. Atúan cuaxunma ꞌanun ca Nucën Papa Diosan atu cuamiama pain ꞌicën. Usa ꞌain ca upí oquian ñuixunun Jesús catimi aín ꞌunánmicë unicama racuë́acëxa.

Juan 16:19

A ñucácatsi quiáxa canania ꞌunánquin ca Jesusan atu cacëxa: —Ënu mitsubë ꞌitancëx nëtëtia camina ꞌë istima ꞌain. ꞌIxunbi camina ꞌitsama nëtë́inshi ꞌë istëcënti ꞌai quixun ꞌën mitsu cacë bana ñui caramina cananin?

Juan 21:11

Cacëxun ca Simón Pedronën nuntinu ꞌiruxun, ciento cincuenta y tres tsatsa chabu buáquicë ꞌicë, atun rica nëriobëtsinquin masinu bëacëxa. Bëcëxbi ca tsatsa chabu ꞌitsaira ꞌaínbi atun rica narásquiama ꞌicën.

Juan 21:15

Pia sënë́ncë ca Jesusan Simón Pedro cacëxa: —¿Jonásnën bëchicë, Simón, min ñucama sináncësamaira oi caramina ꞌëmi sinánquin ꞌë nuibatin? Cacëxun ca cacëxa: —ꞌËn ꞌIbu, min camina ꞌunanin, ꞌën cana mi nuibatin. Quia ca cacëxa: —ꞌËn carnero bacë ca piminuxun ꞌat.

Juan 4:27

Cacëbëbi ca aín ꞌunánmicë unicama utëcëancëxa. Uquin xanubëa Jesús banaia isi ratúquinbi ca uinu ꞌicë unínbi —¿añu caramina cuëënin? —canan —¿añu ñui caramina a xanubë banain? —quixun cáma ꞌicën.

Hechos 10:41

Jesús baísquicëbi ca camabi uníinra isama ꞌicën. Nun cuni cananuna Nucën Papa Diosan, Jesús ñuiquin unicama bana ñuixunun bëráma caísa ꞌixun, baísquicë isanan abëtan pianan xëacën.