Juan 20:21 - Kashibo-Kakataibo Biblia

²¹ Cuëënia ca amiribishi Jesusan atu cacëxa: —Chuámashirua ca ꞌican. ꞌËn Papan amia sinánun unicama ꞌaquinun ꞌë xuásaribi oquin cana ꞌëmia sinánunmi unicama ꞌaquinun mitsu xutin.

Nukën 'Ibu Diosan ain unikama 'inan ain bana

²¹ Cuëënia ca amiribishi Jesusan atu cacëxa: —Chuámashirua ca 'ican. 'Ën Papan amia sinánun unicama 'aquinun 'ë xuásaribi oquin cana 'ëmia sinánunmi unicama 'aquinun mitsu xutin.

Juan 20:21 Iomraidhean Croise

Mateo 10:16

ꞌËn cana carnero ꞌinúan nëëcë nëbë́tsinu ꞌicësaribi ꞌinun mitsu xutin. Nëëquin ca ꞌinúanën carnero binuxun bëarati ꞌicën. Usaribi oquin ca axa mitsumi nishcë unin mitsu ꞌatimocatsi quixun sinánti ꞌicën. Usaquian sináncëbë camina bërúancati ꞌain, runu ꞌicësaribiti. Bërúancanan camina axa mitsumi nishcë uni ami nishi abë ꞌatimonantima ꞌain, numacuru ꞌicësaribiti.

Mateo 10:40

Ësaquinribi ca Jesusan aín ꞌunánmicë unicama cacëxa: —An mitsun bana cuacë uni an ca ꞌën banaribi cuatia. An ꞌën bana cuacë uni an ca Nucën Papa Dios, an ënë nëtënu ꞌë xua, aín banaribi cuatia.

Lucas 24:36

Usaquin atu ñuixunía sënë́ncëma pain ꞌaínbi axbi chiquiracëti atu nëbë́tsi niracëquin ca Jesusan atu cacëxa: —Chuámashirua ca ꞌican.

Juan 13:20

Asérabi cana mitsu cain, uin cara ꞌën bana ñuixunun ꞌën xucë uni aín bana cuatia an ca ꞌën banaribi cuatia. Usaribi oquin ca ui unin cara ꞌën bana cuatia an Nucën Papa Dios, an ꞌë xuá, aín banaribi cuatia.

Juan 14:27

ꞌËx cuancëbëbi camina chuámashirua bucucanti ꞌain. ꞌËn ꞌimicëx camina ënë menu ꞌicë ñu sinani cuëëncësamaira oi ꞌënan ꞌaish cuëëni chuámarua ꞌiti ꞌain. Usa ꞌain ca masá nuituaxma ꞌianan racuë́axma ꞌican.

Juan 20:19

Anúan Maríanën Jesús ispuncë domingo nëtë ñantánbucëbë ca aín ꞌunánmicë unicamax, xubu achúshinu timë́ax judíos unibumi racuëti ꞌaímaquin xëpuax ꞌiacëxa. Anua ꞌain, atu nëbë́tsi niracëquin ca Jesusan cacëxa: —Cana uan, chuámashirua ca ꞌican.

Juan 20:22

Canan ca cuëbitan atumi uínpuquin atu cacëxa: —Nucën Papa Diosan Bëru Ñunshin Upíñu ca ꞌican.

Juan 20:26

Jesús baísquixancëa achúshi semana ꞌain ca aín ꞌunánmicë unicama amiribishi achúshi xubunu timë́cë ꞌiacëxa. A nëtën ca Tomásribi atubë ꞌiacëxa. Usa ꞌain ca xubu xëpucë ꞌaínbi atu nëbë́tsi niracëquin Jesusan aín ꞌunánmicë unicama —Cana uan. Chuámashirua ca ꞌican —cacëxa.

Juan 3:17

Nucën Papa Diosan ca aín Bëchicë an ënë menu ꞌicë unicama aín ꞌucha cupí ꞌuchonun xuáma ꞌicën. Ama, ënë menu ꞌicë unicama aín ꞌucha tërë́nquin ainan ꞌinun ië́minun quixun ca xuacëxa.

Hechos 1:2

An ca naínu cuainsama pain ꞌixun Nucën Papa Diosan Bëru Ñunshin Upitan ꞌaquincëxun an aín bana unicama ñuixunun xuti unicama caísacëxa. Acamax ca aín ꞌunánmicë uni ꞌiacëxa. Caístancëxun ca añu cara ꞌati ꞌicë quixun ꞌunánmiacëxa.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

2 Timoteo 2:2

Axa timë́cë unicama ꞌën caiami cuacë banacama, a camina, an asérabi uni raíri ꞌunánmiisabi sinánñu uni caístancëxun usaribi oquian ꞌanun ꞌunánmiti ꞌain.

Hebreos 3:1

ꞌËn xucë́antu, mitsux ainanshi ꞌinun Nucën Papa Diosan ꞌimicë ꞌixun camina, Nucën Papa Diosan a ñuiquin unicama ñuixunun ënë nëtënu xuá ꞌixuan an aín unicama Nucën Papa Dios ñucáxuncë, Cristo Jesús, a uisa uni cara ꞌiacëxa quixun upí oquinra ꞌunánti ꞌain.

3 Juan 1:14

Usa ꞌain cana bënëtishi mi isi cuanti sinanin. Cuanxun cuni cana mibë banaquin mi ñuixunti ꞌain.