Juan 20:19 - Kashibo-Kakataibo Biblia

¹⁹ Anúan Maríanën Jesús ispuncë domingo nëtë ñantánbucëbë ca aín ꞌunánmicë unicamax, xubu achúshinu timë́ax judíos unibumi racuëti ꞌaímaquin xëpuax ꞌiacëxa. Anua ꞌain, atu nëbë́tsi niracëquin ca Jesusan cacëxa: —Cana uan, chuámashirua ca ꞌican.

Nukën 'Ibu Diosan ain unikama 'inan ain bana

¹⁹ Anúan Maríanën Jesús ispuncë domingo nëtë ñantánbucëbë ca aín 'unánmicë unicamax, xubu achúshinu timë́ax judíos unibumi racuëti 'aímaquin xëpuax 'iacëxa. Anua 'ain, atu nëbë́tsi niracëquin ca Jesusan cacëxa: —Cana uan, chuámashirua ca 'ican.

Juan 20:19 Iomraidhean Croise

Salmos 122:8

Usa ꞌain kana bërí ꞌën xukë́nkama ꞌimainun ꞌën ꞌunánkë unikama kati ꞌain; Axa Jerusalénnu ꞌikë unikamax chuámarua ꞌiti kana kuëënin.

Mateo 10:13

Usaími ꞌicëbë ca a xubunu ꞌicë unicama mitsubë upí ꞌixun min bana cuati mitsúxmi anu ꞌicë cupí cuëëni chuámashi ꞌiti ꞌicën. ꞌAínbi ca mitsubë upí ꞌiisama tanquin an mitsun bana cuaisama tancë unicamax usai ꞌitima ꞌicën.

Marcos 16:14

Usai ꞌitancëx ca Jesús aín ꞌunánmicë unicama mëcën rabë́ ꞌimainun achúshi ami atúxa mesanu bucubuan chiquiracëacëxa. Atumi chiquiracëquin ca Jesusan atu cacëxa: —An ꞌë baísquicë iscëcaman, asérabi ꞌëx baísquicë isun cacëxunbi camina, asérabi ca baísquiaxa quixun ꞌë sinántisama tan.

Juan 14:27

ꞌËx cuancëbëbi camina chuámashirua bucucanti ꞌain. ꞌËn ꞌimicëx camina ënë menu ꞌicë ñu sinani cuëëncësamaira oi ꞌënan ꞌaish cuëëni chuámarua ꞌiti ꞌain. Usa ꞌain ca masá nuituaxma ꞌianan racuë́axma ꞌican.

Juan 16:22

Usaribiti camina mitsux bërí masá nuitutin, ꞌaíshbi camina ꞌë istëcëni cuëënquin chuámashirua tanti ꞌain, uinu ꞌicë unínbi sinanamitisama oi.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Juan 20:21

Cuëënia ca amiribishi Jesusan atu cacëxa: —Chuámashirua ca ꞌican. ꞌËn Papan amia sinánun unicama ꞌaquinun ꞌë xuásaribi oquin cana ꞌëmia sinánunmi unicama ꞌaquinun mitsu xutin.

Juan 20:26

Jesús baísquixancëa achúshi semana ꞌain ca aín ꞌunánmicë unicama amiribishi achúshi xubunu timë́cë ꞌiacëxa. A nëtën ca Tomásribi atubë ꞌiacëxa. Usa ꞌain ca xubu xëpucë ꞌaínbi atu nëbë́tsi niracëquin Jesusan aín ꞌunánmicë unicama —Cana uan. Chuámashirua ca ꞌican —cacëxa.

Juan 21:1

Usai ꞌitancëxa aín ꞌunánmicë unicama Tiberias cacë parúnpapa cuëbí ꞌain ca Jesús atumi pëasquitëcëni ësai ꞌiacëxa:

Juan 21:14

Usai ca Jesús bamaxbi baísquitancëx rabëti pain ꞌitancëx aín ꞌunánmicë unicamami amiribishi chiquiracëtëcëancëxa.

Juan 7:13

Quibi ca judíos unicaman ꞌapucamami racuëti, atúan cuati rabanan unë́axëshi canancëxa.

Hechos 1:3

Usoquin ñu ꞌatancëx bamaxbi ca baísquiacëxa. Usai ꞌitancëxun ca, ax ca asérabi baísquiaxa quixuan an caíscë unicaman ꞌunánun, ꞌuxë achúshi ꞌimainun mëcën rabë́ nëtën nëtë́ax nëtë́ax atumi chiquiracëacëxa. Usai ꞌiquin ca uisairai cara uni Nucën Papa Diosnan ꞌiti ꞌicë quixun atu ꞌunánmiacëxa.

Romanos 15:33

Nucën Papa Dios, an aín unicama bënëtíma chuámarua ꞌinun ꞌimicë, ax mitsubë ꞌixun mitsuribi usaquin ꞌimiti cana cuëënin. Usai ca ꞌiti ꞌicën.

1 Corintios 15:5

Baísquitancëx ca Pedromi chiquiracëanan aín ꞌunánmicë unicama, mëcën rabë́ ꞌimainun rabë́ uni, amiribi chiquiracëacëxa.

Efesios 2:14

Cristonën ca judíos uni ꞌicësaribitia judíosma uniribi Nucën Papa Diosnan ꞌinun ꞌimiaxa, camáxbia raíri unisaribi ꞌinun. Judíos unicamaxa judíosma unicamabë nuibanancëma ꞌaish nishanancësa ꞌiá ꞌicë ca bërí Cristonën judíos uni ꞌimainun judíosma uniribia ainan ꞌaish camáxbi bëtsibë nuibananun ꞌimiaxa.

Efesios 6:23

Nucën Papa Diosbëtan Nucën ꞌIbu Jesucristonën ꞌimicë́xmi mitsux ꞌëx ꞌicësaribiti ami catamëcë ꞌaish ami sinánan bëtsibë bëtsibë nuibanani chuámarua ꞌaish upitax bucuti cana cuëënin.

Filipenses 1:2

Nucën Papa Diosbëtan Nucën ꞌIbu Jesucristonën nuibacëxmi mitsux chuámarua ꞌaish bucucanti cana cuëënin.

2 Tesalonicenses 3:16

Nucën ꞌIbu Jesucristo, an aín unicama bënëtima chuámarua ꞌinun ꞌimicë, anbia mitsúxribimi uisa ñu cara ꞌicëbëbi camabi nëtë chuámarua ꞌinun mitsu ꞌimiti cana cuëënin, axbi mitsubë ꞌiquin mitsu bërúanti cana cuëënin.

Hebreos 7:2

Usaquin cacëxun ca Abrahamnën an bëcë ñucama mësú Melquisedec ꞌináncëxa. Melquisedec quicë bana ax ca “upí ꞌapu ca ax ꞌicë” qui quicë bana ꞌicën. Melquisedec ax ca Salem cacë menu ꞌicë unibu aín ꞌapu ꞌiacëxa. Salem quicë bana ax ca “bëtsi unibubë ꞌacananima ca chuámarua bucuia” qui quicë bana ꞌicën. Usa ꞌain ca Melquisedec ꞌacánanti sináncëma ꞌapu ꞌiacëxa.

3 Juan 1:14

Usa ꞌain cana bënëtishi mi isi cuanti sinanin. Cuanxun cuni cana mibë banaquin mi ñuixunti ꞌain.

Apocalipsis 1:4

ꞌËx Juan ꞌixun cana Asia menu ꞌicë mëcën achúshi ꞌimainun rabë́ ëmanuax timë́cë axa Jesucristomi catamëcë unicama, mitsu ësaquin cain: Nucën Papa Dios axa usabi ꞌiá ꞌaish usabi ꞌicë, an nuibaquin ꞌaquincëxmi mitsux chuámarua bucuti cana cuëënin. Cuëëanan cana anua Nucën Papa Dios ꞌicë aín Bëru Ñunshin Upí anribi aín bana upí oquin cuanun ꞌaquianan, a bana quicësabi oi ꞌinun ꞌaquincëxmi mitsux chuámarua bucuti cuëënin.