Juan 20:17 - Kashibo-Kakataibo Biblia

¹⁷ Usaquian cacëxun ca Jesusan María cacëxa: —ꞌË ramëxunma pan ca ꞌat, ën Papanu cana cuancëma pain ꞌain. Cuantancëxun ca ësaquin ꞌën xucë́ncama catan: An ca ꞌë caxa, ꞌëx cana ꞌën Papa axa mitsun Paparibi anu cuanin. Ax ꞌën Papa Dios ꞌaish ca mitsun Papa Diosribi ꞌicën.

Nukën 'Ibu Diosan ain unikama 'inan ain bana

¹⁷ Usaquian cacëxun ca Jesusan María cacëxa: —'Ë ramëxunma pan ca 'at, ën Papanu cana cuancëma pain 'ain. Cuantancëxun ca ësaquin 'ën xucë́ncama catan: An ca 'ë caxa, 'ëx cana 'ën Papa axa mitsun Paparibi anu cuanin. Ax 'ën Papa Dios 'aish ca mitsun Papa Diosribi 'icën.

Juan 20:17 Iomraidhean Croise

2 Reyes 4:29

Usakin kakëxun ka Eliseonën Guehazí kakëxa: —Mëníokakiani kamina ꞌën tatsi bibiani xanu ënën xubunu kuanti ꞌain. ꞌAínbi kamina kuankin unibë mëranankin uisakinbi katima ꞌain, ꞌimainun kamina uin kara uisa karamina ꞌai mi kaia a unibi uisokinbi katima ꞌain. Kaima kuantankëxun kamina tuá aín bëmánanu ꞌën tsati nanti ꞌain.

2 Reyes 7:9

Usakin ꞌax ka atuxi kánani kikankëxa: —Nun nu ësokin ñu ꞌakë ënëx ka upíokin ꞌakëma ꞌikën. Usa ꞌain kananuna ënë nëtënbi unë́kinma atu kai kuanti ꞌain, nun kananuna unë́xun ësokin ñu ꞌatima ꞌain. Nun nu imë́ishi kai kuanxun kaínti ꞌaínbi ka nun isanuna ꞌatima ñu ꞌa kixun nu ꞌuchokanti ꞌikën. Usa ꞌain kananuna kuantankëxun anua ꞌapu ꞌikë xubunu ꞌikë unikama kai kuanti ꞌain.

Salmos 22:22

ꞌËn kana mi ñuikin ꞌën aintsikama kanan, anuxun mi rabiti xubunuax mi rabi atubë kantati ꞌain.

Salmos 43:4

ꞌImikëxun kana anuxun mi ñuina xaroxunti ꞌakë a ꞌurama oti ꞌain ꞌën ꞌIbu Dios, anuxun kana mi rabikin ꞌitsaira kuëënkin, arpa mëëkin mi rabiti ꞌain ꞌën ꞌIbu Dios, usa ꞌixun kamina ꞌitsaira kuëënun ꞌë ꞌimiti ꞌai ꞌËn ꞌIbu Dios.

Salmos 89:26

An ka ꞌë kati ꞌikën: Mix kamina ꞌën papa ꞌain; ꞌianan kamina ꞌën Dios an ië́mianan ꞌë ꞌakinkë a ꞌain.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Jeremías 31:33

Usa ꞌain ka achúshi ñu mëníokin ꞌën Israel unikamabëtan anun ꞌati nëtë aia, usa ka ꞌiti ꞌikën: Anun kana ꞌën bana aín nuitu mëu upíokin sinankian manukima aín maxkátan ꞌunánun ꞌamiti ꞌain. ꞌËx kana atun Dios ꞌiti ꞌain, ꞌimainun ka atux ꞌën unikama ꞌiti ꞌikën. ꞌËx mitsun ꞌIbu ꞌaish kana asérabi ësai kiakën.

Ezequiel 36:28

usa ꞌain ka aín chaitiokëkama ꞌën ꞌinan me anu tsókanti ꞌikën, usai tsóti ꞌën unikama atux ꞌimainun kana ꞌëx atun Dios ꞌiti ꞌain.

Ezequiel 37:27

Usai ꞌëx atubë ꞌi atun Dios ꞌimainun, ka atúxribi ꞌën unikama ꞌiti ꞌikën.

Mateo 12:50

Uicaman cara Nucën Papa Dios naínu ꞌicë ax cuëëncësabi oquin ꞌaia, acamax ca ꞌën xucën ꞌimainun ꞌën chirabacë ꞌimainun ꞌën tita ꞌicën.

Mateo 25:40

Cacëxun cana ꞌëx ꞌApuira ꞌixun ꞌën unicama cati ꞌain: ꞌËn cana asérabi mitsu cain, mitsun ꞌën xucë́ncama achúshi, uni raíribë sënë́nmara ꞌicëbi ꞌaquinquin camina ashi ꞌaquincëma ꞌain, camina ꞌëribi ꞌaquian.

Mateo 28:7

Istancëx bënëtishi cuanxun camina aín ꞌunánmicë unicama ësaquin cati ꞌain: Jesús ca bamaxbi baísquiaxa. Ax pain ca Galilea menu cuania. Mitsúnribi camina anu cuantancëxun anuxun a isti ꞌain. Ësaquin mitsu canux cana ënu ꞌain.

Marcos 12:26

Mitsúnmi —bama ꞌaish ca uni baísquitima ꞌicë —quixun sinania cana mitsu cain, ca usama ꞌicën. ¿Caramina Moisésnëan imaxu nëëmëtia isa ñui quicë bana iscëma ꞌain? Imaxu rëquirucënuax banaquin ca Nucën Papa Dios Moisés ësaquin cacëxa: “ꞌËx cana Abraham, Isaac, Jacob acaman rabicë Dios, a ꞌain”.

Marcos 16:19

Usaquin aín ꞌunánmicë unicama catancëx ca Nucën ꞌIbu Jesus, aín mëqueu ꞌaish Nucën Papa Diosbë cushi ꞌi, naínu cuancëxa.

Lucas 10:4

Burasacëñun camina curíqui buántima ꞌain, taxaca itsi camina buántima ꞌain. Bain cuani camina niracëax ꞌuran unibë banatima ꞌain.

Juan 13:1

Pascua anun carnero ꞌati nëtëa ꞌicëma pan ꞌain ca Jesusan ꞌunáncëxa, anúan ënë menuax aín Papanu cuanti nëtë ca ꞌuramatia quixun. Jesusan ca ënë menuxuan aín bana cuacë unicama camabi nëtën upí oquin nuibacëxa. Usa ꞌain ca Jesús ax an atu nuibacë cupí bamaia aín unicaman —asérabi nu an nuibati ca usai bamaia —quixun ꞌunánti nëtë ꞌuramacëxa.

Juan 13:3

Piquin ca —ꞌën Papan camabi ñu ꞌibuamianan ënë nëtënu xuá ꞌaish cana anuribi cuantëcënti ꞌai —quixun sináncëxa.

Juan 14:2

ꞌËn Papan ꞌicënu ca anu ꞌiti ꞌitsa ꞌicën. Anu ꞌiti ꞌaíma ꞌain cana, anu ꞌiti ca ꞌaíma ꞌicë quixun mitsu catsían. Usa ꞌain cana anumi ꞌicánti a mitsu mëníoxuni cuanin.

Juan 14:28

ꞌËn mitsu, cana cuanin, cuantancëxbi cana mitsubë ꞌinux utëcëni cuani quixun cacëxun camina camaxunbi cuacan. Asérabi ꞌëmi sináncë ꞌaish camina mitsux, ꞌësamaira ꞌën Papa anu cana cuani quixun ꞌën cacëx cuëëntsian.

Juan 14:6

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.

Juan 16:28

Nucën Papanuax cana ënë nëtënu uacën. Uá ꞌaíshbi cana ënë nëtënuax amiribishi Nucën Papabë ꞌi cuantëcënin.

Juan 17:11

Ënë nëtënu cana ꞌëx tiquiman, cana mibë ꞌi cuanin. ꞌËx cuancëbë ca atux ënë nëtënu bërúti ꞌicën. Mix ꞌuchañuma ꞌaish upíira ꞌianan cushiira ꞌixun camina minmi minan ꞌinun ꞌëmi sinánmicë unicama ënë bërúanti ꞌain. ꞌËx mibë ꞌicësaribitia atux bëtsibë nuibanani achúshi sinánñuishi ꞌaish achúshisa ꞌinun camina atu bërúanti ꞌain.

Juan 17:25

Papan, upíira sinánñu camina ꞌain. Usa ꞌicëbi ca an min bana cuacëma unicaman mi ꞌunanima. ꞌAínbi cana ꞌën mi ꞌunan, an ꞌën bana cuacë unicamanribi ca asérabi camina min ꞌë xuacë quixun ꞌunania.

Juan 17:5

Usa ꞌain camina ënë nëtëa unicëma pain ꞌain ꞌëx ꞌiásabi oi misaribi ꞌitëcënun, minu cuania ꞌë ꞌimitëcënti ꞌain.

Juan 20:27

Atu catancëxun ca Tomásribi cacëxa: —Min mëcën rëbun ca ënu ticat, ꞌën mëcën rabë́ribi ca is. ꞌËn pichánpurunu min mëcën atsínmiquin ca tan. ꞌËx cana ama ꞌai quixun sinánxunma ca ꞌëx cana asérabi Jesús ꞌai quixun sinan.

Juan 7:33

Xucëxa cuancëbë ca anu ꞌicë unicama cai Jesús quiacëxa: —ꞌËora pain ënu mitsubë ꞌitancëx cana an ꞌë xuá anu cuanti ꞌain.

Romanos 8:29

Ui unicama cara ainan ꞌiti ꞌicë quixun ꞌunánquin ca Nucën Papa Diosan aín Bëchicënëxa aín unicaman cushi ꞌinun atux aín Bëchicë ꞌicësaribiti ꞌinun mëníocëxa.

2 Corintios 6:18

ꞌImianan cana mitsun Papa ꞌiti ꞌain. ꞌIcëbë camina mitsux, bëbu ꞌimainun xanucamaxribi, ꞌën bëchicë ꞌiti ꞌain. Usai cana mitsun ꞌIbu Dios, cushiira, ꞌëx quin.

Gálatas 3:26

Usa ꞌain camina mitsux Cristo Jesúsmi catamëti abë ꞌaish Nucën Papa Diosan bëchicë ꞌain.

Hebreos 11:16

Cuantëcënti ꞌaíshbi ca anu cuantëcëinsama tancëxa. A menu ꞌicësamaira oi bëtsi nëtë, upíira a Nucën Papa Diosan atu mëníoxuncë, anu ꞌiti ca cuëëancëxa. Usa ꞌain ca Nucën Papa Dios —ꞌëx cana atun Dios ꞌai —quixun sinani cuëënia. Usai cuëënquin ca anua atux abë ꞌiti nëtë mëníocëxa.

Hebreos 8:10

Usa ꞌixunbi cana ꞌëx mitsun ꞌIbu Dios ꞌixun mitsu cain, usai ca judíos unicama ꞌiti ꞌicë quixun caquin ꞌën a pain ꞌinan bana sënë́ncëbëtan cana bëtsi bana judíos uni Israel unicama ꞌinánti ꞌain. Ësai ca a bana quiti ꞌicën: ꞌËn cana ꞌën cacë bana ꞌën unicaman manuquinma sinánan aín nuitu mëu upí oquin ꞌunánun ꞌunánmiti ꞌain. ꞌËx cana aín Dios ꞌaish atúan rabicë ꞌiti ꞌain. ꞌImainun ca atux asérabi ꞌën unicama ꞌiti ꞌicën.

1 Pedro 1:3

Nucën Papa Dios, ax Nucën ꞌIbu Jesucristonën Dios ꞌianan aín Paparibi, a cananuna rabiti ꞌain. An ca nu nuibaquin bamaxbia baísquia Jesucristo an nun ꞌuchacama tërë́ncëxnu bacë́ntëcëncësa ꞌaish, ainan ꞌinun nu ꞌimiaxa, ënë nëtënuax ainan ꞌaíshnu aín nëtënuribi ꞌinun.

1 Juan 3:2

ꞌËn nuibacë xucë́antu, bërí cananuna Nucën Papa Diosan bëchicë ꞌain. Usa ꞌicëbi ca uisaira caranuna ꞌinuxun ꞌai quixun an nu ꞌunánmicëma pan ꞌicën. Usa ꞌaínbi cananuna ꞌunanin, Jesucristo utëcëncëbëtan cananuna upí oquin uisa cara ax ꞌicë quixun isti ꞌain. A isi cananuna asaribi ꞌiti ꞌain.

Apocalipsis 21:3

Isanan cana naínuaxa munuma ësai qui banaia cuan: —Camina isti ꞌain, anua uni bucucë, anu ca Nucën Papa Dios bërí ꞌia. Anu aín unicama ꞌicë anu ca Nucën Papa Dios ꞌiti ꞌicën. A unicamax ca asérabi aín uni ꞌiti ꞌicën. Ax aín Dios ꞌaish ca aín unicamabë ꞌiti ꞌicën.

Apocalipsis 21:7

Uicaman cara ꞌëmi catamëquin ꞌëx cuëëncësabi oi ꞌiti ëncëma ꞌicë, acama cana ꞌënan ꞌaish ꞌëbë tsóti ꞌimiti ꞌain. ꞌImainun cana ꞌëx aín Dios ꞌiti ꞌain. ꞌImainun ca ax ꞌën bëchicë ꞌiti ꞌicën.