Juan 20:15 - Kashibo-Kakataibo Biblia

¹⁵ ꞌUnáncëxunmabi ca Jesusan María cacëxa: —¿Uisacatsi caramina ini bëunan mëscutin? ¿Ui caramina barin? Cacëxunbi ca an naë bërúancë uni isa quixun sinánquin Maríanën cacëxa: —Min buánxun camina bitsi cuanun uinu caramina racan ꞌë cati ꞌain.

Nukën 'Ibu Diosan ain unikama 'inan ain bana

¹⁵ 'Unáncëxunmabi ca Jesusan María cacëxa: —¿Uisacatsi caramina ini bëunan mëscutin? ¿Ui caramina barin? Cacëxunbi ca an naë bërúancë uni isa quixun sinánquin Maríanën cacëxa: —Min buánxun camina bitsi cuanun uinu caramina racan 'ë cati 'ain.

Juan 20:15 Iomraidhean Croise

Mateo 12:34

Mitsux ꞌatima ꞌixun uni paráncë ꞌaish camina mitsun raracama ꞌiásaribiti an uni picë runusaribi ꞌain. Unix ca aín nuitu mëúa sináncësaribi oi aín cuëbitan banaia. Mitsun nuitu ꞌaisama ꞌain camina ꞌatimati banain.

Mateo 28:5

Usaría suntárucamax racuë́mainun ca ángelnën xanu rabë́ cacëxa: —Racuë́axma ca ꞌit. Cana ꞌunanin, mitsun camina Jesús, a i curúsocënu matásëxancë, a barin.

Marcos 16:6

Ratutiabi ca cacëxa: —Ratúaxma ca ꞌit. Mitsun camina i curúsocënua matásëxancë Jesús, Nazaretnu ꞌicë, a barin. Ca ënuma ꞌicën, ca baísquiaxa. Anua unin racáënxancë ca is.

Lucas 2:44

Ëbiani ca raíri unicamabë cuancësa sinani Josébë María achúshi nëtë bain cuancëxa. Cuanxun ca aín aintsi ꞌibucamanua barianan an ꞌunáncë unicamanuaribi bariquinbi ꞌaímocëxa.

Lucas 24:5

Usa isi ca xanucamax racuëti meu tëtúbuacëxa. Tëtúbutiabi ca a unin cacëxa: —¿Uisa cupí caramina mitsun anu uni bamacë mëníotinua axa ashiti bamacëma uni barin?

Juan 1:38

Nuibiancëxun caxu bësuquin isquin ca Jesusan cacëxa: —¿Añu caramina barin? Cacëxun ca ñucácëxa: —¿Uinu cara min ꞌiti ꞌic, rabí? (Rabí quicë bana, ax ca an uni ꞌunánmicë uni qui quicë ꞌicën.)

Juan 18:4

Ami bëbaia ca, bëráma usocanti ꞌunánxunbi ꞌë uisoi cara aia quixun sinánquin mëramiquin Jesusan atu cacëxa: —¿Ui caramina baricanin?

Juan 18:7

Usai ꞌia ca amiribishi Jesusan ñucátëcëancëxa: —¿Ui caramina baricanin? Cacëxun ca: —Jesús, Nazaretnu ꞌicë uni, a cananuna bari —quixun cacancëxa.

Juan 20:13

Iscëxun ca ángelnën María cacëxa: —¿Uisacatsi caramina ini bëunan mëscutin? —quixun. Cacëxunbi ca Maríanën catëcëancëxa: —Unin ca quininu atsínxun ꞌën ꞌIbu bacarubianquin buánxun amanu racánxa, uinu cara racánxa cana ꞌunaniman.

1 Samuel 1:16

Usa ꞌain kamina min ꞌëx kana bëtsi xanusa ꞌai kixun sinántima ꞌain, ꞌën kana kamabi nëtën Dios ñukatin, ꞌimainun kana ꞌitsaira ñu sinani masá nuituti tëmërain.