Juan 20:1 - Kashibo-Kakataibo Biblia

¹ Domingo nëtë pëcaracëma ꞌaínshi ca María Magdalena ax anua Jesús mëníoëxancë quini isi cuancëxa. Cuanx bëbaquin iscëxbi ca anúan quini xëpuëxancë mapara ax racanacë ꞌiacëxa.

Nukën 'Ibu Diosan ain unikama 'inan ain bana

¹ Domingo nëtë pëcaracëma 'aínshi ca María Magdalena ax anua Jesús mëníoëxancë quini isi cuancëxa. Cuanx bëbaquin iscëxbi ca anúan quini xëpuëxancë mapara ax racanacë 'iacëxa.

Juan 20:1 Iomraidhean Croise

Mateo 27:56

Anu ca María Magdalena ꞌimainun María itsi, Santiago ꞌimainun Josénën tita, a rabë́ ꞌimainun Zebedeonën bëchicënën tita, acama ꞌiacëxa.

Mateo 27:60

anua aín aintsi mëníotia bërí naëcë matá tëmú anu Jesús mëníonuxun buáncëxa. Buánxun anu Jesús mëníotancëxun ca taránbianxun maxax cha anun naëcë quini xëpuacëxa. Usobiani ca cuancëxa.

Mateo 27:64

Usa ꞌain camina anua a racáncë quini, a rabë́ ꞌimainun achúshi nëtë inútamainun min suntáru upí oquin mëníomiti ꞌain, aín ꞌunánmicë unicamánma imë́ uxun isa baísquiaxa quinuxun bibianquin buania. Buánxun ca unicama paránti ꞌicën, Jesús isa baísquiaxa quixun. Usaquian paráncëbë ca bëráma ꞌacësamaira oquin parántëcëncë unicama ꞌiti ꞌicën. Usa ꞌain camina a quini upí oquin mëníomiti ꞌain.

Mateo 27:66

Usaquian cacëx cuanxun ca anu Jesús racáncë quini anun xëpúcë maxax cha a unían xëocaia iscatsi quixun ꞌunántiocëxa. Usotancëxun ca an bërúanun quixun suntáru raíri anu ëancëxa.

Mateo 28:1

Anun ñu mëëtima nëtë ñantabuonxa pëcaracëma ꞌaínshi ca María Magdalena ꞌimainun María itsi anu Jesús mëníocë isi cuantëcëancëxa.

Mateo 28:2

Cuanxa bëbacëbëbi ca mecama cushíinra shaíquiacëxa. Shaíquicëbëtan ca ángelnën Nucën ꞌIbu Diosan xucëx uquin, anúan anu Jesús ꞌicë quini xëpucë maxax cha taranacëxa. Usotancëx ca anu tsóbuacëxa.

Marcos 15:46

Usaquian cacëx cuanquin ca sábana upí marutancëxun Jesús i curúsocënua nanpáquin Josénën anun rabúancëxa. Rabúntancëxun matá me tëmúa naëcë anu mëníotancëxun ca taránbianxun maparanën quini xëpuacëxa.

Marcos 16:9

Domingo nëtë pëcaracëbë ca Jesús baísquitancëx María Magdalena anua mëcën achúshi ꞌimainun rabë́ ñunshin ꞌatima chiquían, ami pain chiquiracëacëxa.

Juan 11:38

Usaía quicëbë nitë́xëtëcëni ca Jesús anua Lázaro mëníoëxancancë anu bëbacëxa. Anu Lázaro mëníocë ax ca matá me naëcë ꞌaish maxax cha achúshinën xëpucë ꞌiacëxa.

Juan 11:41

Cacëbëtan ca anu ꞌicë unicaman maxax racanacëxa. Racanamainun ca Jesusan manámi bësuquin Nucën Papa Dios cacëxa: —Papan, camina ꞌën bana cuan. Usa ꞌain cana mi asábi ca quixun cain.

Juan 19:25

Jesús usocamainun ca aín tita ꞌimainun aín titan xucën ꞌimainun Cleofásnën xanu María ꞌimainun María Magdalena, acamax anua Jesús mastáscë i curúsocë a ꞌurama ꞌiacëxa.

Juan 20:26

Jesús baísquixancëa achúshi semana ꞌain ca aín ꞌunánmicë unicama amiribishi achúshi xubunu timë́cë ꞌiacëxa. A nëtën ca Tomásribi atubë ꞌiacëxa. Usa ꞌain ca xubu xëpucë ꞌaínbi atu nëbë́tsi niracëquin Jesusan aín ꞌunánmicë unicama —Cana uan. Chuámashirua ca ꞌican —cacëxa.

Hechos 20:7

Anu ꞌaish cananuna domingo nëtën axa Jesucristomi catamëcë unicamabë pán tucapaxun pi timë́acën. Timë́an ca Pablonën, imëishinu cuanti ꞌain, ñantónpaquin ꞌuran bana ñuixuancëxa. Usoquin ca imë́ naëx ꞌitámainun ꞌacëxa.

1 Corintios 16:2

Domingo nëtëcaman camina mitsu achúshi achúshinën mitsúnmi bicë curíqui uiti caramina ꞌinánuxun nanti ꞌai quixun upí oquin sinántancëxun min xubunuxun nanti ꞌain. ꞌËx bëbacëbëtan ꞌatima cupí camina usaquin ꞌati ꞌain.

Apocalipsis 1:10

Anun Nucën ꞌIbu Dios rabiti nëtën ꞌëx ami sinánquin cana ꞌuxúnmabi namácësa oquin, ꞌë caxucüaxa manë banañu banocë́xa banacësari munuma banaia cuan.