Juan 2:24 - Kashibo-Kakataibo Biblia

²⁴ Usaía ꞌicëbëtanbi ca camabi unían aín nuitu mëu sináncë a ꞌunáncë íxun, Jesusan —asérabi ca ꞌëmi sinanima —quixun ꞌunáncëxa.

Nukën 'Ibu Diosan ain unikama 'inan ain bana

²⁴ Usaía 'icëbëtanbi ca camabi unían aín nuitu mëu sináncë a 'unáncë íxun, Jesusan —asérabi ca 'ëmi sinanima —quixun 'unáncëxa.

Juan 2:24 Iomraidhean Croise

Mateo 9:4

Usaquin sinania ꞌunánquin ca Jesusan cacëxa: —¿Uisacasquin caramina mitsun usaquin sinanin?

Marcos 2:8

Usaquian sinania atun sinan ꞌunánquin ca Jesusan atu cacëxa: —¿Uisacasquin caramina mitsun usaquin sinanin?

Juan 1:42

Cabianquin ca aín xucën Jesúsnu buáncëxa. Buáncëx bëbaia isquin ca Jesusan bëñachaquin cacëxa: —Mix camina Juanën bëchicë, Simón, a ꞌain. ꞌAíshbi camina Cefas caquin anëcë ꞌiti ꞌain. Cefas quicë bana, ax ca Pedro qui quicë ꞌicën.

Juan 16:30

Bërí cananuna ꞌunanin, upí oquin camabi ñu ꞌunánquin camina bana ñuixuanan bëtsi ñuribi ꞌan. A cupí cananuna mi ñucátëcënquinma, asérabi ca usa ꞌicë quixun ꞌunánan mix camina asérabi Nucën Papa Diosnuax uá ꞌai quixun ꞌunanin.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Juan 4:16

Cacëxun ca Jesusan cacëxa: —Min bënë cuënbëtsini ca abë utan.

Juan 5:42

ꞌËn cana mitsu ꞌunan. Mitsun nuitunënbi camina Nucën Papa Diosmi sinanima cana ꞌunanin.

Juan 6:15

Usai quiquian atun a ꞌapu ꞌiminuxun biisa tancëxun ꞌunani ca Jesús axëshi unicama ëbiani matánu cuantëcëancëxa.

Juan 6:64

Usa ꞌaínbi camina micama raírinëx asérabi ꞌëmi sinani ëmi catamëcëma ꞌain. Ësaquin ca Jesusan bana ñuixunquin an cuacë unicama cacëxa, uicamax cara ami catamëtima quixun ꞌunánan uin cara a uni ꞌinánti ꞌicë quixun bëráma ꞌunáncë ꞌixun.

Hechos 1:24

Usotancëxun abë banaquin ca Pedronën Nucën ꞌIbu Dios cacëxa: —An nubëtan mi ñu ꞌaxunun min caíscë ꞌaíshbi ca Judas mi ñu ꞌaxuanxmabi aín ꞌucha cupí anu ax cuanti anu cuanxa. Usa ꞌain camina camabi unían aín nuitunën sináncë ñu ꞌunáncë ꞌixun, min ënë uni rabë́ uiira caramina Judasnën ñu mëëti ꞌanun caísa quixun nu ismiti ꞌain.

Hechos 15:8

An camabi unían sináncë ñu ꞌunáncë ꞌixun ca Nucën Papa Diosan, a unicamax ca judíosma ꞌaíshbi Jesucristomi asérabi sinánxa quixun ꞌunánquin, nu ꞌimicësaribi oquin aturibi aín Bëru Ñunshin Upíñu ꞌinun ꞌimiaxa.

Deuteronomio 31:21

Uínsaran kara ꞌën ꞌimikëx ꞌaisamaira masátënëi bënëtia anun ka ënë kanta atun sinánti ꞌikën, usa ꞌain ka atun rëbúnki kamaxribi a kanta sinani anun kantati ꞌikën; ꞌën bërámabi a ꞌinánuxun ka me anu atsínxumabi ꞌatima ñuira ꞌati sinania kana atu ꞌunanin.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”