Juan 2:21 - Kashibo-Kakataibo Biblia

²¹ Ësaquian atun cacë ꞌaínbi ca Jesús quicë bana ax, axbi ñuiacati quicë ꞌiacëxa.

Nukën 'Ibu Diosan ain unikama 'inan ain bana

²¹ Ësaquian atun cacë 'aínbi ca Jesús quicë bana ax, axbi ñuiacati quicë 'iacëxa.

Juan 2:21 Iomraidhean Croise

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 2:22

Usa ꞌain ca aín ꞌunánmicë unicaman bamaxa Jesús baísquitëcëan usaquian judíos unicama cacë a bana sináncëxa. Sinánan ca —Nucën Papa Diosan bana cuënëo ca cëmëma ꞌicë —quixun sinánan —Jesusan nu cacë bana axribi ca cëmëma ꞌicë —quixun sináncëxa.

1 Corintios 3:16

¿Mitsun caramina ꞌunaniman, anua Nucën Papa Dios ꞌicë a camina mitsux ꞌai quixun? Nucën Papa Diosan Bëru Ñunshin Upí ax ca mitsunu ꞌicën.

1 Corintios 6:19

¿Aín Bëru Ñunshin Upí a Nucën Papa Diosan mitsu ꞌináncë, ax ca minu ꞌicë quixun caramina ꞌunaniman? Mitsux camina anu ax ꞌicë, a ꞌain. Usa ꞌain camina miishima ꞌain, ax ca min ꞌIbu ꞌicën.

2 Corintios 6:16

¿Anuxun Nucën Papa Dios rabiti xubunuxun cara atúnbi ꞌacë ñu unin rabiti ꞌic? Ca ꞌatima ꞌicën. Nucën Papa Dios, ax bamatimoi tsócë, a aín unicaman rabicë, ax ca mitsunu ꞌicën, axa ësai quiásabi oi: ꞌËx cana atubëbi ꞌianan uinu cara atux cuania anuribi atubë ꞌiti ꞌain. ꞌËx cana aín Dios a atun rabiti a ꞌain, atux ca ꞌën unibu ꞌiti ꞌicën.

Colosenses 1:19

Nucën Papa Dios cuëëncësabi oi ca Jesucristo ax asaribi cushiira ꞌianan upíira sinánñu ꞌiacëxa, uni ꞌaíshbi.

Colosenses 2:9

Cristonëx ca uni ꞌicën, ꞌaíshbi ca uisaira cara Nucën Papa Dios ꞌicë usaribi ꞌicën.

Hebreos 8:2

Tabernáculo cacë xubu unin ꞌacë anuxuan Levitan rëbúnqui achúshinën judíos unicama Nucën Papa Dios ñucáxuncë ꞌaínbi ca anuxunma, aín nëtë anu Nucën Papa Dios ꞌicë, anuxunbi Jesusan nu Nucën Papa Dios ñucáxunia, Nucën Papa Diosan mëníosabi oquin.