Juan 2:11 - Kashibo-Kakataibo Biblia

¹¹ Usoquin ca Jesusan Galilea menu ꞌicë ëma, Caná, anuxun aín sinanëinshi ꞌatabaquin uni itsin ꞌacëma ñu ꞌacëxa, uni itsin cushisamaira ca aín cushi ꞌicë quixuan unicaman ꞌunánun. Usaquian ñu ꞌaia isi ca aín ꞌunánmicë unicama ami catamëacëxa.

Nukën 'Ibu Diosan ain unikama 'inan ain bana

¹¹ Usoquin ca Jesusan Galilea menu 'icë ëma, Caná, anuxun aín sinanëinshi 'atabaquin uni itsin 'acëma ñu 'acëxa, uni itsin cushisamaira ca aín cushi 'icë quixuan unicaman 'unánun. Usaquian ñu 'aia isi ca aín 'unánmicë unicama ami catamëacëxa.

Juan 2:11 Iomraidhean Croise

1 Reyes 17:24

Ësakin kakëxun ka xanuxunribi Elías kakëxa: —Bërí kana ꞌën mix kamina asérabi këmëima Diosan uni ꞌai kixun ꞌunanin, ꞌimainun ka mixmi asérabi këmëima banaia Diosan kuatia.

Salmos 72:19

aín anë upíira ax ka xënibua ꞌaínbi sinánkë ꞌiti ꞌikën. ¡Usa ꞌain ka aín kushi ax xënibua ꞌaínbi kamabi menu ꞌikë unikaman ꞌunánkë ꞌiti ꞌikën! ¡Usa ka ꞌiti ꞌikën ashi!

Salmos 96:3

Anan kananuna aín kushian unin iskëma ñu upíirabu ꞌa akamaribi kamina kamabi ëmanu ꞌikë, unikaman kuanun ñuixunti ꞌain,

Éxodo 14:31

Usakian Nukën ꞌIbun ain kushin Egiptonu ꞌikë unikama ꞌaia isi ka israel unibu Nukën ꞌIbu rabi, ami katamëti rantinpuruni tsóbuti ꞌianan Moisésnën kakësabiokin aín bana kuakankëxa.

Éxodo 4:9

ꞌaínbia usa ka kixun sinanan min kakëxun kuaisama tánkin ënë ñu rabë́ iskinbi usa ka kixun sinánkankëbëtama kamina, ꞌumpax bakanua bixun menu chikuti ꞌain. Usakin ꞌumpax bakanua bikë a menu anpënkakëxëshi ka imi ꞌiti ꞌikën.

Eclesiastés 9:7

¡ꞌËn kana mitsu kuëënmikin kain! Usa ꞌain kananuna xëanan pianan kuëënti ꞌain, usakin ꞌaia ka Diosan nun ꞌakë ñukama ꞌupi isia.

Isaías 40:5

Usa ꞌain ka Nukën ꞌIbun aín, kushia isnun ismiti ꞌikën. Ismikëxun ka kamabi unin timë́xun isti ꞌikën, usai ka Nukën ꞌIbu ax kiaxa.”

Malaquías 2:2

Mitsun kamina ꞌëx kikësabiokin ꞌanan asérabi ꞌë rabikanti ꞌain. Usakin ꞌaiama kana ꞌën mitsu ꞌatima okin sinánxunti ꞌain. Usa ꞌainbi mitsun ꞌën kikësokin ꞌaiama okin, kana sacerdote ꞌixunmi bikë ñukama aribi mitsu bikuanti ꞌain, usa ꞌain kana ësokin mitsu ꞌati pëuan mitsun kamina ꞌë rabitisama tankanin.” Usai ka Dios kamabi kushiñuira ax kiaxa.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 1:17

Uisai cara Nucën Papa Diosan uni ꞌiti ꞌicë quixun ca Moisésnën nucën raracama ꞌunánmiacëxa. Usa ꞌaínbi ca axira uxun Jesucristonën asérabi nuibaquin aín ꞌucha tërë́nquin Nucën Papa Dios cuëëncësabi oía aín uni ꞌinun ꞌimiaxa.

Juan 1:43

Usaquian Pedro coon pëcaracëbë, Galilea menu cuanti sinani cuanquinbi ca Jesusan Felipe mëracëxa. Mëraquin ca cacëxa: —ꞌËn mi ꞌunánminun ca ꞌëbë cuani ut.

Juan 1:50

Cacëxun ca Jesusan cacëxa: —¿Higuera tanáinua cana mi isan ꞌën mi cacëxun caramina bërí, ënëx ca Nucën Papa Diosan Bëchicë ꞌicë quixun ꞌë sinanin? Minmi ꞌë iscësamaira oquin camina ꞌën ñu ꞌaia isnuxun ꞌain.

Juan 10:41

Anua ꞌain, a isi riquianxun axa quia cuati ca ꞌaisamaira uni quiacëxa: —Juanëan uni itsían ꞌacëma ñu ꞌá ꞌaínmabi ca axa ënë uni ñui quiá banacama ax asérabi ꞌicën.

Juan 11:15

Mitsúnmi ꞌën cushi isti cupí cana ꞌëx anuma ꞌian. Usa ꞌain cana anu ꞌëx ꞌicëma cupí cuëënin. Bërí anu cuanun ca cuan.

Juan 11:47

Ñuixuncëx abë timë́xun ca sacerdotenën cushicama ꞌimainun fariseo unicaman judíos cushibunën ꞌapucama cacëxa: —Ënë unin ca uni itsían ꞌacëma ñu ꞌitsaira ꞌaia. ¿Usa ꞌain caranuna uisa oti ꞌain?

Juan 12:18

Ñuia cuabiani ca anu ꞌicë unicama —usoquin ca Jesusan uni itsin ꞌacëma ñu ꞌaxa —quixun sinani a isti sinánbiani Jesús mërananquini riquiancëxa.

Juan 12:37

ꞌItsa oquin Jesusan uni itsin ꞌacëma ñu ꞌaia isquinbi ca judíos unicaman ax ca asérabi Cristo ꞌicë quixun sinánma ꞌicën.

Juan 12:41

Ësaquin ca Isaíasnën cuënëocëxa, an Nucën Papa Diosan ꞌimicëxun Jesusan usoquin ñu ꞌati isanan bana ñuixunti iscë cupí.

Juan 14:13

Añu caramina ꞌën anën ñucácësa oquin ꞌëx cuëëncësabi oquin ñucati, a cana mitsu ꞌaxúnti ꞌain, Nucën Papa Dios ca cushiira ꞌicë quixuan ꞌën ꞌaia isquin unin ꞌunánun.

Juan 16:27

An ca asérabi mitsu nuibatia. Mitsúxmi ꞌëmi sinánan ꞌëx cana Nucën Papa Diosnuax uá ꞌai quixun sináncë cupí ca an mitsu nuibatia.

Juan 16:30

Bërí cananuna ꞌunanin, upí oquin camabi ñu ꞌunánquin camina bana ñuixuanan bëtsi ñuribi ꞌan. A cupí cananuna mi ñucátëcënquinma, asérabi ca usa ꞌicë quixun ꞌunánan mix camina asérabi Nucën Papa Diosnuax uá ꞌai quixun ꞌunanin.

Juan 2:1

Rabë́ nëtë ꞌiónxa pëcaracëbëtan ca Galilea nëtënu ꞌicë ëma, Caná cacë, anuxun uni achúshinën aín bëchicë xanu bimiti ꞌain, aín aintsi ꞌibucama pi unun quixun aín uni camiacëxa. Anu ca Jesusan titaribi ꞌiacëxa.

Juan 2:23

Pascua anun carnero ꞌati nëtën Jerusalénu ꞌixuan Jesusan uni itsin ꞌacëma ñu ꞌaia isi ca ꞌaisamaira uni —an ca asérabi Nucën Papa Diosan cushin ñu ꞌaia —quixun sináncëxa.

Juan 3:2

Usa ꞌixun ca anu ñantan cuanxun Jesús cacëxa: —Unían mix camina cushiira ꞌai quixun ꞌunánun camina uinu ꞌicë unínbia ꞌacëma ñu ꞌain. Nucën Papa Diosa abëma ꞌain ca uinu ꞌicë unínbi minmi ꞌacësoquin ñu ꞌatima ꞌicën. Usa ꞌain cananuna ꞌunan, Nucën Papa Diosan ca minmi nu ꞌunánminun ënë menu mi xuacëxa quixun.

Juan 4:3

Usaquian fariseo unicaman cuacëxun ꞌunánbiani ca Jesús Judea menuax amiribishi Galilea menu cuantëcëancëxa.

Juan 4:46

Usa ꞌain ca Galilea nëtënua ꞌicë ëma Caná, anuxuan bëráma ꞌunpax vino ocë, anu Jesús bëbacëxa. Bëbamainun ca ꞌapun uni achúshi aín bëchicënëx Capernaúm ëmanu ꞌinsíncë ꞌiacëxa.

Juan 4:54

Usaquin ca Jesusan Judea nëtënuax cuantancëxun Galilea menuxun bëráma ꞌacësa oquin uni itsin ꞌacëma ñu ꞌatëcëancëxa.

Juan 5:23

a rabicësaribi oquían camabi unin ꞌëribi rabinun. An aín Bëchicë ꞌicë ꞌë rabicëma, an ca ꞌën Papa an ꞌë xuá, aribi rabima.

Juan 6:14

Usaquian Jesusan ꞌaia isi ca anu ꞌicë unicamax quiacëxa: —Asérabi ca ënë uni axa Nucën Papa Dios quicë bana uni ñuixuni utinu nun caíncë, a ꞌicën.

Juan 6:2

Cuancëbë ca an uni itsían ꞌacëma ñu ꞌanan uni ꞌinsíncë pëxcuia iscë unicama Jesús nuibiani cuancëxa.

Juan 6:26

Cacëxun ca Jesusan cacëxa: —Asérabi cana ꞌën mitsu cain, ꞌën pán pimicëx puchonx camina a sinánbëtsini ꞌë bari uan. Ui carana ꞌëx ꞌai quixunmi mitsun ꞌunánun, uni itsían ꞌacëma ñu ꞌën ꞌacë a isunbi camina ui carana ꞌëx ꞌai quixun sinaniman.

Juan 6:30

Cacëxun ca cacëxa: —¿Nuxnu mimi sinánun caramina añu nun isnun ꞌati ꞌain? ¿Añu caramina ꞌati ꞌain?

Juan 7:31

Judíos unin ꞌapucaman ami nishquin Jesús biisa tancëbëbi ca ꞌaisamaira unix ami sinani quiacëxa: —¿Ënë unían unin ꞌacëma ñu ꞌacësamaira oquin cara axa utinu nun caíncë, Cristo, ax uquin ꞌati ꞌic?

Juan 9:16

Quixuan cacëx ca fariseo uni raírinëx quiacëxa: —A unin ca anun ñu mëëtima nëtën ñu ꞌaia. Usa ꞌaish ca Nucën Papa Diosnuaxa ucë uni ꞌitima ꞌicën. Quiáxa quicëbë ca raíri quiacëxa: —¿An ñu ꞌatima ꞌacë unin cara ësaquin uni itsían ꞌacëma ñu ꞌati ꞌic? Usari ca bëtsi bëtsi oquin sinani atúxbi quiacëxa.

2 Corintios 3:18

Usa ꞌain cananuna bëmápucucësama ꞌixun, Jesús ca asérabi Cristo ꞌicë quixun ꞌunani ami catamëti ainan ꞌain. Barían pëcaquin espejo ichucësaribi oquin ca Jesucristonënbi asaribi ꞌinun aín upí nu ꞌinania. Usaquian nu ꞌacëx cananuna bërámanu ꞌá ñucama ëuncubiani Jesucristo cuëëncësabi oi bëtsi sinánñu ꞌaish, asaribi ꞌin. Aín Bëru Ñunshin Upitanbia ꞌimicëx cananuna usai ꞌin.

2 Corintios 4:17

Cananuna ꞌunanin, ënë nëtënuaxnu tëmëracë ꞌaínbi ca a ñucamax bënëtishi cëñutia. Tëmëracëbi ca nun sináncësamaira oquin Nucën Papa Diosan nux tëmëracë cupínu abë́ ꞌaish chuámarua tani cuëëinra cuëënun nu ꞌimiti ꞌicën.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

1 Juan 5:13

Aín Bëchicëmi catamëcë ꞌaish camina ainan ꞌaish Nucën Papa Diosbë xënibua ꞌaínbi ꞌiti ꞌai quixunmi ꞌunánun cana ënë ñucama mitsu cuënëoxunin.