Juan 19:9 - Kashibo-Kakataibo Biblia

⁹ Racuëti aín xubunu atsíntëcënxun ca Jesús cacëxa: —¿Uinu ꞌicë uni caramina ꞌain? Cacëxunbi ca cáma ꞌicën.

Nukën 'Ibu Diosan ain unikama 'inan ain bana

⁹ Racuëti aín xubunu atsíntëcënxun ca Jesús cacëxa: —¿Uinu 'icë uni caramina 'ain? Cacëxunbi ca cáma 'icën.

Juan 19:9 Iomraidhean Croise

Isaías 53:7

Ax ka ꞌatima okë ꞌiaxa, ꞌaínbi ka ñuumarasa ꞌixun ꞌinamëkin tënëti ꞌikën, ꞌianan ka uisa banarabi banatima ꞌikën; usai ꞌiaka, anuxun ꞌatinua carnero aín bënë bërí kanikë buankësa okin buankanti ꞌikën, usai ꞌika ax uisaibi banaima nëtë́ax aín rani tëakëxun carneronën tanshikë usaíshi ꞌiti ꞌikën.

Mateo 26:63

Quixuan cacëxbi ca Jesús quiáma ꞌicën. Quiamoquin ca judíos sacerdotenën cushicaman ꞌapun amiribishi catëcëancëxa: —Nucën Papa Dios axa bamatimoi tsócë, an cuamainun ca nu ñuixun, ¿mix caramina asérabi aín Bëchicë, Cristo, axa utinu nun caíncë, a ꞌain?

Mateo 27:27

Usomitancëxuan ꞌináncëxun ca suntárucaman anua Pilato ꞌicë xubu mëúa ꞌicë anu Jesús buáncëxa. Buánxun ca suntárucaman raíri timëacëxa.

Lucas 23:9

Usai cuëënquia ꞌitsaira bana ñucácëxunbi ca Jesusan cáma ꞌicën.

Juan 18:28

Pëcaracëma ꞌaínshia xabaracë́cëbëtan ca Caifásnën xubunua policíanën Jesús Romanuaxa ucë ꞌapu, Pilato, aín xubunu buáncëxa. Usa ꞌain ca a ꞌapua aín caibuma ꞌain, aín xubunu atsini ꞌuchaxuinsa Pascua nëtën ꞌati ñu pitima ꞌicë quixun sinani judíos unicama anu atsíanma ꞌicën.

Juan 18:33

Usa ꞌain ca judíos unicama cabiani aín xubunu atsíntëcënxun cuëncë́xa aia Pilatonën Jesús cacëxa: —¿Mix caramina judíos unicaman ꞌapu ꞌain?

Juan 18:34

Cacëxun ca Jesusan cacëxa: —¿Minbi sinánquin caramina ësoquin ꞌë ñucatin? ¿Bëtsi unin cara ꞌë ñuiquin mi cacëma ꞌic?

Juan 18:37

Cacëxun ca Pilátonën catëcëancëxa: —¿Usa ꞌain caramina asërabi ꞌapu ꞌain? Quixuan cacëxun ca Jesusan cacëxa: —ꞌËx cana ꞌapu ꞌain, min ꞌë cacësabi oi. Usai ꞌinux cana ënë nëtënu uacën, Nucën Papa Diosan sináncë ñucama ñuiquin camabi uni canux. Uicaman cara uisaira cara a bana ꞌicë quixun ꞌunántisa tania, an ca ꞌën bana cuatia.

Juan 19:10

Cacëxunma ca Pilátonën cacëxa: —¿ꞌËn mi ñucácëxunbi caramina ꞌëribi caiman? ꞌËx cuëënquin cana mi chiquínti ꞌain; ꞌëx cuëënquin cana unían mi i curúsocënu matásnun ꞌamiti ꞌain. ¿A caramina ꞌunaniman?

Juan 19:8

Usa ꞌain ca ꞌëx cana Nucën Papa Diosan Bëchicë ꞌai quiax quia quixun judíos unicaman ñuia cuati Pilato aín bëmánan pëqui ꞌaisamaira racuë́acëxa.

Juan 8:14

Cacëxun ca Jesusan cacëxa: —ꞌËxbi ꞌëx cana usa ꞌai quicëxbi ca ꞌën banax asérabi ꞌicën. Uinuax carana uan, uinu carana cuani quixun cana ꞌën ꞌunanin. ꞌËn ꞌunáncë ꞌaínbi camina mitsun, uinuax carana ꞌëx uan, uinu carana cuani quixun ꞌunaniman.

Filipenses 1:28

Cuanan cana mitsumi nishquian unin ꞌatimocëxunbi camina racuë́quin a ëníma Jesucristomi catamëti quixuan unin ñuia cuaisa tanin. Mitsúxmi usai ꞌicëbëtan ca Nucën Papa Diosan sinánmicëxun axa mimi nishcë unicaman ꞌunánti ꞌicën, ainanma ꞌaish ca atux nëtë́timoi usabi ꞌinux bamati ꞌicë quixun. ꞌUnánan ca mitsux camina ainan ꞌinux ië́cë ꞌaish Nucën Papa Diosbë ꞌiti ꞌai quixun ꞌunánti ꞌicën.

Jueces 13:6

Usokin kakëx kuanxun ka xanun aín bënë ñuixunkin kakëxa: Achúshi Diosan uni ka anu ꞌëx ꞌikënu uaxa, anuxun ka ënkinma ꞌë kaxa, kakëxun iskëxbi ka Nukën ꞌIbun ángel iskësa ꞌiaxa. Usa ꞌikë kana uikara ax ꞌikë kixun ñukákëma ꞌain, anbi ka ui uni kara ax ꞌikë kixun ꞌë kakëma ꞌikën.