Juan 19:42 - Kashibo-Kakataibo Biblia

⁴² A quiníxa ꞌurama ꞌain ca Pascua nëtë ꞌaían atux a nëtën tantiti cupí anu racántancëxun Jesús mëníocëxa.

Nukën 'Ibu Diosan ain unikama 'inan ain bana

⁴² A quiníxa 'urama 'ain ca Pascua nëtë 'aían atux a nëtën tantiti cupí anu racántancëxun Jesús mëníocëxa.

Juan 19:42 Iomraidhean Croise

Salmos 22:15

ꞌËn kuëbitax ka mapú xuikëx ëski ꞌirukë usaribi ꞌikën; ꞌimainun ka ꞌën ana manxantanu takáshkikë usaribi ꞌikën. ¡Usa ꞌikë kamina bamax menu rakakësa ꞌitánun ꞌë ëan!

Isaías 53:9

ꞌAtankëxun ka uni ꞌatimakama anu maínkë a rapasu maianan, uni bana kuakëma anu maínkë, rapasu maínti ꞌiti ꞌikën, ꞌaínbi ka ax uínsarabi uni ꞌakëma ꞌianan këmëi banakëma ꞌiti ꞌikën.

Mateo 12:40

Jonás ax ca bacanu ꞌicë ñuina cha aín pucunu rabë́ ꞌimainun achúshi nëtë, ꞌimainun rabë́ ꞌimainun achúshi imë́ribi ꞌiacëxa. Usaribiti cana uni ꞌinux Nucën Papa Diosnuax uá, ꞌëx rabë́ ꞌimainun achúshi nëtë, ꞌimainun rabë́ ꞌimainun achúshi imë́ matá quiniocë anu racáncë ꞌiti ꞌain.

Juan 19:14

Pascua nëtë imë́ishi ꞌinun a nëtën piti anun mëníoti nëtëan bari xamárumainun ca anu tsóxun Pilátonën judíos unicama cacëxa: —A cënë ꞌicën, mitsun ꞌapu.

Juan 19:20

Usa ꞌain ca Gólgota matá anuxuan Jesús i curúsocënu matáscancë, axa Jerusalén ꞌurama ꞌain, raírinëxa umainun raírinëxribi cuanquin judíos unicaman a bana cuënëocë isacëxa. A banax ca hebreo banan ꞌanan, latín banan ꞌanan, griego banánribi cuënëocë ꞌiacëxa.

Juan 19:31

Pascua nëtëa imë́ishi ꞌiti ꞌain ca a nëtë́xa bëtsi nëtësamaira anun ñu mëëtima ꞌain, i curúsocënu matáscë unicama anubi ꞌiti judíos unicaman cuëëanma ꞌicën. Usa ꞌixun ca Pilatonëan aín suntárucama i curúsocënu ꞌicë unicama aín xo tëcë́nmianan i curúsocënua biminun cacëxa.

Juan 19:41

Usoquian Jesús mëníocë ꞌain ca i curúsocë ꞌurama anu i ꞌapácë naëratsu matánu ꞌiacëxa. Anu ca me naëcë achúshi anu uni bamaia mëníoti ꞌacë ꞌaínbia anu uni mëníocëma pan ꞌiacëxa.

Hechos 13:29

Usai ca ax ꞌiti ꞌicë quiáxa a ñui cuënëo bana quiásabi oquin ca bamamiacëxa. Usa ꞌain ca i curúsocënua bamacë bitancëxun mapara naëcënu nanxun mëníocëxa.

1 Corintios 15:4

Bamacëa maíncancëxbi ca rabë́ nëtë ꞌiónxa pëcaracëbë baísquiacëxa. Usaía ꞌiti ñuiquin ca Nucën Papa Diosan ꞌamicëxun aín unin cuënëocëxa.

Colosenses 2:12

Mitsun, Nucën Papa Diosan ca bamacëbi Cristo baísquimiacëxa quixun ꞌunánquin, an ca a cushínbi ꞌë ië́miti ꞌicë quixun ꞌunani camina ax ꞌiásaribiti nashimicë ꞌaish Cristobëbi bamacë acëñun maíncëx abëbi baísquiasa ꞌain.