Juan 19:4 - Kashibo-Kakataibo Biblia

⁴ Usocëbë chiquíquin ca Pilátonën judíos unicama cacëxa: —ꞌËn iscëx ca ënë uni ꞌuchacëma ꞌicën. Usa ꞌicëmi mitsun ꞌunánun cana a bëtëcënin.

Nukën 'Ibu Diosan ain unikama 'inan ain bana

⁴ Usocëbë chiquíquin ca Pilátonën judíos unicama cacëxa: —'Ën iscëx ca ënë uni 'uchacëma 'icën. Usa 'icëmi mitsun 'unánun cana a bëtëcënin.

Juan 19:4 Iomraidhean Croise

Mateo 27:19

Pilatoa anuxun uni manania cuati, anu ꞌain ca aín xanun achúshi uni xuquin Pilato ësoquin camiacëxa: —Ënë uni cupí cana masáquin namáan. Ax ca ꞌuchañuma ꞌicën. Usa ꞌain camina a ꞌanun uni ꞌinántima ꞌain. Ësaquian aín xanun camicë banaribi sinánquin ca Pilatonën Jesús chiquíntisa tancëxa.

Mateo 27:24

Usa ꞌain ca mëníoisama ꞌinun sharati unicama tsuáquirumisari ꞌia isi, atun ismainunbi, ꞌumpaxan mëchucaquin ca Pilatonën cacëxa: —Ënë uníxa bamacëbëbi ca ꞌën ꞌuchama ꞌicën. Mitsux cuëënxun camina ꞌati ꞌain.

Mateo 27:4

ꞌInánquin ca cacëxa: —ꞌËn cana ñancánbi ꞌuchañuma ꞌicëbi a uni mitsu ꞌinan. Usa ꞌaish cana ꞌëx ꞌuchañuira ꞌain. Cacëxunbi ca cacancëxa: —A ñu cananuna nun ꞌunaniman. Ax ca min ꞌuchabi ꞌicën, minbi camina mëníoti ꞌain.

Mateo 27:54

Me shaíquimainuan usai bëtsi ñuribi ꞌia isi ca suntárunën cushibëtan an unínma Jesús i curúsocënua nanpatia quixun a bërúancë suntárucamaxribi ꞌaisamaira racuë́acëxa. Racuëti ca —ënë unix ca asérabi Diosan Bëchicë ꞌiaxa —quiax quiacëxa.

Lucas 23:4

Jesusan cacëxun cuaquin ca Pilátonën sacerdotenën cushicama ꞌimainun anu timë́cë unicama cacëxa: —ꞌËn iscëx ca ënë uni ꞌatima ñu ꞌacëma ꞌicën.

Lucas 23:41

Asérabi cananuna nux nun ꞌucha cupí paë tanin. Usa nux ꞌaínbi ca ënë uni añu ꞌuchabi ꞌacëma ꞌicën.

Lucas 23:47

Usaía ꞌicëcama isquin ca Romanu ꞌicë capitán Nucën Papa Dios rabi quiacëxa: —Asérabi ca ënë unix ꞌuchañuma ꞌiaxa.

Juan 18:33

Usa ꞌain ca judíos unicama cabiani aín xubunu atsíntëcënxun cuëncë́xa aia Pilatonën Jesús cacëxa: —¿Mix caramina judíos unicaman ꞌapu ꞌain?

Juan 18:38

Cacëxun ca Pilátonën Jesús cacëxa: —¿Uisa cara min Diosan sináncë ꞌic? Usaquin catancëx amiribishi ëman chiquíquin ca Pilátonën judíos unicama cacëxa: —ꞌËn iscëx ca ënë uni ꞌatima ñu ꞌacëma ꞌicën.

Juan 19:6

Cacëx ca sacerdotenën cushicama ꞌimainun policíacamaxribi a isi munuma cuëncëni quiacëxa: —I curúsocënu ca matas, i curúsocënu ca matas. Cacëxun ca Pilátonën cacëxa: —ꞌËn iscëx ca ënë uni ꞌuchacëma ꞌicën. Usa ꞌain ca mitsúnbi buántancëxun i curúsocënu matástan.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Hebreos 7:26

Usa ꞌaían Jesús axira nun sacerdote ꞌiti ca upíira ꞌicën. Nucën Papa Diosan iscëx upíira ꞌixun ñu ꞌatima ꞌacëma ꞌianan ñu ꞌatima ꞌati sináncëma ꞌianan ax upíira sinánñu ꞌaish ca aín Papabë ꞌApuira ꞌicën.

1 Pedro 1:19

Usama ca. Judíos unicaman aín ꞌucha cupí uisaíbi ꞌicëma carnero aín upíira rëmia ꞌaínbi ca aín imi ꞌapati Cristo bamacë a cupí mitsun ꞌucha tërë́nquin ainan ꞌinun Nucën Papa Diosan mitsu ië́miaxa.

1 Pedro 2:22

Cristonën ca uisa ñu ꞌatimabi ꞌama ꞌicën. ꞌAnan ca uisaquinbi uni paránma ꞌicën.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.

1 Juan 3:5

Camina ꞌunanin, unin ꞌuchacama tërë́nux ca Jesucristo uacëxa, ax uisa ꞌuchañumabi ꞌixun.