Juan 19:20 - Kashibo-Kakataibo Biblia

²⁰ Usa ꞌain ca Gólgota matá anuxuan Jesús i curúsocënu matáscancë, axa Jerusalén ꞌurama ꞌain, raírinëxa umainun raírinëxribi cuanquin judíos unicaman a bana cuënëocë isacëxa. A banax ca hebreo banan ꞌanan, latín banan ꞌanan, griego banánribi cuënëocë ꞌiacëxa.

Nukën 'Ibu Diosan ain unikama 'inan ain bana

²⁰ Usa 'ain ca Gólgota matá anuxuan Jesús i curúsocënu matáscancë, axa Jerusalén 'urama 'ain, raírinëxa umainun raírinëxribi cuanquin judíos unicaman a bana cuënëocë isacëxa. A banax ca hebreo banan 'anan, latín banan 'anan, griego banánribi cuënëocë 'iacëxa.

Juan 19:20 Iomraidhean Croise

Lucas 23:38

Anua a matáscancë i curúsocënu ca Jesús manámi ësaquin cuënëocë bana matáscë ꞌiacëxa: “Ënëx ca judíos unicaman ꞌapu ꞌicën”. A banax ca griego banan cuënëocë ꞌianan Romanu ꞌicë unin bana, latín cacë, anun cuënëocë ꞌianan judíos unibunën bana, hebreo cacë, anúnribi cuënëocë ꞌiacëxa.

Juan 19:13

Usaquian judíos unicaman cacëxun Jesús ëman chiquímitancëx ca Pilato anuxuan ami uni manáncëxun cuacë anu tsóbuacëxa. Anu tsóti ax ca me mëníoquian anu maxax nancë ꞌaish hebreo banan Gabata cacë, ꞌiacëxa.

Juan 19:42

A quiníxa ꞌurama ꞌain ca Pascua nëtë ꞌaían atux a nëtën tantiti cupí anu racántancëxun Jesús mëníocëxa.

Juan 5:2

Jerusalénu cënëa aín xëcuë achúshi, Oveja cacë, a bëtánain ca unin ꞌacë ꞌian ꞌiacëxa. Ax ca hebreo banan Betesda caquin anëcë ꞌiacëxa. A ꞌian rapasu, anua uni niti, anu ca mëcën achúshi itá nitsíncë ꞌaish manan tapuñu ꞌiacëxa.

Hechos 21:37

Usoquin buánxuan atun xubunu suntárucaman atsínmicëxunbi ca Pablonën comandante cacëxa: —¿Bananun caina ꞌë ꞌimitima ꞌain? Cacëxun ca comandantenën cacëxa: —¿Griego banan banati caina ꞌunan?

Hechos 21:40

Cacëxun ca comandantenën —camina cati ꞌai —quixun cacëxa. Cacëx tapitinu nixun mëcënan sanáncëxa nëtëtia ca Pablonën hebreo banan banaquin ësaquin unicama cacëxa:

Hechos 22:2

Caía, hebreo banan Pablo banaia cuati ca pascësarua ꞌinun nëtë́acëxa. Nëtëtia ca Pablonën cacëxa:

Hechos 26:14

Pëcacëx cananuna camáxbi menu nipacëacën. Nipacëxun cana hebreo banan ësai quia cuacën: “Saulo, Saulo, ¿uisoti caramina ꞌë bëtsi bëtsi oin? Ami tatíqui chacati nishquin i tapun, taën ꞌaquinmi paë tancësa, usaribiti camina mibi ꞌin. Usaquin ꞌë ꞌai ꞌëmi sinántisama tani camina mixbi ꞌatimóracatin”.

Hebreos 13:12

Usaribiti ca Jesús, Jerusalén ꞌuri aín imi ꞌapati i curúsocënu, camabi uníxa aín ꞌucha tërë́ncë ꞌaish Nucën Papa Diosnan ꞌinun, bamacëxa.

Apocalipsis 16:16

Ñunshin ꞌatimacama tuan tita iscësa, an sinánmicëx ca camabi menu ꞌicë ꞌapucama ꞌimainun aín suntárucamax Armagedón cacë me anu timë́axa. A mex ca hebreo banan Armagedón cacë ꞌicën.

Apocalipsis 9:11

A chanpucaman ꞌapu ax ca quini chaira ꞌaish nëmíinra anu ꞌicë ñunshíncaman cushi ꞌiaxa. A ñunshinan anëx ca hebreo banan cacë Abadón ꞌicën, griego banan cacë ca Apolión ꞌicën.