Juan 19:19 - Kashibo-Kakataibo Biblia

¹⁹ Usocamainun ca Pilátonën cuënëomitancëxun i curúsocënu ësai quicë bana matásmiacëxa: “Jesús, Nazaretnu ꞌicë, judíos unicaman ꞌapu”.

Nukën 'Ibu Diosan ain unikama 'inan ain bana

¹⁹ Usocamainun ca Pilátonën cuënëomitancëxun i curúsocënu ësai quicë bana matásmiacëxa: “Jesús, Nazaretnu 'icë, judíos unicaman 'apu”.

Juan 19:19 Iomraidhean Croise

Mateo 2:23

Galilea menu bëbatancëx ca Nazaret ëmanu tsoti cuancëxa, usai ꞌitioquian an Nucën Papa Dios quicë bana uni ñuixuncë unicaman ñuiasabi oi. A banax ca ësai quia, Jesús ca Nazaretnu ꞌicë uni ꞌicë quixun ca unin caia.

Mateo 27:37

Bërúanquin ca Jesusan maxcá manámi, uisa ꞌicë cara bamamiaxa quixun cuënëocë bana matásacëxa, ësai quicë: “Ënëx ca Jesús, judíos unibunën ꞌapu, a ꞌicën”.

Marcos 15:26

Uisa ꞌicë cara bamamiaxa quixun cuënëoxuan nancë bana ax ca ësai quicë ꞌiacëxa: Ënëx ca judíos unicaman ꞌapu ꞌicën.

Lucas 18:37

Ñucácëxun ca cacancëxa: —Nazaretnu ꞌicë uni, Jesús, ax ca uaxa, a cënë cuania.

Lucas 23:38

Anua a matáscancë i curúsocënu ca Jesús manámi ësaquin cuënëocë bana matáscë ꞌiacëxa: “Ënëx ca judíos unicaman ꞌapu ꞌicën”. A banax ca griego banan cuënëocë ꞌianan Romanu ꞌicë unin bana, latín cacë, anun cuënëocë ꞌianan judíos unibunën bana, hebreo cacë, anúnribi cuënëocë ꞌiacëxa.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë ꞌianan Israel unicaman ꞌapu ꞌain.

Juan 18:33

Usa ꞌain ca judíos unicama cabiani aín xubunu atsíntëcënxun cuëncë́xa aia Pilatonën Jesús cacëxa: —¿Mix caramina judíos unicaman ꞌapu ꞌain?

Juan 19:12

Usoquian Jesusan cacëxuan Pilátonën Jesús chiquínti sinaniabi ca judíos unicaman munuma cuëníshoquin cacëxa: —Min ënë uni chiquíanx camina Romanu ꞌicë ꞌapu Césarbë upí ꞌitima ꞌain. Uinu ꞌicë unix cara —ꞌëx cana ꞌapu ꞌai —quia, ax ca Césarbë nishanancësa ꞌiti ꞌicën.

Juan 19:14

Pascua nëtë imë́ishi ꞌinun a nëtën piti anun mëníoti nëtëan bari xamárumainun ca anu tsóxun Pilátonën judíos unicama cacëxa: —A cënë ꞌicën, mitsun ꞌapu.

Juan 19:21

Usoquian cuënëocë ꞌain ca judíos sacerdotenën cushicaman Piláto cacëxa: —“Judíos unicaman ꞌapu ca” quixun cuënëoxunma ca ꞌat. Usoquinma ca “axa, ꞌëx cana judíos unicaman ꞌapu ꞌai quicë, a ca ënëx ꞌicë” quixun ꞌat.

Juan 19:3

Usotancëxun ca aín bëmánanu niracëquin ꞌusánquin —judíos unicaman ꞌapu ca chuámashi ꞌit —caquin tantáshcacëxa.

Hechos 26:9

Catancëxun ca ësaquinribi Pablonën cacëxa: —ꞌËn cana sináncën, ꞌën Jesús Nazaretnu ꞌicë ami catamëcë unicama bëtsi bëtsi oti isa Nucën Papa Diosan iscëx upí ꞌicë quixun.

Hechos 3:6

Caíncëxunbi ca Pedronën cacëxa: —Curíquiñuma cana ꞌain. Usa ꞌaínbi cana bëtsi ñun mi ꞌaquinti ꞌain. Jesucristo, Nazaretnu ꞌicë, an ꞌë ꞌamicëxun cana mi cain, niruquiani ca cuantan.