Juan 19:1 - Kashibo-Kakataibo Biblia

¹ Usa ꞌain ca Pilátonën xubunu atsíntëcënquin Jesús rishquinun quixun suntárucama cacëxa.

Nukën 'Ibu Diosan ain unikama 'inan ain bana

¹ Usa 'ain ca Pilátonën xubunu atsíntëcënquin Jesús rishquinun quixun suntárucama cacëxa.

Juan 19:1 Iomraidhean Croise

Isaías 50:6

An ꞌë mëëkë unikaman mëëkëxun kana ꞌëa mëëtanun tanshiakën ꞌën kuëniribi të́kakëxun kana na ꞌatanun tanshiakën. ꞌImainun kana ꞌën bëmánanribi ꞌatimakin ñuikin bëtushu kakëxunbi ꞌën bëmánan ñuñai amo bësuakëama ꞌain.

Isaías 53:5

ꞌAínbi ka nun bana kuakëma kupí ax bëtsi bëtsi okin mëëkë ꞌiti ꞌikën, usokin ka nun ꞌuchakama kupí ꞌati ꞌikën; axa usai tëmërakë ꞌain kananuna nux upitax tsótin, ꞌianan kananuna rishkikin aín nami tëakan ꞌain uisabi ꞌikëma upiti tsóti ꞌain.

Mateo 20:19

judíosma unicaman ꞌanun ꞌë ꞌinánti ꞌicën. ꞌË bëtsi bëtsi onan ꞌëmi cuaianan ꞌë mëëtancëxun ꞌëx bamanun i curúsocënu matásnun ca judíos unicaman ꞌë judíosma unicama ꞌinánti ꞌicën. Usoquian ꞌë ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Mateo 23:34

ꞌËn cana unicama ꞌën bana ꞌunánquian a uni ñuixunun ꞌimianan raíriribi ꞌën bana unicama ꞌunánminun ꞌimicëbi camina raíri ꞌanan raíri i curúsocënu matásun bamaminuxun ꞌain. Raíri camina anu timë́ti xubu anuxun rishquinuxun ꞌain. Raírinëan ꞌachushi ëmanuxun bana ñuixuniami mitsun bëtsi bëtsi ocëbëa bëtsi ëmanu cuancëbë anu mitsúxribi cuanxun camina usaribi oquin ꞌatëcënuxun ꞌain.

Lucas 18:33

Usoquin bëtsi bëtsi oquin mëëtancëxuan ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Lucas 23:16

Usa ꞌain cana paë tanmitancëxuinshi cuantánun ënti ꞌain.

Lucas 23:23

Quicëbëbi ca usaribiti amiribishi munuma sharárui quitëcëancëxa, bamatanun i curúsocënu matáscë ca ꞌiti ꞌicë quiax. Usai quia ca Pilatonën atu sinanamicasmacëxa.

2 Corintios 11:24

Mëcën achúshi oquin ca judíos unicaman ꞌë treinta y nueve oquin rishquiacëxa.

Hebreos 11:36

Raíri uni ca Nucën Papa Diosmi catamëcë cupí unin ami cuaianan rishquiacëxa. Raíri ca unin manë risin nëaxun sipuacëxa.

1 Pedro 2:24

Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.