Juan 18:8 - Kashibo-Kakataibo Biblia

⁸ Cacëxun ca Jesusan cacëxa: —ꞌËx cana a ꞌai quixun cana mitsu can. Usa ꞌain camina mitsun ꞌë bariquin ꞌëbë ꞌicë unicama ënë cuantánun ënti ꞌain.

Nukën 'Ibu Diosan ain unikama 'inan ain bana

⁸ Cacëxun ca Jesusan cacëxa: —'Ëx cana a 'ai quixun cana mitsu can. Usa 'ain camina mitsun 'ë bariquin 'ëbë 'icë unicama ënë cuantánun ënti 'ain.

Juan 18:8 Iomraidhean Croise

Isaías 53:6

Kamabi nukamax kananuna ovejakama nëtë́kësa ꞌinun, nukamax achúshi achúshinëx nun kuëënkësoishi niakën, ꞌaínbi ka Nukën ꞌIbun ainansa ꞌikë nun ñu ꞌatima ꞌakëkama kamabi nukamanua mëníokëxa.

Mateo 26:56

Anuxun ꞌë bixunmabimi mitsun bërí ꞌë bicë ënëx ca asérabia an Nucën Papa Dios quicë bana uni ñuixuncë unin cuënëo bana quicësabi oi ꞌia. Usoquian atu caia cuabiani ca aín ꞌunánmicë unicamax Jesús ëbiani abácëxa.

Juan 10:28

Acama cana nëtë́timoi Nucën Papa Diosnan ꞌinun ꞌimiti ꞌain. ꞌImia ca uínbi atu ꞌë bicuantima ꞌicën.

Juan 13:1

Pascua anun carnero ꞌati nëtëa ꞌicëma pan ꞌain ca Jesusan ꞌunáncëxa, anúan ënë menuax aín Papanu cuanti nëtë ca ꞌuramatia quixun. Jesusan ca ënë menuxuan aín bana cuacë unicama camabi nëtën upí oquin nuibacëxa. Usa ꞌain ca Jesús ax an atu nuibacë cupí bamaia aín unicaman —asérabi nu an nuibati ca usai bamaia —quixun ꞌunánti nëtë ꞌuramacëxa.

Juan 13:36

Usaquian cacëxun ca Simón Pedronën Jesús cacëxa: —¿Uinu caramina cuanin? Cacëxun ca Jesusan cacëxa: —Anu ꞌëx cuanti, anu camina bërí ꞌëbë cuantima ꞌain. Anúnmi cuanti nëtë sënë́ncëbë camina cuanti ꞌain.

Juan 16:32

ꞌUnanibi camina bëríbi camáxbi ꞌë ëbiani tsuáquiquiani amami amamitan cuanti ꞌain. Usai camina bëríbi ꞌë ëbiani cuancanin. Mistúxmi ꞌë ëbiani cuancëbëbi cana ꞌëshi ꞌima, Nucën Papa Dios ax ca ꞌëbë ꞌicën.

Juan 18:7

Usai ꞌia ca amiribishi Jesusan ñucátëcëancëxa: —¿Ui caramina baricanin? Cacëxun ca: —Jesús, Nazaretnu ꞌicë uni, a cananuna bari —quixun cacancëxa.

Juan 18:9

Atúan bixun ꞌatimocëxun aín unicaman ami sinánti ënti rabanan ca Jesusan usoquin an biti unicama cacëxa, aín bana, “minmi ꞌë ꞌináncë unicama achúshinëxbi ca ꞌëmi sinánti ëncëma ꞌicën” quicësabi oía ꞌinun.

1 Corintios 10:13

Ñu ꞌatima ꞌati sinánquinbi camina ꞌunánti ꞌain, mitsúinshima uni itsínribi ca usaribi oquin sinani tëmëraia quixun. Usa ꞌaínbi ca Nucën Papa Diosan, ax quicësabi oquin mitsu ꞌaquinquin, ñunshin ꞌatimanën mitsu ꞌaisamaira oquin tanun ënima. An ca ami catamëquinmi min ñu ꞌatima ꞌati sináncë ënun mitsu cushioquin, uisaxun caramina ënti ꞌai quixun mitsu sinánmiti ꞌicën.

2 Corintios 12:9

Ñucácëxunbi ca ꞌë caxa: “ꞌËn mi nuibaquin ꞌaquincëxun ꞌunani camina usashi ꞌiti ꞌain. An —cushima cana ꞌai —quixun sináncë uni, a cana ꞌën cushínbi upí oquin ñu ꞌanun ꞌaquinin”. Usoquin ca Nucën ꞌIbu Jesucristonën upiti ami catamëquin ñucë ꞌixunbi ñu ꞌanun ꞌë ꞌaquinia quixun ꞌunani cana ꞌëx ñucë ꞌaíshbi cuëënin.

Efesios 5:25

Ainan ꞌinun unicama nuibati ca Cristo bamatsianxmabi bamacëxa. Usoquin ca an aín unicama nuibatia. Usaribi oquin ca bëbuxun xanuñu ꞌixun aín xanu nuibati ꞌicën.

1 Pedro 5:7

Uisaquin sinani caramina masá nuituti, añu ñu sinani caramina racuëti, a ñuiquin camina Nucën Papa Dios cati ꞌain, an ca mitsu nuibaquin bërúanquin ꞌaquinia quixun ꞌunánquin.