Juan 18:12 - Kashibo-Kakataibo Biblia

¹² Usa ꞌain ca suntárucama, aín comandante ꞌimainun judíos unibunën xucë policía acaman bixun Jesús nëacëxa.

Nukën 'Ibu Diosan ain unikama 'inan ain bana

¹² Usa 'ain ca suntárucama, aín comandante 'imainun judíos unibunën xucë policía acaman bixun Jesús nëacëxa.

Juan 18:12 Iomraidhean Croise

Génesis 22:9

Anu kuanuan Nukën ꞌIbu Diosan kakë matá me anu bëbaxun, ka Abrahamnën anuxun ñuina xaroti maxax bukunruakëxa; usakin bukunrutankëxun ka karuribishi tíkati mabukuntankëxun aín bëchikë Isaac aribi nëakëxa, nëaxun ka anu ñuina xarotinu nankë karu kamanan;

Génesis 40:3

anua suntárukaman kushi ꞌikë capitán ꞌain xubunua ꞌikë sipu anu a rabë́bi xuakëxa, ax ka anua José sipuakë anubi ꞌiakëxa.

Salmos 118:27

Nukën ꞌIbu an ka ax Dios ꞌixun; ¡nu pë́kaia! Usa ꞌain kamina fiesta ꞌakin taëokin i pëñan chukúmabu buánti ꞌain anuxun ñuina xaroti, ain mancha ꞌikë anubi kuanti ꞌain.

Mateo 26:57

Usoquin bitancëxun Jesús buánxun ca a unicaman judíos sacerdotenën cushicaman ꞌapu, Caifás cacë, anua an Moisésnën cuënëo bana ꞌunáncë unicamabë caniacëcë unicama timë́cë, anu buáncëxa.

Mateo 27:2

Usai quitancëxun nëaxun ca Poncio Pilato, a nëtënu ꞌicë unicaman cushi, anu buáncëxa.

Mateo 27:27

Usomitancëxuan ꞌináncëxun ca suntárucaman anua Pilato ꞌicë xubu mëúa ꞌicë anu Jesús buáncëxa. Buánxun ca suntárucaman raíri timëacëxa.

Marcos 14:53

Usoquin bitancëxun ca judíos sacerdotenën cushicaman ꞌapunu Jesús buáncancëxa. Anu ca sacerdotenën cushicamabë caniacëcë unicama ꞌimainun an Moisésnën cuënëo bana ꞌunáncë unicama timë́cë ꞌiacëxa.

Marcos 15:1

Pëcaracuatsíncëbë ca judíos sacerdotenën cushicamabë caniacëcë unicama ꞌimainun an Moisésnën cuënëo bana ꞌunáncë unicama ꞌimainun judíos cushicaman ꞌapucamaribi timë́acëxa. Timë́xun nëaxun ca Jesús Pilatonu buáncëxa.

Lucas 22:54

Usoquin bitancëxun ca a unicaman Jesús buánxun judíos sacerdotenën cushicaman ꞌapun xubunu buáncëxa. Usoquian buania ca Pedronën ꞌuránxuinshi nuibiancëxa.

Juan 18:3

Usa ꞌain ca an ꞌunánxun Judasnën, judíos sacerdotenën cushicamabëtan fariseo unicaman xucë policíacëñun suntárucamaribi buáncëxa. Buáncëxun raírinëan buí ërë́ncë buánmainun raírinën anun ꞌacananti manë xëtocë ꞌimainun i tëacë acama buanx ca Jesúsmi bëbacancëxa.

Hechos 10:1

Cesárea ëmanu ca uni achúshi, Cornelio cacë, ꞌiacëxa. A unix ca cien suntárucama, Itálica cacë, aín cushi ꞌiacëxa.

Hechos 21:31

Usaquin ꞌai Jerusalénu ꞌicë camabi uni tsuáquirucëa ñuia ca comandantenën cuacëxa.

Hechos 21:37

Usoquin buánxuan atun xubunu suntárucaman atsínmicëxunbi ca Pablonën comandante cacëxa: —¿Bananun caina ꞌë ꞌimitima ꞌain? Cacëxun ca comandantenën cacëxa: —¿Griego banan banati caina ꞌunan?

Hechos 23:10

Usaría ꞌaisamairai cuëbicanáncëbë ca comandante, unicaman Pablo ꞌati sinani racuë́acëxa. Usai ꞌiquin ca comandantenën —unicama nëbë́tsinuabi bibianquin camina Pablo anunu ꞌicë xubunu buánti ꞌai —quixun aín suntárucama cacëxa. Cacëxun ca suntárucaman anua atux ꞌicënu buánxun atsínmiacëxa.

Jueces 16:21

Usai ꞌia kushiñuma ꞌaish sinánkasmaia ka filisteo unikaman ñatanxun aín bëru rabë́ ëchiakëxa, ëchíxun ka Gaza kakë ëma anu buánxun manë risi uxua ꞌakë anun tëkërë kaxun anun ñu rënti ꞌakë anua ñu rëni sipunuax tënun ëankëxa.