Juan 17:26 - Kashibo-Kakataibo Biblia

²⁶ ꞌËx atubë ꞌimainun min ꞌë nuibacësaribitia atúxribi bëtsibë bëtsibë nuibananun cana uisaira caramina mix ꞌain quixun atu ꞌunánmian. Usa ꞌixun cana usabi oquin ꞌunánmiti ꞌain.

Nukën 'Ibu Diosan ain unikama 'inan ain bana

²⁶ 'Ëx atubë 'imainun min 'ë nuibacësaribitia atúxribi bëtsibë bëtsibë nuibananun cana uisaira caramina mix 'ain quixun atu 'unánmian. Usa 'ixun cana usabi oquin 'unánmiti 'ain.

Juan 17:26 Iomraidhean Croise

Salmos 22:22

ꞌËn kana mi ñuikin ꞌën aintsikama kanan, anuxun mi rabiti xubunuax mi rabi atubë kantati ꞌain.

Juan 14:20

A nëtën camina ꞌunánuxun ꞌacanin, ꞌëx cana ꞌën Papabë ꞌain, usaribiti camina mitsux ꞌëbë ꞌain, ꞌëxribi mitsubë ꞌimainun.

Juan 14:23

Cacëxun ca Jesusan cacëxa: —Uix cara ꞌëmi sinania, ax ca ꞌëx quicësabi oi ꞌiti ꞌicën. Usai ꞌia ca ꞌën Papan nuibati ꞌicën. An nuibacëbë cana ꞌën Papabë ꞌëxribi a unibë ꞌiti ꞌain.

Juan 15:15

Usa ꞌain cana ꞌën ñu mëëmicë uni camina ꞌai quixun mitsu caiman. An ñu mëëxuncë unin ca uisoquin ñu ꞌati cara an ñu mëëmicë unin sinania quixun ꞌunanima. ꞌËbë nuibanancë unicama camina ꞌai quixun cana mitsu cain. Usa ꞌicë cana ꞌën Papan ꞌë cacë ñucama mitsu ꞌunánmian.

Juan 15:4

ꞌËx mitsubë ꞌimainun ca mitsúxribi ꞌëbëbi ꞌit. Ësa ca: Uva pëñan pëónxquicë ꞌaish aín i rarami upiti tacáshquicëma ꞌixun ca upí oquin tuaima. Upiti aín rarami tacáshquicë ꞌixun cuni ca upí oquin tuaia. Usaribiti camina mitsux asérabi ꞌëbë ꞌima uvas tuáñumasaribi ꞌiti ꞌain.

Juan 15:9

ꞌËn Papan ꞌë nuibacësaribi oquin cana mitsu ꞌitsaira nuibatin. ꞌËn mi nuibamainun camina ꞌë manuima ꞌëmi sinánti ꞌicanin.

Juan 17:23

Mix ꞌëbë ꞌicësaribiti cana ꞌëx atubë ꞌain, atúxa asérabi nuibanani bëtsin ꞌacësaribi oquin sinani achúshisa ꞌinun. Atúxa usa ꞌain ca an min bana cuacëma unicaman ꞌunánti ꞌicën, asérabi camina min ꞌë xuacë quixun. ꞌUnánan ca, ꞌëmi ꞌacësaribi oquin camina an ꞌën bana cuacë unicama nuibati quixun ꞌunánti ꞌicën.

Juan 17:6

Minmi usama ꞌicëbi ꞌëmi sinánmicë, acama cana uisa caramina mix ꞌai quixun ꞌunánun bana ñuixuan. Min unio ꞌaísha minan ꞌicëbi camina ꞌëmia sinánun ꞌimia. Usaquinmi ꞌimicëx ca ꞌën min bana ñuixuncëxun cuati ax quicësabi oi ꞌiaxa.

Juan 6:56

Ui unix cara ꞌëmi catamëti ꞌën nami pianan ꞌën imi xëacësa ꞌicë, ax ca ꞌëbë ꞌicën, ꞌëxribi cana abë ꞌain.

Juan 8:50

Unían ꞌë, ax ca upí ꞌicë caquin ꞌë rabinun quiax cana quiman. Axa ꞌëa unin rabiti cuëëanan, ꞌë ñui cara uni cëmëia, cara cëmëima quixun iscë, ax ca Nucën Papa Dios ꞌicën.

Romanos 8:10

Aín ꞌucha cupí ca camabi uni bamaia. Usa ꞌaínbi camina mitsux, Cristo mitsubë cupí, Nucën Papa Diosan iscëx upí ꞌain. Usa ꞌain ca mitsun namíxa bamacëbëbi mitsun bëru ñunshin bamatimoi Nucën Papa Diosbë ꞌiti ꞌicën.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

1 Corintios 12:12

Ënëx ca ësa ꞌicën. Aín taë, aín mëcën, aín xo, aín pucu, aín bëru, aín pabí acamaxa ꞌitsa ꞌaínbi ca uni achúshishi ꞌicën. Usaribiti ca Cristo achúshishi ꞌicën.

Gálatas 2:20

ꞌUchatëcënuxunma ashiquin ꞌën ꞌuchacama ëni cana Cristobë bamacësa ꞌain. Usa ꞌaish cana ꞌëshima, Cristo ax ꞌëbë ꞌain, aín cushínbi ax cuëëncësa oíshi ꞌin. Nucën Papa Diosan Bëchicë, axa ꞌë nuibati bamatsianxmabi ꞌën ꞌucha cupí bama, ami catamëti cana ax ꞌëbë ꞌain, ax cuëëncësabi oi ꞌin.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Efesios 3:17

ꞌImainun cana Cristomi catamëtia an mitsubë ꞌixun an cushiocë ꞌaish, uisai cara ꞌíbi bëtsibë bëtsibë nuibananquinmi,

Efesios 5:30

Nux asérabi ainan ꞌaish ax cuëëncësabi oi ꞌianan ami catamëti abë achúshisa ꞌicë ca usoquin nu bërúanquin ꞌaquinia.

Efesios 5:32

A bana bëráma cuënëo ax ca unin cuaisamasa ꞌicën. Usa ꞌaíshbi ca ꞌën sináncëx a bana uníxa usai aín xanubë ꞌiti ñui quicë ꞌaíshbi Cristonëx ca usaribiti aín unicamabë achúshisa ꞌicë quicë ꞌicën.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

Colosenses 2:10

Ax cushiira ꞌixuan an ꞌimicëxma ca ángelcama ꞌimainun ñunshíncamaribi ꞌimainun uisa ñun cushi cara, acamaxbi ñancáishi ꞌiti ꞌicën. Usa ꞌain ca Cristobëmi achúshisa ꞌain, aín cushi anúnmi Nucën Papa Dios cuëëncësabi oquin ꞌati ax mitsubë ꞌicën.

Colosenses 3:11

Judíosma unicama ꞌimainun judíos unicama, ꞌunántioracacë unicama ꞌimainun ꞌunántioracacëma unicama, bëtsi menu ꞌicë unicama ꞌimainun raëcëma unicama, an uni ñu mëëxuncë unicama ꞌimainun an uni ñu mëëxuncëma unicama, a unicamaxbi ca Cristonan ꞌaish bëtsibë sënën ꞌicën. A unicamaxbi ca Cristo abë ꞌain Cristonainshi ꞌicën.

2 Tesalonicenses 2:16

Usa ꞌain cana Nucën ꞌIbu Jesucristo ꞌimainun Nucën Papa Dios an nuibaquin nux chuámashi tani cuëënun ꞌimianan xënibua ꞌaínbi abë ꞌinun nu ꞌimicë,

Hebreos 2:12

aín bana quiricanu cuënëo quicësabi oquian aín Papa ësaquin cásabi oi: Usa camina mix ꞌai quixun cana ꞌën xucë́antu ñuixunti ꞌain. Min unicamaxa timë́cë, abëtan cana mi rabiti ꞌain.

1 Juan 3:24

Axa aín bana quicësabi oi ꞌicë unicamax ca Nucën Papa Diosbë ꞌicën, ꞌimainun ca axribi atubë ꞌicën. An nu ꞌináncë aín Bëru Ñunshin Upí ax nubë ꞌain cananuna asérabi ꞌunanin, Nucën Papa Dios ca nubë ꞌicë quixun.