Juan 17:25 - Kashibo-Kakataibo Biblia

²⁵ Papan, upíira sinánñu camina ꞌain. Usa ꞌicëbi ca an min bana cuacëma unicaman mi ꞌunanima. ꞌAínbi cana ꞌën mi ꞌunan, an ꞌën bana cuacë unicamanribi ca asérabi camina min ꞌë xuacë quixun ꞌunania.

Nukën 'Ibu Diosan ain unikama 'inan ain bana

²⁵ Papan, upíira sinánñu camina 'ain. Usa 'icëbi ca an min bana cuacëma unicaman mi 'unanima. 'Aínbi cana 'ën mi 'unan, an 'ën bana cuacë unicamanribi ca asérabi camina min 'ë xuacë quixun 'unania.

Juan 17:25 Iomraidhean Croise

Isaías 45:21

Usa ꞌain ka timë́kankë ꞌain añu karamina mitsun a ax kiti uni anu ꞌiti ꞌikën, ax ka uin kara ësokin ꞌati sinánxun axa kiax bëtsibë bëtsibë ñukákananti ꞌikën: ¿Uin kara bërámabi ënë ñukama ꞌisama ꞌaínbi kitabati usai ka ñu ꞌinuxun ꞌaia kiax kiakëx? ¿Uixira kara bërámabi usaía ñu ꞌiti ñui ꞌitabakëbë usai ka ꞌinuxun ꞌaia kiakëx? ¿ꞌËx karana min ꞌIbu ꞌaish axa a ñukama ñui kia ꞌama ꞌain? Usa ꞌain ka ꞌësaribi Dios uinubi ꞌaíma ꞌikën. Uinubi ka ꞌësaribi Dios an ain unikama bëtsibë ꞌakanania kananmikin ië́mikë ꞌaíma ꞌikën.

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Mateo 16:16

Quia ca Simón Pedronën cacëxa: —Mix camina axa bamatimoi tsócë Nucën Papa Dios aín Bëchicë, Cristo, axa utinu nun caíncë, a ꞌain.

Lucas 10:22

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Juan 1:18

Uinu ꞌicë unínbi ca Nucën Papa Dios isáma ꞌicën. Aín Bëchicë Achúshi, axa aín Papabë ꞌicë, an cuni ca uisa cara Nucën Papa Dios ꞌicë quixun nu ꞌunánmiacëxa.

Juan 15:21

Nucën Papa Dios an ꞌë xuá a ꞌunáncëma ꞌixun ca ꞌënan cupí raíri unin mitsu bëtsi bëtsi onuxun ꞌaia.

Juan 16:27

An ca asérabi mitsu nuibatia. Mitsúxmi ꞌëmi sinánan ꞌëx cana Nucën Papa Diosnuax uá ꞌai quixun sináncë cupí ca an mitsu nuibatia.

Juan 16:3

Uisa nëtë́nbi Nucën Papa Dios ꞌimainun ꞌëribi ꞌunáncëma ꞌixun ca usoquin mitsu ꞌati ꞌicën.

Juan 16:30

Bërí cananuna ꞌunanin, upí oquin camabi ñu ꞌunánquin camina bana ñuixuanan bëtsi ñuribi ꞌan. A cupí cananuna mi ñucátëcënquinma, asérabi ca usa ꞌicë quixun ꞌunánan mix camina asérabi Nucën Papa Diosnuax uá ꞌai quixun ꞌunanin.

Juan 17:11

Ënë nëtënu cana ꞌëx tiquiman, cana mibë ꞌi cuanin. ꞌËx cuancëbë ca atux ënë nëtënu bërúti ꞌicën. Mix ꞌuchañuma ꞌaish upíira ꞌianan cushiira ꞌixun camina minmi minan ꞌinun ꞌëmi sinánmicë unicama ënë bërúanti ꞌain. ꞌËx mibë ꞌicësaribitia atux bëtsibë nuibanani achúshi sinánñuishi ꞌaish achúshisa ꞌinun camina atu bërúanti ꞌain.

Juan 17:18

Minmi ënë nëtënu ꞌicë unicama mimi sinánun ꞌaquinun ꞌë xuásaribi oquin, cana ënë unicama mimi sinánun unicama ꞌaquinun xutin.

Juan 17:21

An ꞌën bana cuati unicaman, ꞌëmi catamëquin, bëtsin sináncësaribi oquin sinánti cupí cana mi ñucatin. Mixmi ꞌëbë ꞌimainun ꞌëx mibë ꞌicësaribitia nun sinánsaribi ꞌaish atux nubë achúshisa ꞌinun cana mi ñucatin. Ënë nëtënu ꞌicë unicaman, asérabi camina min ꞌë xuacë quixun ꞌunánuan atux bëtsin sináncësa oquinshi sinani, ꞌitsa ꞌaíshbi achúshisa ꞌinun cana mi ñucatin.

Juan 17:23

Mix ꞌëbë ꞌicësaribiti cana ꞌëx atubë ꞌain, atúxa asérabi nuibanani bëtsin ꞌacësaribi oquin sinani achúshisa ꞌinun. Atúxa usa ꞌain ca an min bana cuacëma unicaman ꞌunánti ꞌicën, asérabi camina min ꞌë xuacë quixun. ꞌUnánan ca, ꞌëmi ꞌacësaribi oquin camina an ꞌën bana cuacë unicama nuibati quixun ꞌunánti ꞌicën.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 3:17

Nucën Papa Diosan ca aín Bëchicë an ënë menu ꞌicë unicama aín ꞌucha cupí ꞌuchonun xuáma ꞌicën. Ama, ënë menu ꞌicë unicama aín ꞌucha tërë́nquin ainan ꞌinun ië́minun quixun ca xuacëxa.

Juan 6:19

Usocëbëbi parúnpapa cuëbínuax cuani cinco kilómetrosa ꞌixun ca aín ꞌunánmicë unicaman parúnpapanubi nicuatsinia aia Jesús isacëxa. Isi ca racuë́ira racuë́acëxa.

Juan 7:29

Anuax uá ꞌixun cana ꞌën a ꞌunan. An ca ënu unun ꞌë xuacëxa.

Juan 8:19

Usaquian Jesusan cacëxun ca fariseo unin cacëxa: —¿Uinu cara min Papa ꞌic? Cacëxun ca Jesusan cacëxa: —Mitsun camina ꞌunaniman, ui carana ꞌëx ꞌai quixun. ꞌËn Paparibi camina ꞌunaniman. Asérabi ui carana ꞌai quixun ꞌë ꞌunánquin camina ꞌën Paparibi ꞌunántsian.

Juan 8:55

Ax ca Nucën Papa Dios ꞌicë quiquinbi camina mitsun a ꞌunaniman. Mitsúnmi ꞌunaniamabi cana ꞌën a ꞌunan. ꞌËn ꞌunáncëma ca ax ꞌicë quixun mitsu cai cana ꞌëxribi mitsusaribi cëmë ꞌitsían. ꞌËn cana asérabi a ꞌunan. Usa ꞌixun cana axa quicësabi oquin ꞌain.

Hechos 17:23

ꞌËx ënë ëmanu ꞌicë bain niquin cana anuxunmi mitsun dioscama rabicë ꞌitsa isan. Isanan cana anuxun mitsun dios rabiquinmi anu ñu nanti ñu achúshinumi ësaquin cuënëocë isan: “Ënëx ca anuxun nun ꞌunáncëma dios rabiti a ꞌicën”. ꞌUnánxunmabimi rabicancë dios a cana ꞌën mitsu ñuixunin.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Romanos 1:28

Usa unicama ca ami sinántisama tania Nucën Papa Diosan aín sinan upíma ꞌixun ꞌatima ñuira ꞌanun quixun ëanxa.

Romanos 3:11

An Nucën Papa Diosan bana cuacë uni ca ꞌaíma ꞌicën. Axa Nucën Papa Diosan sinánmicë ꞌiisa tancë uni ca ꞌaíma ꞌicën.

Romanos 3:26

Usaribi oquin ca, Nucën Papa Diosan Jesucristo bamati mënío ꞌixun, bëríribi axa Jesucristomi catamëcë unicama aín ꞌuchacama tërë́nquin manumia. Usaquin ꞌacë cupí ca camabi unin ꞌunánti ꞌicën, asérabi ca Nucën Papa Diosan upíira upí ꞌixun an usai ca ꞌiti ꞌicë quixun mëníosabi oquin ꞌaia quixun.

1 Corintios 1:21

Nucën Papa Diosan upí oquin sinánquin mëníosabi oi ca uni anbi aín sinanënbi sinani Nucën Papa Diosnan ꞌitima ꞌicën. Usa ꞌaínbi ca aín bana cuati ami catamëcë unicama ainan ꞌinun ꞌimia, raírinëxa —a bana ca ñancáishi ꞌicë —quicëbëtanbi.

1 Corintios 15:34

Micama raírinën uisai ꞌiti cara Nucën Papa Dios cuëënia quixun sináncëma ꞌixun camina ñu ꞌatima ꞌain. Ñu ꞌatima ꞌacë ꞌaíshmi rabínun quixun cana ësaquin mitsu cain. Usa ꞌain camina ami sinanati ax cuëëncësabi oi ꞌiquin ñu ꞌatima ꞌatima ꞌain.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

Hebreos 8:11

ꞌËn unicaman ca ꞌë ꞌunánti ꞌicën. Ñu ꞌunáncëma ꞌimainun ñu ꞌunáncë uni, apan ꞌimainun xucamanribi ca ꞌë ꞌunánti ꞌicën. Usa ꞌain ca uinu ꞌicë unínbi bëtsi uni, aín xucë́nbi, abë ꞌicë unibi cacëxunmabi atúnbi ꞌë ꞌunánti ꞌicën.

1 Juan 1:9

Usa ꞌaínbi cananuna ꞌunánti ꞌain, nun nu nun ꞌuchacama chiquinaxuncëxun ca Nucën Papa Diosan, ax upí ꞌixun ax quicësabi oquin ꞌaquin, nun ꞌuchacama nu tërë́nxunquin upí ꞌinun nu ꞌimiti ꞌicën.

Apocalipsis 13:8

Ënë menu bucucë, ui unicamax cara me uniotabacë ꞌain, Carnero ꞌicësaribitia unin ꞌucha cupí bama, aín quiricanu aín anë cuënëoma ꞌicë, a unicaman ca axa parúnpapanuax uax ꞌirucë ñuinacanꞌëo aín bana cuanan rabiaxa.

Apocalipsis 16:5

Usaía ꞌunpáxcama ꞌicëbëtan cana an bacacama iscë ángel ësai quia cuan: —Nucën ꞌIbu Dios ꞌaish ca min sinan usabi asérabi upíira upí ꞌicën. Mix camina usabi ꞌiá ꞌaish usabi ꞌain. A ꞌunpáxcamami usoquin imi ꞌimia isquin cana ꞌunan, min sinan upí ꞌixúnmi ñu ꞌaisama cuëëncëma cupí camina usoquin ꞌan.